Lajme nga vendi
Universiteti i Tetovës dhe North Ilinois University të përfaqësuar nga dy rektorët Prof. Dr. Jusuf Zejneli dhe Prof. Dr. Lisa C. Freeman nënshkruan marrëveshje bashkëpunimi në Çikago
Universiteti i Tetovës ka nënshkruar vazhdimin e bashkëpunimit të suksesshëm me North Ilinois University (NIU), duke u mbështetur në themelet e vendosura nga marrëveshja fillestare e nënshkruar në vitin 2014. I pranishëm ishte edhe Kryetari i Senatit të Universitetit të Tetovës Prof. Dr. Vullnet Ameti për të mbështetur këtë marrëveshje të rëndësishme. Pjesëmarrës ishin edhe dekani Fakultetit Pedagogjik Prof. Dr. Lulzim Mehmedi, dekania e Fakultetit të Kulturës Fizike Prof. Dr. Shpresa Memishi dhe përgjegjësi i Zyrës për Arsim Mr. Sc. Naser Ramadani. Ky partneritet i vazhdueshëm pasqyron përkushtimin e të dy institucioneve për përsosmëri akademike, bashkëpunim kërkimor dhe shkëmbim kulturor.
Që nga nënshkrimi i marrëveshjes, Universiteti i Tetovës dhe NIU-ja janë angazhuar në përpjekje të ndryshme bashkëpunuese, duke përfshirë shkëmbimet e fakulteteve dhe studentëve, projekte të përbashkëta kërkimore dhe konferenca akademike. Këto nisma kanë pasuruar përvojat akademike të studentëve dhe stafit të fakulteteve, duke nxitur një kuptim më të thellë të standardeve globale të arsimit.
Bashkëpunimi i zgjeruar synon të zgjerojë më tej mundësitë për të dy universitetet, veçanërisht në fusha të tilla si bashkëpunimi kërkimor, programet e shkëmbimit dhe zhvillimi i ndërsjellë i programeve akademike. Udhëheqja e të dy institucioneve është e përkushtuar për të eksploruar rrugë të reja për bashkëpunim nga të cilat do të përfitojnë komunitetet e tyre akademike përkatëse.
Përfaqësues të stafit dhe studentëve të Fakultetit Pedagogjik, Kulturës Fizike dhe programit të Psikologjisë në Universitetin e Tetovës vazhdojnë bashkëpunimin e tyre produktiv me North Ilinois University (NIU). Si pjesë e partneritetit të vazhdueshëm, si stafi ashtu edhe studentët nga këto departamente marrin pjesë aktive në projekte të përbashkëta dhe aktivitete akademike në NIU.
Ky bashkëpunim ka dhënë rezultate shumë produktive, me projekte që përfshijnë fusha të ndryshme të kërkimit dhe zhvillimit akademik. Shkëmbimi i njohurive dhe ekspertizës mes dy institucioneve ka pasuruar përvojat e pedagogëve dhe studentëve, duke kontribuuar në avancimin e arsimit dhe kërkimit shkencor në pedagogji, kulturë fizike dhe psikologji.
Universiteti i Tetovës është krenar për sukseset e arritura përmes këtij partneriteti dhe pret që të forcojë më tej marrëdhëniet me NIU-në, të përmirësojë bashkëpunimin akademik dhe të gjenerojë rezultate më me ndikim në të ardhmen.
Lajme nga vendi
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Një pensionist 78-vjeçar nga Obleshev e Kocanit, ka ndërruar jetë një javë pasi u shtrua në Klinikën për Sëmundje Infektive dhe Gjendje Febrile, pas infektimit nga virusi i Nilit Perëndimor. Ky është rasti i parë vdekjeprurës nga kjo sëmundje në vend, dhe i katërti i regjistruar.
Sipas informacionit nga Instituti për Shëndet Publik (ISHP), simptomat e para te pacienti filluan më 9 shtator, me humbje apetite, dobësi dhe temperaturë të ngritur deri në 39°C.
“Për shkak të shqetësimit, agresivitetit, afazisë dhe humbjes së vetëdijes, pacienti më 10 shtator u dërgua me urgjencë në spitalin e Shkupit, ku iu nënshtruan procedurave neurologjike. Për shkak të gjendjes së rëndë dhe diagnozës së encefalitit, ai u dërgua në Klinikën për Sëmundje Infektive dhe Gjendje Febrile në Shkup. U morën mostra për analiza mikrobiologjike. U konfirmua infektimi nga virusi i Nilit Perëndimor. Pavarësisht trajtimit, pacienti ndërron jetë më 16.09.2024”, njofton ISHP.
Rasti i parë i importuar u regjistrua në prill, ndërsa dy të tjerë në korrik dhe gusht të këtij viti.
Pacienti ishte një fermer, babai i dy fëmijëve, dhe nuk kishte udhëtuar jashtë vendit në periudhën e inkubacionit. Në rajonin e Koçanit është regjistruar pranimi i mushkonjave. Autoritetet shëndetësore kanë ndërmarrë masa për dezinfektimin e territorit.
ISHP thekson se sëmundjet e transmetuara nga vektorët po bëhen gjithnjë e më relevante, dhe ndryshimet klimatike ndikojnë në shpërndarjen dhe aktivitetin e tyre. Ka një rrezik të mesëm për popullatën, por mund të minimizohet duke ndjekur rekomandimet për parandalim.
Nesër do të mbajë mot i ndryshueshëm me vranësira dhe me reshje të kohëpaskohshme të shiut, ndërsa në disa vende do të jenë më të rrëmbyeshme të përcjella me bubullima, kumton Drejtoria për Punë Hidrometeorologjike (DPHM).
Temperatura minimale do të sillet në interval prej tetë deri në 15 gradë Celsius, ndërsa ajo maksimale gjatë ditës do të arrijë prej 14 deri në 25 gradë Celsius.
Të shtunën në pjesët perëndimore do të ketë kushte për reshje të dobëta lokale të shiut. Në ditët në vijim do të mbajë mot me diell me vranësira të ulëta deri në mesatare. Temperatura ditore do të jetë në rritje graduale.
Lajme nga vendi
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Ministri i Shëndetësisë Arben Taravari njofton se po shqyrtohet nëse spitali modular i vendosur në Klinikën Infektive në Shkup do të merret nga Ministria e Mbrojtjes apo do të transferohet në Burgun e Idrizovës.
Taravari tha se ka vendim të Qeverisë për marrjen e spitalit modular nga Ministria e Mbrojtjes, por se duhet ambulancë edhe në Burgun e Idrizovës.
“Sa i përket spitalit modular të Klinikës Infektive, tashmë ka një vendim të qeverisë me të cilin Ministria e Mbrojtjes duhet ta marrë atë spital. Ekziston një ide tjetër sepse në burgun e Idrizovës duhet spital. Tani jemi në dilemë nëse ai spital modular ta transferojmë atje për të shërbyer si ambulancë në Burgun e Idrizovës”, tha Taravari gjatë vizitës në Spitalin e Shtipit.
Për spitalin modular në Shtip, i cili funksionon që nga marsi i vitit 2021, Taravari tha se duhet menduar në mënyrë racionale se si të përdoret aty ku ka nevojë.
Ndryshe, gjatë pandemisë me vendim të Ministrisë së Shëndetësisë u ndërtuan spitale modulare në 16 qytete të vendit.
Vdes i moshuari në Maqedoninë e Veriut, një javë më parë ishte infektuar nga virusi i Nilit Perendimor
Nesër mot me vranësira dhe reshje të shiut, temperaturat deri në 25 gradë
Spitali modular në Klinikën Infektive në Shkup do të përdoret ose nga Burgu i Idrizovës ose nga Ministria e Mbrojtjes
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve