Zëvendësministrja e Mbrojtjes, Elfet Ismaili, ka njoftuar se do të hapen 300 punësime për ushtarë profesionistë të rinjë në Armatën e Republikës së Maqedonisë së Veriut.

Lajmi është bërë i ditur përmes një postimi të shpërndarë në profilin e saj në facebook, ku zëvendësministrja Ismaili ka ndarë një foto për këtë proces.

Ky hap i rëndësishëm është pjesë e strategjisë për forcimin e kapaciteteve të ushtrisë dhe ofron mundësi për të rinjtë të bëhen pjesë e Armatës, duke kontribuar në ruajtjen e sigurisë dhe mbrojtjen e vendit.

Ky program është një mundësi e shkëlqyer për ata që kërkojnë të zhvillojnë një karrierë profesionale në fushën e mbrojtjes.

Ministrja e Financave, Gordana Dimitrievska Koçoska thotë se kompanitë mund të punojnë të dielave, duke u përgjigjur në pyetjen se a do të shfuqizohet masa “E diela ditë jopune”.

“Gjithmonë kam thënë se nëse ndonjë kompani dëshiron të punojë, mund ta bëjë atë por duhet që ditoret të jenë më të larta”, tha Koçoska, në emisionin “Biznes 21”.

Ministrja njoftoi se Drejtoria për të Ardhura Publike ka kryer inspektime në rrugën e “Plastikave” dhe në Bit Pazar.

“Nga ky inspektim janë mbyllur disa shitore dhe janë dënuar kompani”, tha Ministrja.

Ka sqaruar se qëllimi i kontrolleve nuk ka qenë të mbyllen shitore dhe të dënohen kompani, por të vendosen kushte korrekte për të gjitha kompanitë.

Advertisement

“Ato kompani të cilat janë të ndershme, punojnë, i paguajnë tatimet, nuk kanë asnjë problem me ligjin – vazhdojnë të punojnë. Fokusi ynë është te ato kompani që bëjnë keqpërdorime”, tha Dimitrieska Koçoska.

Rruga kryesore për në fshatrat e Malësisë së Tetovës që kalon përmes fshatit Shipkovicë, është vështirë e kalueshme. Reshjet e borës që kanë rënë gjatë ditës së djeshme deri në orët e para të mëngjesit kanë bërë që në rrugët e malësisë së Tetovës banorët të kenë shumë probleme gjatë lëvizjes me automjete. Këto rrugë janë të kalueshme por vetëm me pajisje dimërore. Banorët janë ankuar se rruga nuk është e pastruar dhe hasin në shumë vështirësi në këtë periudhë. Ata janë të ndarë në opinionet e tyre,  disa thonë se bageri ka kaluar  dhe se janë të pastruara pjesërisht. Ndërsa disa banor të tjerë thonë se bageri që ka pastruar rrugën është bageri fshatit dhe se kompani e angazhuar nga ana e komunës së Tetovës akoma nuk ka kaluar në këtë fshat.AnketaNdërsa drejtori I ndërmarrjes publike komunale Tetova –Tetovë Samet Bislimki thotë se rrugët  brenda në qytet dhe në fshatra janë të kalueshme , por me kushte dimërore. Samet Bislimi- drejtor i NPK Tetova Kompania kontraktuese po punon intezivishte dhe mundohet të jetë sa më pastër dhe sa më mirë si pasojë e reshjeve të borës dhe gjatë gjithë kohës janë në terren, rrugët janë të kalueshme në qytet dhe fshatrat e malësisë së Tetovës , por është e logjikshme që patjetër duhet të ketë pajisje dimërore që të mos krijomë kaos në komunikacion. Informacionet i kemi se në të gjithë fshatrat e malësisë rrugët janë të kalueshme por me pajisje dimërore.” Nga komuna e Tetovës thonë se kompania e kontraktuar për pastrimin dhe mirëmbajtjen dimërore të rrugëve gjatë gjithë kohes është në terren dhe po punon intensivisht si rezultat i reshjeve të borës. Të gjitha rrugët në qytet dhe në fshatrat e malësisë së Tetovës janë të kalueshme dhe komunikacioni po zhvillohet normalisht. Apelohet te qytetarët që të vozisin me kujdes dhe të mbajnë pajisjet dimërore me vete për të mos krijuar kaos në komunikacion.U bëhet thirrje të gjithë qytetarëve që të mos i parkojnë veturat në rrugë dhe në vende jo adekuate për shkak se pengojnë procesin e punës.Ndryshe, tenderi për pastrimin e rrugëve është tre milion denarë  për rërë dhe krip , ndërsa për pastrimin e rrugëve katër milion denarë . TV KOHA