Për vetëm 28 ditë, Sektori i Punëve të Brendshme (SPB) të Tetovës, ka shqiptuar 602 gjoba për parkim të gabuar. Makinat e parkuara kudo ndikojnë në bllokimin e komunikacionit, por edhe hyrje-daljet në ndërtesat e banimit. Nga SPB Tetovë apelojnë për kujdes sidomos para shkollave dhe institucioneve.

“Pjesëtarë të SPB Tetovë dhe ai për siguri për komunikacionin rrugor, nga një prilli deri ditën e djeshme, kanë shqiptuar gjithsej rreth 602 masa për keq parkim, ndërsa nga merimanga janë ngritur rreth 300 automjete, që në mënyrë direke kanë penguar qarkullimin e lirshëm në komunikacion”, deklaroi Fatmir Rexhepi. Zëdhënës i SPB Tetovë.

Drejtori i Parkingjeve të qytetit, për Alsat thotë se ka parkingje në Tetovë. Madje shpesh janë të zbrazëta, ndërsa vozitësit e pandërgjegjshëm makinat e tyre i parkojnë nëpër rrugë.

“Ashtu siç thatë, halli më i madh në Tetovë është me parkingjet. Jo që nuk ka, ka parkingje në qytet e që janë vetëm 100-200 metra larg qendrës e ku ka shumë vende të zbrazëta, por është veti e tetovarëve ku ka nevojë mundësisht me makinën të futet edhe brenda madje në dyqan”, tha Mirko Martinovski, drejtor i NP “Parkingjet e Tetovës”.
Pikërisht për këtë kaos që krijohet nëpër rrugët e Tetovës, në komunë, brenda javës pritet të mbahet edhe debat për studimin e kryer me qëllim mos bllokimin e rrugëve.

“Javën e ardhshme, bashkë me Institutin për planifikim, po organizojmë debatin publik për studimin e mobilitetit, në të cilin do prezantohen analizat e para të bëra, problematikat e rrugëve si dhe rikategorizimi i rrugëve. Në këtë rast do përfshihet transporti publik, parkingjet, shtigjet për biçikleta dhe gjitha problemet tjera të komunikacionit. INS është institut nga Kosova që e bën edhe planin gjeneral Urbanistik të qytetit”, deklaroi Albion Alili, zëdhënës i komunës së Tetovës.

Advertisement

Rezultate nuk ka dhënë siç pritej, as edhe aksioni që u ndërmor në bashkëpunim me MPB-në, me ç’rast nëpër rrugët e Tetovës, janë nxjerrë dhjetëra policë për të mbajtur rendin në trafik.

Koalicioni VLEN me hapa të ri drejt formësimit të partisë së përbashkët. Sot pasdite është parashikuar formimi i kryesisë së re, që do të jetë e përbërë nga 23 anëtarë.

Alsat mëson emrat që partitë do t’i propozojnë, dhe duket se pjesë e kryesisë do të jenë anëtarë të të gjitha partive të koalicionit, ndërsa një pjese të kësaj liste, ju buron e drejta në bazë të funksionit që e kanë aktualisht.

LD propozon Izet Mexhitin, Visar Ganiun, Saranda Imerin, Merita Koxhaxhikun dhe Feride Haxhiun. Lëvizja BESA për anëtarë të kryesisë së partisë propozon Bilall Kasamin, Fatmir Limanin, Blerim Sejdiun, Melinda Rashidin, Hasim Murtezanin, Sedat Sulejmanin dhe Fadil Zendelin. Alternativa propozon Zeqirija Ibrahimin, Amir Elezin, Afan Elezin, Arben Labënishtin, Orhan Murtezanin, Safije Sadiki Shahinin, Bashkim Murtezin, ndërsa siç mëson Alsat, si pjesë e propozimeve të Alternativës, do të përfshihen edhe emra në bazë të funksionit që e ushtrojnë dhe ata do të jenë Bekim Sali dhe Imërlije Saliu Fetai, që të dy deputetë në Kuvend.

Për anëtarë të kryesisë së partisë do të jetë edhe përfaqësuesi i Vetëvendosjes, pjesë e koalicionit VLEN, Bekim Qoku, i cili poashtu pritet të propozojë edhe Jusuf Sopin.

Krerët e VLEN-it përshpejtuan procedurat për formimin e shpejtë të partisë, pas përplasjeve me kreun e ASH-së Taravari dhe vendimit të tij që në zgjedhjet lokale të garojë me lista të veçanta kandidatësh. / Alsat.mk

Advertisement

“Falje nuk ka, drejtësi për engjëjt tanë patjetër të ketë”, “Nuk do të ketë aq shumë gjak, nëse gjithçka është sipas ligjit. Kërkojmë përgjegjësi!”, “Sa jetë duhet të shuhen që ju të ndërgjegjësoheni”, “Nuk vdesim nga fatkeqësitë, vdesim nga korrupsioni”, “Përgjegjësia selektive, është papërgjegjësi”, janë disa nga pankartat që mbanin në duar familjet e të ndjerëve nga tragjedia e Koçanit gjatë marshit që po mbahet në Shkup, si simbol i reagimit të vonuar, transmeton Portalb.mk.

Ata akuzojnë prokurorinë se është e partizuar. Kërkojnë mbështetje nga te gjithë për marsh dhe protesta jo vetëm nga Koçani. Ata shprehen se nuk u besojnë institucioneve, drejtësisë në vendin tonë, e posaçërisht Prokurorisë.

“A është ky personi këtu brenda, i ashtuquajtur prokuror publik vetëm për nevojat partiake. Ne qytetarët ua kemi blerë kolltuket ku po qëndrojnë dh ei paguajm me mijëra euro, ata nuk janë shteti, ne jemi shteti. A kanë bërë ata revizion para pasardhësve të tyre, çfarë funksiononte e çfarë jo. A është burgosur dikush?. Këtu nuk ka drejtësi”, deklaroi Vlladimir Apostollov njëri nga familjarët e viktimave të Koçanit.

Një pjesë e familjarëve, me ftesën e Prokurorisë kanë hyrë të informohen mbi rrjedhën e hetimit. Sipas planit, marshi, nga Prokuroria duhej të vazhdonte në sheshin e qytetit në Shkup dhe do të përfundojë para Kuvendit të Maqedonisë, megjithatë tani për tani, pasi që familjarët kanë hyrë për bisedë në Prokurori, nuk dihet se si do të rrjedhë marshi, do të përfundojë aty, apo do të vazhdojë siç ishte paraparë.

Në zjarrin që ndodhi më 16 mars në diskotekën “Pulse” në Koçan, po atë ditë, jetën e humbën 59 persona, ndërsa më 4 prill, më 7 prill dhe 17 prill, ndërruan jetë edhe tre persona të tjerë, duke e çuar numrin total të viktimave në 62. Nga zjarri mbetën 196 të lënduar që u trajtuan brenda dhe jashtë vendit.

Advertisement

Sipas hetimeve të deritanishme nga institucionet, diskoteka ka punuar me një sërë shkeljesh të mëdha: nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.

Prokuroria në Koçan dhe Prokuroria për Ndjekjen e Krimit të Organizuar dhe Korrupsionit ka identifikuar si të dyshuar 68 persona fizikë dhe tre persona juridikë për krime të rënda kundër sigurisë publike, njëri prej tyre ka ndërruar jetë si pasojë e plagëve të marra nga zjarri. Ministria e Punëve të Brendshme ka ngritur kallëzime penale kundër tyre, shumica prej të cilëve ndodhen në paraburgim. Midis tyre është edhe zyrtari i BDI-së, Kreshnik Bekteshi.

Departamenti për Kontroll të Brendshëm, Hetime Penale dhe Standarde Profesionale në Ministrinë e Brendshme, në Prokurorinë Themelore Publike për Ndjekjen e Krimit të Organizuar dhe Korrupsionit më 25 prill ngriti kallëzim penal kundër K.B., G.L. dhe A.T, të gjithë policë, për shkak të ekzistimit të bazave të dyshimit për kryerjen e veprës penale të “keqpërdorimit të pozitës dhe autoritetit zyrtar”  lidhur me tragjedinë e zjarrit në Koçan.