Lajme nga vendi
Mucunski-Drexel: Maqedonia e Veriut është e përkushtuar në proecin eurointegrues
Ministri i Punëve të Jashtme dhe Tregtisë së Jashtme, Timço Mucunski, ka pritur sot në takim ambasadoren e Republikës Federale të Gjermanisë, Petra Drexler.
Në takim u shpreh kënaqësi e ndërsjellë për zhvillimin e marrëdhënieve të shkëlqyera dypalëshe ndërmjet dy vendeve, të cilat dallohen me dialog të rregullt politik dhe shkëmbim intensiv të vizitave të nivelit të lartë në periudhën e kaluar. Në këtë drejtim, u shpreh kënaqësi në takimin e zhvilluar së fundmi të ministrit Mucunski me Ministren Federale të Punëve të Jashtme të Gjermanisë, Analena Berbock në Berlin, ku u mirëpritën marrëdhëniet e shkëlqyera dypalëshe dhe u riafirmua mbështetja gjermane për procesin tonë evropian.
Në mënyrë të veçantë u theksua rëndësia e avancimit të mëtejshëm të bashkëpunimit të ndërsjellë në kuadër të procesit të integrimit evropian të vendit tonë dhe vazhdimi i mbështetjes së vendosur të Gjermanisë në këtë rrugë.
Lajme nga vendi
Filloi edicioni i 28 i festivalit të poezisë Ditët e Naimit
Mbrëmë në Tetovë në mënyrë solemne është hapur edicioni I 28 I festivalit ndërkombëtar të Poezisë Ditët e Naimit. Hapja solemne është bërë me ndezjen e flakadanëve dhe vendosjen e kurorave me lule pranë bustit të Naim Frashërit para pallatit të kulturës në Tetovës nga organizatori, përfaqësues të komunitetit bektashian dhe laureatja e çmimit poetja rumune Magda Çarneci. Pas kësaj, në qendrën për kulturë në Tetovë ka filluar edhe zyrtarisht festivali me mbrëmjen poetike ku ishin të pranishëm mbi 20 poet nga mbarë bota. Drejtori i Festivali Ndërkombëtar të Poezisë Ditët e Naimit Shaip Emërllahu tha se për më shumë se dy dekada në Tetovë kanë qëndruar me qindra poet të cilët I kanë dhënë këtij qyteti dimensionin kulturor.Deklarata Këtë festival do ta karakterizoj një program letrar, artistik dhe kulturor ku do të mbahen disa lexime poetike, do të bëhet një përurim libri, do të ndahen çmime të ndryshme letrare, si dhe do të bëhen vizita në monumentet kulturore, historike dhe fetare në qytetin e Tetovës. Me këtë rast poetët do t’i vizitojnë monumentet kulturore dhe historike të qytetit të Tetovës dhe në Teqenë Arabati Baba.
Lajme nga vendi
Bogovina nikoqire e Javës së veçantë studimore
“Java e Veçantë Studimore” 2024, që organizohet nga Fakulteti Pedagogjik i Universitetit të Tetovës dhe nga Shoqata “Arsimi” nga Zvicra këtë vit mbahet në territorin e komunës së Bogovinës. Me këtë rast tema e kësaj jave studimore është diversiteti në fshatrat e komunës së Bogovinës.Hapja solemne është bërë në oborrin e shkollës fillore Abdyl Frashëri të fshatit Bogovinë. Kryetari i kësaj komune Besnik Emshiu theksoi se është privilegj që komuna që drejton ai do të jenë nikoqire e këtij aktiviteti.
Java e veçantë studimore organizohet nga Universiteti i Tetovës në bashkëpunim me shoqatën Arsimi nga Zvicra dhe përvoja nga vitet e kaluara ka bërë që ky aktivitet me karakter studimor të vazhdojë edhe këtë vit. Mahir Mustafa Shoqata “Arsimi” nga ZvicraJava e veçantë studimore këtë vit i kushtohet eksplorimit të dy temave edhe atë Diversiteti Natyror dhe Diversiteti Kulturor.Gjatë ditës së sotme nxënësit e shkollës fillore Abdyl Frashëri të fshatit Bogovinë kishin ekspozuar ushqime tradicionale dhe punime të ndryshme të cilët ishin realizuar nga ato.Gjatë aktiviteteve tjera në ditët në vazhdim do të vizitohen edhe vendbanime tjera të kësaj komune, atraksionet turistike e kështu me rradhë.
Lajme nga vendi
ASH përshëndeti angazhimin e Brukselit për rikthim në agjendë të Korridorit 8
Aleanca për Shqiptarët përshëndet angazhimin e Brukselit zyrtar dhe faktorit ndërkombëtar në përgjithësi, për rikthimin në agjendë të Korridorit 8 si një projekt të rëndësishëm për vendin dhe rajonin.
“Falë presionit të brendshëm dhe të miqve europian u demaskua edhe mashtrimi i Qeverisë se gjoja nuk ka trase, se rruga përfundon në tunel që nuk shpie askund, se nuk bën projektimi dhe arsyetime të tjera boshe. E vlerësojmë si të rëndësishëm qëndrimin e fortë të Brukselit që solli këndjelljen e Qeverisë së RMV për vazhdimin e projektit të Korridorit 8. Ashtu siç kemi thënë që në fillim, tentimet e kësaj Qeverie proruse për të larguar vendin nga perëndimi janë të destinuara për të dështuar. Bashkë me aleatët tanë nuk do të lejojmë të dështojnë përpjekjet ndër vite për integrimet euro-atlantike të vendit dhe mbarë rajonit. Me një angazhim të përbashkët të forcave progresive, bashkë me qytetarët do të realizojmë vizionin tonë dhe do të pengojmë edhe projektet e tjera të mbrapshta të kësaj Qeverie monoetnike dhe jolegjitime”, thuhet në reagimin e ASH-së.
Ndryshe, mesazhet e Brukselit zyrtar janë që të rikthehet si prioritet Korridori 8, sidomos tani kur Qeveria i ridestinoi investimet drejt Korridorit 10, konkretisht lidhjes me Serbinë, Athinën dhe Hungarinë, ndërkohë që u ndërprenë punimet për hekurudhën Sofje-Shkup-Durrës dhe Itali.
Brukseli ka përgënjështruar Qeverinë e Mickoskit se projekti për Korridorin 8 nuk është projektuar si duhet nga ana e Bullgarisë dhe se investimi i lartë nuk do të sjell të mira ekonomike.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve