Lajme nga vendi
Osmani: Të mos kërkojmë alibi por të riorganizohemi për dhënien e pasaportave
![](https://tetovaexpres.com/wp-content/uploads/2024/03/Bujar-Osmani.webp)
Për momentin porosia nga Greqia është se ata nuk kanë mundësi të pranojnë çfarëdo shkelje të marrëveshjes së nënshkruar ndërkombëtarisht. Duhet të përqendrohemi në riorganizimin e Ministrisë së Punëve të Brendshme për përshpejtimin e procesit të dhënies së pasaportave, tha sonte ministri i Punëve të Jashtme, Bujar Osmani i cili njëherësh është edhe kandidat i BDI-së për president të shtetit.
Gjatë pjesëmarrjes në Televizionin Sitel i pyetur nëse BDI-ja do ta mbështesë propozimin e PLD-së për ndryshime ligjore që do të mundësonte njohjen e pasaportave ku ka vulë me pronësinë e Republikës së Maqedonisë së Veriut, Osmani tha se marrëveshjet ndërkombëtare që janë pjesë e brendshme e rendit juridik nuk mund të ndryshohen me ligj.
“MPB nuk duhet të merret me çështje që nuk janë në kompetenca të saja. Ne duhet të jemi në koordinim edhe me palën e dytë, gjatë marrjes së ndonjë vendimi. Neni 118 i Kushtetutës thotë se nuk mundet që marrëveshjet ndërkombëtare që janë pjesë e rendit të brendshëm juridik të ndryshohen me ligj”, ka thënë Osmani.
Sa i përket informacioneve të ndryshme në opinion lidhur me mundësinë e udhëtimit me dokumente me emrin e vjetër kushtetues, Osmani ka përsëritur se është marrë notë se mund të udhëtohet vetëm nga Zvicra.
“Prandaj unë kam dalë menjëherë përmes ambasadës sonë për t’i informuar qytetarët se Zvicra nuk kërkon një gjë të tillë. Vendet në praktikë këtë e bëjnë, por nuk kanë marrë një vendim. Pra, kanë dhënë një udhëzim të brendshëm sepse nuk kërkojnë as fletudhëtime për qytetarët, por nuk kanë sjell vendim. Dhe unë nuk mund të dal dhe t’u them qytetarëve kur udhëtoni me makinë nëpër Gjermani, Hungari, Serbi, mos merrni fletudhëtim, se nuk kam një dokument të tillë. Kam pasur paralajmërim nga Mali i Zi, ja po them që nuk do t’i pranojë, kështu që tani po punojmë me Malin e Zi për të parë pse ka një qëndrim të tillë. Konsideroj se nuk duhet të kërkojmë alibi për momentin. Duhet të ulemi dhe të riorganizohemi që të mund të japim pasaporta. Ko është porosia për MPB-në në vend që të defokusojë”, ka thënë Osmani.
I pyetur se cilat janë më shumë gjasat, që BDI-ja ta mbështesë Pendarovskin në rrethin e dytë zgjedhor ose të shkojë në bojkot, Osmani me përgjigje se pret – të kundërtën, pra që ai të hyjë në rrethin e dytë zgjedhor.
“Duhet të garantojmë se do të vazhdojmë në rrugën drejt BE-së. Vetëm kjo do të garantojë harmoni të brendshme, prosperitet ekonomik dhe social, mbajtjen e të rinjve, kthimin e atyre që u larguan. Nuk ka alternativë tjetër. Rreziku më i madh nga kërcënimet hibride ruse do të jetë nëse në zgjedhjet e ardhshme bileta evropiane nuk do të jetë biletë fituese”, ka thënë Osmani.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve