Lajme nga vendi
Në filarmoninë e Shkupit në organizim të BFI-së u shënua viti i ri hixhri 1445.
![](https://tetovaexpres.com/wp-content/uploads/2023/07/FB_IMG_1689808775829-1024x683-1.jpg)
Në këtë manifestim krahas nikoqirit, Reisul Ulemasë, H. Hfz. Shaqir Ef. Fetai, anëtarëve të Rijasetit, muftinjeve dhe drejtorëve të sektorëve të Rijasetit të BFI-së, të pranishëm ishin edhe shumë mysafirë nga jeta shoqërore, politike, kulturore dhe fetare nga vendi dhe diaspora. Në fjalën e tij të rastit, Reisul Ulema H. Hfz. Shaqir Ef. Fetai tha:
Sonte shënojmë vitin e ri sipas kalendarit islam 1445 hixhri, i cili është ngushtë i lidhur me ngjarjen e madhe të Hixhretit të Muhamedit a.s që ndodhi në vitin 622 e që nënkupton “emigrimin e Muhamedit a.s. dhe muslimanëve të parë prej Mekes në Medinë me qëllim të gjetjes hapsirë dhe kushte më të volitshme në mbrojtjen, kultivimit dhe zhvillimit të Vërtetës hyjnore – Islamit Nuk është e rastit qê Islami hixhretin e koncepton si lëvizje të personaliteteve që levizën rrjedhat e historisë njerëzore si profetët, idealistë dhe personalitetet e mëdha historike që dhanë porosinë e shenjtë se lufta kundër të keqes dhe injorancës bëhet vetëm në lëvizje dhe dinamizëm të qartë dhe të paluhatshëm.
Padyshim hixhreti është një ngjarje e madhe në historinë e njerëzimit dhe si i tillë me një kuptim të përhershëm dhe të pashtershëm. Hixhreti nuk është ikje nga armiku, as largim nga vendlindja përkundrazi është aksion dhe lëvizje e bazuar në sakrifikim të pashoq për të ngadhënjyer e Vërteta. Andaj, hixhreti i Muhamedit a.s na mëson se të gjihtë këto muhaxhir nuk guxojnë të harrojnë atdheun e tyre dhe se duhet të bëjnë përpjekje të jashtëzakonshme që kurdoherë një ditë të kthehen në vatrat e tyre.
Manifestimi u shoqërua me program të pasur kulturor, u kënduan ilahi nga grupi i ilahistëve të BFI-së dhe nga ilahistë të mirënjohur nga vendi dhe Kosova dhe monolog nga aktori Arsim Fazlija.
Në fund Reisul Ulema me çmimin Vehbi Dibra për kontribut në jetën fetare dhe kombëtare dekoroi hoxhën e mirënjohur nga Struga, Miqail Osmani, kryetarin e komunitetit islam në Austri, Vahidin Beluli, hoxhën e mirënjohur Sherif Deari, ambasadorin dhe diplomatin Abdulkadër Memdin dhe post mortum nderoi hafizin e njohur nga Shkupi Taip Ali dhe haxhi Abdurezak Alija nga Tetova. Gjithashtu u ndanë edhe diplomat e hifzit për 15 hafizë dhe hafize të Kur’anit Famëlartë.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve