Lajme nga vendi
Shkupi dhe Sofja kanë rënë dakord për parametrat teknikë hekurudhor të korridorit 8
Bullgaria dhe Maqedonia e Veriut kanë arritur marrëveshje për parametrat teknikë për ndërtimin e hekurudhës së Korridorit 8, njoftoi mbrëmë Ministria bullgare e Transportit, raportojnë mediat bullgare.
Departamenti i atjeshëm saktësoi se në një takim pune në Sofje, përfaqësuesit e dy vendeve ranë dakord që tuneli ndërkufitar “Deve Bair” të ishte më i përshtatshëm për t’u ndërtuar nga një kontraktor.
Sipas njoftimit, për vendimin ka mbështetje nga përfaqësues të Bankës Evropiane për Investime, si dhe të Bankës Evropiane për Rindërtim dhe Zhvillim, si dhe gatishmëri për ndihmë në përgatitjen dhe zbatimin e procedurës së tenderit.
“Cila nga palët do të kryejë prokurimin publik për kontraktorin e objektit të tunelit, do të vendoset në bisedimet në vijim me institucionet potenciale financiare”, njoftojnë mediat bullgare.
Edhe nga ministria e Transportit në RMV konfirmojnë se në takim është pranuar nga të dyja palët që i gjithë projekti në seksionin e fazës 3 (seksioni Kriva Palankë – Deve Bair) të rishqyrtohet sepse çmimi aktual është shumë i lartë dhe i paarsyeshëm me synimin për uljen e tij.
Të dy delegacionet ranë dakord gjithashtu që të përdorin vendimin teknik të projektit për tunelin e dorëzuar nga NP Infrastruktura Hekurudhore.
Në takim, thonë nga Ministria e Transportit, u ra dakord që të dy vendet të formojnë grupe pune për përgatitjen e dokumentacionit të nevojshëm për tunelin.
Kryetari i Aleancës për Shqiptarët dhe ministri i Shëndetësisë, Arben Taravari në kuadër të takimit të 74 Rajonal të OBSH-së, zhvilloi takim bilateral me drejtoren rajonale të UNFPA për Evropën Lindore dhe Azinë Qendrore, Florence Bauer.
Në takim u diskutua për sukseset e deritashme në bashkëpunim, përfshirë uljen e vdekshmërisë së nënave dhe të porsalindurve, futjen e klinikave gjinekologjike mobile dhe forcimin e skrinimit për kancerit e qafës së mitrës.
Në përfundim, ky takim thekson përkushtimin e përbashkët për të përmirësuar shërbimet shëndetësore dhe për të siguruar një mbulim më të mirë për të gjithë qytetarët, duke afruar vendin më pranë standardeve evropiane të shëndetit.
Ministria mbetet e përkushtuar për të vazhduar përpjekjet e përbashkëta për përparimin e mbulimit universal shëndetësor dhe promovimin e shëndetit seksual dhe riprodhues me partneritete të gjera në rrugën drejt BE-së.
E shtuna është e rezervuar për ndeshjet e javës së 11-të të në Ligën e dytë. Të gjitha takimet luhen në të njëjtën kohë pra me fillim në ora 13:00
Kampionati në Ligën e dytë të futbollit vendor vazhdon të shtunën me ndeshjet e xhiros së 11-të të sezonit vjeshtor ku në program janë disa ndeshje mjaftë tërheqëse. Bashkimi në Kumanovë është vendase ekipit të Osogovës së Koçanit ku pret të arkëton tre pikët e radhës për të vazhduar rrugëtimin e sukseseve për kreun e tabelës. Në stadiumin e qytetit në Gostivar skuadra e Arsimit të Çegranit është nikoqire e ekipit Detonit Pllaçkovica ku është favorite ndaj çdo rezultat tjetër pos fitores do të ishte zhgënjim.
Derbi i kësaj jave zhvillohet në Gjorçe Pertove aty ku skuadra vendase përballet me liderin në renditjen e tabelës Bregallnicën e Shtipit, ndërsa në të gjitha sfidat tjera ekipet vendase konsiderohen favorite edhe pse nuk përjashtohet që të ketë ndonjë befasi.
Të gjitha ndeshjet zhvillohen të shtunën me fillim në ora 13:00, takohenË
Arsimi – Detonit Plačkovica
Bashkimi – Osogovo
Boreci – Vardari Neg
Makedonija Gj.P – Bregalnica
Novaci – Kamenica Sasa
Ohrii – Skopje
Pobeda – Vardarski
/ TV KOHA/
Taravari takon drejtoren rajonale të UNFPA, Florence Bauer
LIGA E DYTË: NESËR ZHVILLOHEN NDESHJET E JAVËS SË 11-të
Në Tetovë nesër organizohet koncerti gala “Tre tenorët”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve