Në kuadër të festive kombëtare  të  nëntorit ndërlidhet e dhe jubileu i 50 vjetorit të themelimit të klubit të volejbollit Shkëndija. Pra më 30 nëntor me një ndeshje revyale mes veteranëve të klubit kuqezi dhe  veteranëve  të përfaqësueses së Kosovës do të shënohet ky përvjetor jubilar në praninë e atyre që kanë themeluar këtë klub, lojtarëve nga gjeneratat e para trajner dhe shumë të ftuar të tjerë.   Trajneri i ekipit Durim Luma i  cili është njëri  nga legjendat e kësaj skuadre tha  se  klubi i volejbollit  vazhdon të mbete simbol i  sportit  shqiptar

 ‘’Klubi i volejbollit Shkëndija shënon në datë jashtëzakonisht të rëndësishme, një histori me  gjysmë shekulli dhe mu për këtë datë  ne organizojmë një manifestim  të them solid që ta shënojmë këtë datë  të mblidhen të gjithë ata të cilët kanë kontribuar  si ish lojtar, familjar të të ndjerëve, pra post mortum. Dhe organizimi është në nivel të duhur. Jemi  gati në përfundim të këtij organizimi  me të  cilën merret  kryesia e klubit. Por besoj se të  gjitha gjërat do të rregullohen dhe do të ia arrijmë që këtë manifestim, këtë datë ta shënojmë ashtu siç i ka hije klubit të volejbollit Shkëndija i cili klub është simbol i volejbollit në mbarë trojet shqiptare’’

Ekipi  tetovar  krahas  angazhimeve që ka  në  kampionatin vendor  ditë më parë ishte edhe pjesë i ‘’Purneut Pavarësia 2024’’

‘’Ne kemi nderin që si klub shqiptar nga  trojet e  Republikës së Maqedonisë së Veriut  të marrim pjesë në këtë eveniment. Ishte për ne një jashtë zakonisht e mirë pasi që ju e di që KV Shkëndija ka një ekip të re dhe  cilësorë me  të cilën u pajtuan edhe  të gjithë ekspertët atje në Tiranë qofshin të Shqipërisë apo Kosovës’’ tha  trajneri Luma.

 Manifestimi  për shënimin e  50 vjetorit të klubit të volejbollit Shkëndija mbahet  të shtunën   me  fillim   nga  ora  17:30 me  ndeshjen revyale  veteranët e KV Shkëndija dhe  veteranët përfaqësueses së Kosovës, ndërsa  darka  solemne   ku edhe  do të ndahen mirënjohjet për të gjitha ata  që kanë kontribuar në afirmimin dhe ngritjen e cilësisë së klubit ndër vite./TV KOHA/

Advertisement

Në Baku të Azerbajxhanit, në periudhën prej 11-22 nëntor u mbajtë Takimi i 29-të i Palëve në Konventën Kuadër të OKB-së për Ndryshimet Klimatike, Takimi i 19-të i Palëve në Protokollin e Kiotos dhe Takimi i 6-të i Palëve në Marrëveshjen e Parisit, së bashku me takimin e 61-të të Organeve Këshillimore Ndihmëse në shkencës dhe teknologjisë dhe për zbatim.

Në këtë konferencë, Republika e Maqedonisë së Veriut u përfaqësua në nivelin më të lartë, me një delegacion të kryesuar nga kryetarja e shtetit Gordana Siljanovska Davkova, ku morën pjesë zëvendëskryeministri i parë dhe ministri i Mjedisit Jetësor dhe Planifikimit Hapësinor Izet Mexhiti dhe ministrja e Energjetikës, Minierat dhe Burimet Minerale, Sanja Bozhinovska.

Konferenca e OKB-së për Ndryshimet Klimatike (COP29) përfundoi me një Synim të Ri Kolektivë të Financimit të Kuantifikuar të Klimës (NCQG) për të ndihmuar vendet që t’i mbrojnë njerëzit dhe ekonomitë e tyre nga fatkeqësitë klimatike dhe të ndajnë përfitimet e mëdha të marrjes së energjisë së pastër COP29 mblodhi gati 200 vende në Baku, Azerbajxhan dhe arriti një marrëveshje që do të mundësojë:

– Financim të trefishtë të vendeve në zhvillim, nga objektivi i mëparshëm prej 100 miliardë dollarë amerikanë në vit, deri në 300 miliardë dollarë në vit deri në vitin 2035; dhe

– Përpjekje të sigurta nga të gjithë aktorët për të punuar së bashku për të rritur financimin në vendet në zhvillim, nga burime publike dhe private, në një shumë prej 1.3 trilion dollarë në vit deri në vitin 2035.

Advertisement

Konferenca e këtij viti arriti gjithashtu marrëveshje për tregjet e karbonit – diçka që disa COP të mëparshme nuk kanë mundur ta arrijnë. Këto marrëveshje do t’i ndihmojnë vendet që të realizojnë planet e tyre klimatike më shpejt dhe më lirë, dhe do të bëjnë përparim më të shpejtë në përgjysmimin e emetimeve globale këtë dekadë, siç kërkon shkenca.

U arritën gjithashtu marrëveshje të rëndësishme për raportimin dhe përshtatjen transparente të klimës.

Në COP të këtij viti, Republika e Maqedonisë së Veriut iu bashkua deklaratave të mëposhtme:

• COP29 Angazhimi për ruajtjen dhe rrjetet globale të energjisë (COP29 Global Energy Storage and Grids Pledge)

• COP29 Angazhimi për zonat dhe korridoret e energjisë së gjelbër (COP29 Green Energy Zones and Corridors Pledge)

Advertisement

• COP29 Deklaratë për veprim të zgjeruar në turizëm (COP29 Declaration on Enhanced Action in Tourism)

• COP29 Deklarata e ujit për veprimin klimatik (COP29 Declaration on Water for Climate Action).

Donacioni nga BE-ja prej gjashtë autobusëve ekologjikë ka mbërritur në garazhet dhe drejtorinë e NTP Shkup në Autokomanda. Promovimi i autobusëve u bë në prani të drejtorit të NTP-së, kryetares së qytetit të Shkupit, ministrit të Mjedisit jetësor, si dhe Delegacionit të BE-së në vend, transmeton Portalb.mk.

Sipas informacioneve, autobusët kishin mbërritur më herët në vend, por ndodheshin në magazinat e Doganës.

Çdo autobus ka kapacitet prej 98 pasagjerësh (69 në këmbë + 29 ulëse), duke përfshirë personat me aftësi të kufizuara, gjë që përmirëson më tej qasjen e tyre në shërbimet bazë dhe ofron mundësi për transport publik të aksesueshëm dhe lëvizje të sigurt urbane.

“Ky aktivitet që po zhvillojmë sot është një projekt me vlerë 10 milionë euro që do të kontribuojë në uljen e ajrit të ndotur, sepse është një problem mjedisor që e ndjejmë menjëherë pas fillimit të sezonit të ngrohjes”, tha ambasadori i Bashkimit Evropian në vend, Mihail Rokas, gjatë dorëzimit të gjashtë autobusëve ekologjikë.

Projekti, siç shtoi ai, përfshin qytetet e Manastirit, Kumanovës, Shkupit dhe Tetovës, përkatësisht ato që përballen me ndotje të shtuar të ajrit.

Advertisement

“Transporti është arsyeja e sasisë së madhe të emetimeve të dioksidit të karbonit që ne lëshojmë në atmosferë. Në këtë mënyrë u mundësojmë qytetarëve që në vend të automjeteve individuale të përdorin transportin publik. Duhet ta bëjmë transportin publik që sa më pak të ndotë”, theksoi Rokas.

Kryetarja e qytetit të Shkupit, Danela Arsovska, tha se donacioni nga Bashkimi Evropian është sukses për qytetin e Shkupit, duke shprehur shpresën se ky aktivitet do t’i motivojë këshilltarët e qytetit të Shkupit që të votojnë për blerjen e 250 autobusëve të tjerë ekologjikë.

“Ky është vërtet një sukses i madh i Qytetit të Shkupit dhe dëshmi se kur administrata jonë e qytetit nuk është e bllokuar, është në gjendje të zbatojë diçka nga e cila përfiton Qyteti i Shkupit dhe mbarë vendi. Shpresoj se sot me këtë projekt do t’i motivojmë të gjithë palët e interesuara dhe ata këshilltarë të Qytetit të Shkupit që duhet të votojnë edhe për 250 autobusë të tillë ekologjikë”, tha Arsovska.

Ministri i Mjedisit Izet Mexhiti nga ana tjetër tha se përkundër masave ekzistuese të qeverisë për uljen e ndotjes së ajrit, ministria e tij dhe qeveria janë duke ndërmarrë hapa të tjerë shtesë për t’u marrë me problemin e kahershëm të qytetarëve të Shkupit.

“Sot është një ditë e veçantë, sepse me ndihmën e BE-së kryeqyteti ynë po merr 6 autobusë të rinj. Me pasurimin e flotës së NTP-së, po përmirësojmë kushtet për shfrytëzimin e transportit publik. Pavarësisht masave të qeverisë për uljen e ndotjes së ajrit, ne kemi ndërmarrë hapa shtesë. Do të marrim 100-120 autobusë elektrikë për nevojat e komunave dhe qytetit të Shkupit. Ajri nuk njeh kufij dhe duhet të veprojmë të gjithë së bashku”, tha Mexhiti.

Advertisement

Donacion nga BE-ja bëhet përmes projektit “BE për ajër të pastër”. Siç informuan organizatorët e ngjarjes, Zyra e Kombeve të Bashkuara për Shërbime të Projektit (UNOPS), këta autobusë janë një hap i rëndësishëm në rrugën e qytetit të Shkupit drejt reduktimit të emetimeve, përmirësimit të cilësisë së ajrit dhe promovimit të lëvizshmërisë së qëndrueshme urbane.

Donacioni vjen pasi autobusët e NTP-së kanë ndërprerë qarkullimin për shkak të mungesës së naftës, pas së cilës Qeveria ka vendosur që qytetit të Shkupit t’i huazojë naftë nga rezervat shtetërore të naftës. Të nesërmen e këtij vendimi, banorët e Shuto Orizarit, të udhëhequr nga kryetari i tyre Kurto Dudush, kanë protestuar para qytetit dhe kanë kërkuar dorëheqjen e kryetares, pasi në këtë komunë ka më shumë se 730 ditë që nuk ka transport.

Problemi me transportin publik të qytetit kulmoi me 20 nëntor pasi, për shkak të mungesës së naftës, shumica e autobusëve të NTP-së mbetën të parkuar në bazat e tyre. Janë vënë në qarkullim 25 autobusë me gaz natyror dhe disa të tjerë që kanë rezervë nafte.

Kryeministri Hristijan Mickoski paralajmëroi nga Beogradi mundësinë e blerjes së autobusëve të rinj elektrikë për tejkalimin e këtij problemi të vazhdueshëm.

Prej se Arsovska është kryetare, transporti publik në Shkup është kolaps dhe nuk funksionon. Nuk ka autobusë të rregullt, duhet të presësh një orë në stacione, dhe kur vjen autobusi është plot me pasagjerë.

Advertisement

Danela Arsovska u bë kryetare e Shkupit si kandidate e VMRO-DPMNE-së me premtimin për transport falas për të gjithë qytetarët dhe blerjen e 250 autobusëve të rinj ekologjikë.