Lajme nga vendi
(VIDEO) Regjistrohen edhe 11 raste me kollën e keqe, numri i përgjithshëm shkon në 184
Në 24 orëshin e fundit janë regjistruar 11 raste të reja me kollën e keqe. Numri i përgjithshëm i të sëmurëve, sipas Qendrës së Shëndetit Publik shkon në 184.
Inspektorati Sanitar Shëndetësor vazhdon kontrollet nëpër çerdhe. Gjysma e fëmijëve parashkollorë, nuk pranohen në çerdhe për shkak se nuk janë të vaksinuar tërësisht ose janë të imunizuar pjesërisht. Komisioni për Sëmundje Infektive të enjten do të mbajë mbledhje të jashtëzakonshme.
“Sa u përket dilemave nëse është i vaksinuar me tre doza, apo nuk është i revaksinuar, a duhet të pranohet në çerdhe ose të mos pranohet. Rregullat janë strikte, do të kërkoj nga Komisioni për Sëmundje Infektive të mbajë takim gjatë ditës së nesërme dhe të kemi një qëndrim të unifikuar, i bazuar në këshillat që i jep KSI”, tha Ilir Demiri, Ministër i Shëndetësisë.
Demiri tha se një fëmijë konsiderohet i vaksinuar nëse ka marrë tre dozat e vaksinës Di-Te-Per, por i domosdoshëm është edhe rivaksinimi, prandaj kontrollet që zbatohen nga ana e Inspektoratit kanë të bëjnë me respektimin e kalendarit të imunizimit në tërësi.
“Unë kam kërkuar nga Inspektorati të zbatojë aktivitete dhe të ndalojë pranimin në çerdhe të fëmijëve që nuk janë të vaksinuar tërësisht ose jo. Vaksinimi nënkupton kur fëmija ka 3 doza, ai cilësohet si i vaksinuar, jo tërësisht i vaksinuar konsiderohet nëse për shembull ka pranuar 2 doza, nuk e ka pranuar të tretën. Nëse është rivaksinuar ajo është çështje tjetër. Vaksinimi zbatohet në tre doza, në 2, 4 dhe 6 muaj, me rivaksinimin e parë në moshën 18 muajshe. Këto predispozita janë shkencore, nuk janë të mijat personale”, u shpreh Ilir Demiri, Ministër i Shëndetësisë.
Sipas verifikimit të kartonëve të vaksinimit, në Shkup rreth 50 për qind e fëmijëve të moshës parashkollore nuk janë të vaksinuar ose janë të vaksinuar pjesërisht. Krahasuar me Shkupin, situatë më e mirë paraqitet nëpër qytetet tjera me përfshirje mbi 95 për qind të fëmijëve.
Lajme nga vendi
Tetovë, interesim I lartë për vaksinim
Vaksinimi kundër gripit sezonal ka nisur sot dhe zhvillohet në 36 loakcione të vendit. Janë siguruar 70 mijë doza, ndërsa 32 mijë qytetarë janë paraqitur për vaksinim.Në Qendrën për Shëndet Publik në Tetovë shihet një interesim i madh i qytetarëve për t’u vaksinuar.Bllagorodna Mishkovska mjeke në Qendrën për Shëndet Publik në Tetovë thotë se, vaksinimi po zhvillohet pa pengesa, ndërsa tregon edhe arsyet pse duhet vaksinuar.Sipas saj, nëse ka interesim më të madh do të sigurohen doza shtesë. “Sikurse viteve të kaluara edhe këtë vit kemi një interesim të shtuar për vaksinim.Të gjithë qytetarët e interesuar aplikojnë në portalin vakcinacija.mk, pra bëhet fjalë për grupet e rrezikuara dhe marrin sms termin se kur të vijnë të marrin vaksinën. Janë siguruar vaksina për pesë grupet e rrezikuara, të sëmurit kronikë, personat e moshës mbi 60 vjeçare, puntorët shëndetësorë, fëmijët deri në moshën 5 vjeçare dhe gratë shtatzëna.Për të gjithë këta, Ministria e Shëndetësisë ka siguruar vaksina pa pagesë.Qendra për Shëndet Publik në Tetovë, deri më tash ka siguruar 1700 doza të vaksinës kundër gripit sezonal” thotë Bllagorodna Mishkovska mjeke në Qendrën për Shëndet Publik në Tetovë Nga Qendra për Shëndet Publik thonë se vaksinimi mbron pacientët kundër gripit sezonal dhe ka nivel të lartë të imunitetit, por edhe nëse infektohen simptomat janë më të vogla dhe gripi kalohet më lehtë. Ministria e Shëndetësisë njofton se të gjithë të regjistruarit do të marrin porosi SMS për datën, orën e saktë dhe vendin ku duhet të paraqiten për vaksinim. Mjekët apelojnë që të gjithë qytetarët që janë pjesë e pesë grupeve të rrezikuara, në kohë të marrin vaksinën dhe të mbrohen nga viruset e ndryshme gjatë periudhës së ardhshme. / TV KOHA/
Lajme nga vendi
Visar Ganiu : Fëmijët ma rregulluan ditën që në mëngjes
Lajme nga vendi
Miratohet ribalansi I buxhetit të komunës së Tetovës
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve