Sektori i Punëve të Brendshme Kumanovë në bashkëpunim me Departamentin e Policisë Kriminale pranë MPB-së sot (01.11.2024) në ora 13:30 ka vepruar me urdhër të Prokurorisë Publike Kumanovë për zbardhjen e veprës penale “marrje e ryshfetit” me çka ka arrestuar L.T nga Kumanova, inspektore e autorizuar ndërtimore në Komunën e Kumanovës, e cila është konstatuar se ka pranuar ryshfet prej 4.000 euro.

“Me datë 25.09.2024, një qytetar ka raportuar në SPB Kumanovë se inspektorja e autorizuar ndërtimore L.T në komunën e Kumanovës, e cila po ushtronte kontroll në një objekt në ndërtim të cilin i dëmtuari po e ndërton dhe në të cilin i pandehuri gjatë kontrollit të procesverbalit ka konstatuar devijim nga leja e ndërtimit dhe për të mos i lëshuar vendim për ndërprerjen e ndërtimit dhe mos paraqitjen e raportit përkatës pranë organeve kompetente i ka kërkuar ryshfet, fillimisht në shumën prej 1.500 euro, që më 31.10.2024 t’i kërkojë 4.000 euro”.

“Pas pranimit të kallëzimit është njoftuar Prokuroria e Kumanovës dhe janë ndërmarrë masat përkatëse. Viktimës i janë dhënë para të përpunuara teknikisht, të cilat ia ka dhënë L.T, në një lokal në Kumanovë. Pasi ajo i ka marrë paratë, është privuar nga liria nga zyrtarët policorë”.

“Pas dokumentimit të plotë të rastit, L.T. do të paraqitet para prokurorit publik kompetent në Prokurorinë Publike Kumanovë”, thonë nga MPB.

Agjencia e Ushqimit dhe Veterinarisë njofton e nga data 29 deri më 31 tetor, shërbimet inspektuese të tyre kanë kryer kontrolle të jashtëzakonshme në 41 shtëpi të të moshuarve në vend.

Siç thonë prej atje, me kontrollet u konstatua se 14 prej tyre nuk ishin fare të regjistruar si operatorë ushqimor në AUV.

“Janë dhënë 16 vendime me urdhër për heqjen e mospërputhjeve të konstatuara, nga të cilat 4 operatorë kanë pasur kërkesa të pamjaftueshme higjienike, ndërsa 3 operatorë janë konstatuar se nuk kanë kryer kontroll të detyrueshëm shëndetësor”.

“Në 5 operatorë u sekuestruan 40 kilogramë ushqime të pasigurta dhe u asgjësuan pa dëm”, thuhet në njoftim.

Ministri i Politikës Sociale, Demografisë dhe Rinisë, Fatmir Limani, ka zhvilluar sot takim me përfaqësuesen e UNICEF-it, Leslie Miller dhe kolegët e saj.

Bashkëbiseduesit diskutuan për rëndësinë e promovimit dhe forcimit të sistemit të mbrojtjes së fëmijëve, me theks të veçantë në vendosjen e garancisë evropiane për fëmijët në vend, e cila është një mekanizëm i BE-së për të parandaluar përjashtimin social të fëmijëve në nevojë, duke u garantuar atyre qasje në një sërë shërbimesh bazë sociale.

Ministri Limani informoi se analizat e nevojshme për prezantimin e tij janë në fazën përfundimtare dhe shprehu shpresën se së shpejti do të jemi vendi i parë në rajon që do ta zbatojë atë.

Bashkëbiseduesit iu referuan edhe Raportit të Komisionit Evropian, ku ndër të tjera theksohet nevoja për angazhime shtesë që sistemi i mbrojtjes sociale të bëhet më i hapur me disponueshmëri më të madhe të shërbimeve sociale. Por është theksuar edhe progresi në zbatimin e Strategjisë Kombëtare për Deinstitucionalizimin 2018-2027.

Nga përfaqësuesit e UNICEF-it u theksua se Maqedonia është lider në rajon në zbatimin e deinstitucionalizimit në sferën e fëmijëve, duke pasur parasysh se në një institucion nuk jeton asnjë fëmijë.

Advertisement

Bashkëbiseduesit u pajtuan se sfidat më së miri zgjidhen sistematikisht.