Gjykata e Tetovës i ka caktuar masën e paraburgimit 8 ditor të dyshuarit i cili i vuri zjarrin podrumit në Komunën e Tetovës. Bëhet fjalë për një 38 vjeçar nga Kaçaniku i Kosovës por që një kohë të gjatë frekuentonte në Tetovë dhe Shkup. Personi me inicialet B.R. dyshohet me veprën ka “shkaktim të rrezikut të përgjithshëm” për të cilën rrezikon dënim me burg deri në 5 vjet, por që nuk përjashtohet mundësia që pas zgjerimit të hetimeve dhe vërtetimin të motivit vepra mund të rikualifikohet nga organi i akuzës për shkak se bëhet fjalë për objekt të rëndësisë së veçantë, rrezikon shpërndarje në hapësira tjera publike dhe private, apo mund të konstatohet edhe motiv destabilizimi. Karta e tij penale dëshmon se i dyshuari ka kryer vepra të ngjashme penale edhe më parë. Në dy rastet e fundit ai ka vënë zjarr në një shtëpi të banueshme dhe një shtëpi tjetër të pabanueshme në të cilën dyshohet se e kishte shfrytëzuar për banim pa lejen e të zotit të shtëpisë. Madje i njëjti dyshohet se i vuri zjarrin edhe disa makinave në një parking në Tetovë.

Një shtetas gjerman në Kumanovë ka therur dy të mitur. Motivet sipas burimeve policore kanë të bëjnë me një shumë të parave që dy të miturit e kanë ditur se i posedon në çantën e tij shtetasi gjerman. Në deklaratën e tij të parë pas arrestimit, shtetasi gjerman ka deklaruar se në çantën e tij ka pasur një shumë të parave mbi 8 mijë euro, ndërsa nga të miturit është ndjekur një kohë të gjatë që t’i merren paratë. Derisa ka rezistuar t’i shmang i njëjti është sulmuar me gjësende të forta, ndërsa në një moment në vetëmbrojtje ka tentuar t’i neutralizon dy sulmuesit me thikë. Njëri prej tyre mësohet të jetë në gjendje më të rëndë ndërsa tjetri është lëshuar për kurim shtëpiak. Shtetasi gjerman, identiteti i të cilit akoma nuk është bërë i ditur po mbahet në polici. Ndaj të njëjtit pritet të caktohet masa e kujdesit. Në rrethana jo zyrtare mësohet se ndaj shtetasit gjerman ka pasur një urdhër policorë që ta lëshon shtetin, por i njëjti nuk e ka respektuar, përkatësisht ka zvarritur zbatimin e urdhrit policorë. /Alsat.mk

Për të ecur përpara duhet të kemi informacion për të kaluarën, ose më mirë se çfarë na la qeveria e LSDM-së. Institucionet e rrënuara që po fundosen për shkak të korrupsionit dhe krimit është gjendja e lënë nga qeveria e LSD-së dhe BDI-së, thonë nga VMRO-DPMNE

“Se i vetmi prioritet i qeverisjes së kaluar të LSD-së dhe BDI-së ishin tenderët e diskutueshëm, shihet edhe nga tenderi për autostradën Kërçovë-Ohër. Faktet thonë se BDI dhe LSD kanë pasur prioritet manipulimin e tenderëve, jo investimet kapitale dhe ndërtimin e infrastrukturës.

Kjo konfirmohet nga Raporti i Entit Shtetëror të Auditimit. Autostrada Kërçovë-Ohër edhe pse ishte parashikuar se sa do të kushtonte, papritur u shtrenjtua për 200 milionë euro dhe pa asnjë detaj. Ose kur bëhet fjalë për manipulimin e tenderëve, kjo ndodh në shumicën e tyre”, akuzojnë nga VMRO-DPMNE.

Karakteristikë e tenderëve të Qeverisë së LSD-së dhe BDI-së, shtojnë nga atje, është performanca e vonuar dhe rritja e kostove, të cilat rënduan buxhetin e shtetit.