Lajme nga vendi
Gjykata Kushtetuese e RMV-së do të diskutojë javën e ardhme për Ligjin e gjuhëve, hedh poshtë dirigjimin politik
Gjyqtarët nga Komisioni i Venecias, profesorë dhe ekspertë vendas, të enjten e ardhshme do të japin mendimin e tyre për çështjet e kontestuara juridike të Ligjit për përdorimin e gjuhëve. Seanca përgatitore do të mbahet më 20 mars në Gjykatën Kushtetuese. Gjyqtari holandez, Martin Kujer, i cili është edhe nënkryetar i Komisionit të Venecias, do të shpjegojë këshillën miqësore që gjykata kërkoi prej tyre dhe që duhet të miratohet nga komisioni, transmeton Portalb.mk.
Gjyqtari nga gjykata për të drejtat e njeriut, Arthur Kuch, nga ana tjetër, do të shpjegojë praktikën e kësaj gjykate në raste të ngjashme. Nga ekspertët vendorë, interpretimin e tyre do ta japin ish-gjyqtarja në këtë gjykatë, Margarita Caca Nikollovska, anëtarja e Komisionit të Venecias, Renata Deskoska, profesorët Borçe Davitkovski, Jeton Shasivari, Gordana Lazetiq, Mersel Bilalli, Denis Preshova, Mersim Maksuti, Merit Nuxhia, Nuret Bajramit dhe gjyqtarët Zhaklina Doveden dhe Ivan Xholev.
Të pranishëm do të jenë edhe iniciatorët e nismës, ndërsa Tanja Karakamisheva do të jetë e pranishme online. Në seancë do të diskutohet vetëm për të drejtën materiale, pasi tashmë është mbajtur seanca për pjesën formale. Kryetari i Gjykatës Kushtetuese nuk i bëri të ditur gjashtë çështjet e kontestuara, por thotë se do të interpretohet amendamenti 5 i Kushtetutës. Për të është e rëndësishme të dëgjohen të gjitha mendimet dhe gjykata të marrë një vendim korrekt dhe të bazuar në kushtetutë.
BDI-ja ka dërguar një deklaratë në të cilën ritheksojnë se debati për Ligjin për Gjuhët do të çojë në krizë politike dhe institucionale.
“Përpjekjet për të vënë në pikëpyetje kushtetutshmërinë e këtij ligji nuk janë asgjë tjetër veçse një sulm ndaj vetë themeleve të bashkëjetesës dhe orientimit euro-atlantik të vendit. BDI e konsideron këtë ndërhyrje të dirigjuar politikisht një akt regresiv, që nuk synon as drejtësi dhe as rregull institucional, por krijimin e tensioneve dhe hapjen e plagëve të së kaluarës”.
, thonë nga BDI.
Kryetari i Gjykatës Kushtetuese pyeti se sa kohë duhet të mbahen në sirtar këto nisma edhe pse ekziston gjykata në atë rast? Ai pohon se gjyqtarët do të diskutojnë për këtë çështje dhe pret që kjo të ndodhë më së voni deri në maj ose qershor. Pas seancës përgatitore, gjyqtari raportues duhet të përgatisë një raport të ri me mendimet nga të dyja seancat dhe të caktojë seancën.
Lënda e Ligjit për Gjuhët u formua nga 13 nisma nga qytetarë, parti dhe shoqata të ndryshme në vitin 2019, por u aktivizua këtë vjeshtë, pas vërejtjeve të Komisionit të Venecias.
Ligji për Zbatimin e Gjuhëve, në procedurë kuvendore ka hyrë më 5 shtator të vitit 2017-të, ndërkaq në fuqi ka hyrë në janar të vitit 2019-të.
Shtatë vjet pas miratimit të Ligjit të gjuhëve në atmosferë të tensionuar në Kuvendin e Maqedonisë së Veriut, me protesta dhe tentativa të panumërta të ish-presidentit Gjorgе Ivanov për ta bllokuar atë, në Gjykatën Kushtetuese më 11 dhjetori do të vendoset shfuqizimi i plotë ose i pjesshëm i këtij ligji.
Komisioni Rregullator për Energjetik ka njoftuar se me vendimin e fundit janë rritur çmimet e derivateve të naftës.
Çmimi i shitjes me pakicë të benzinës ЕUROSUPER BS-95 dhe ЕUROSUPER BS-98 si dhe të EURODIZELIT (D-E-V) rritet për 2,00 den/litër.
Sipas vendimit çmimi i shitjes me pakicë të ЕUROSUPER BS-95 është 73,50 den/litër, çmimi i shitjes me pakicë të ЕUROSUPER BS-98 është 75,50 den/litër, ndërsa çmimi i shitjes me pakicë të EURODIZELIT (D-E-V) është 66,00 den/litër.
Çmimi i shitjes me pakicë të VAJIT EKSTRA TË LEHTË PËR AMVISËRI (EL-1) rritet për 1,50 den/litër, kështu që çmimi i shitjes me pakicë të VAJIT EKSTRA TË LEHTË PËR AMVISËRI (EL-1) është 65,50 den/litër.
Çmimi i shitjes me pakicë të Мazutit М-1 SU rritet për 0,375 den/kg, kështu që çmimi i shitjes me pakicë të Mazutit M-1 SU është 37,155 den/kg.
Përderisa një pjesë e bulevardit “Bllagoja Toska” është drejt përufundimit, kurse një pjesë është përfunduar, për vazhdimin e të njejtit, këtë vit nuk do të ketë lëvizje konkrete. Të paktën këto janë informacionet zyrtare që vijnë nga pushteti lokal në Tetovë. Bëhet fjalë për vazhdimin e bulevardit nga Shkolla e Mesme Tekstile e deri tek lidhje me bulevardin “Ilinden”, ku momentalisht rruga është tepër e ngushtë dhe e dëmtuar dhe krijohet kaos vazhdimisht. Vazhdimi i këtij bulevardi është nevojë e kohës dhe urgjente për të lehtësuar komunikacionin në pjesët tjera të qytetit të Tetovës, thonë banorët e kësaj lagje.
“Duhet të bëhet, por nuk besojmë se ndonjëherë do të ndërtohet. Do të lehtësonte komunikacionin shumë për këtë pjesë ku jetojmë ne, por edhe për vet qytetin”, thotë një banorë i kësaj lagje.
Pas përfundimit të një pjese të këtij bulevardi, ende nuk ka informacione të sakta se kur mund të vazhdojë ndërtimi që do të zvogëlonte dukshëm kaosin në trafikun rrugor brenda në rrugët e qytetit, por kryetari i Komunës së Tetovës, Bilall Kasami është shprehur se vitin e ardhshëm do të jetë prioritet ky bulevard, por nëse e merr besimin edhe njëherë në zgjedhjet lokale që do të mbahen në tetor të këtij viti.
“Për vitin 2025 është në plan vazhdimi i bulevardit ‘Bllagoja Toska’, tek kazerma e qytetit, ashtu që kemi edhe vendim në fakt, ka kompani, operatorë që duhet të përmbyllë ato punë dhe jemi në fazën përfundimtare të përcaktimit të eksproprijimit të atyre pronave që ishin problematike dhe sigurisht dhe punimet tjera në qytet për riparimin e rrugëve, kurse sa i përket vazhdimit të bulevardit nga Shkolla e Mesme Tekstile e deri në bulevardit e Ilindenit, do të jetë në prioritet nga viti 2026”, tha kryetari Kasami.
Rikujtojmë se vetëm për një pjesë të vazhdimit të këtij bulevardi u deshën një dekadë, ndërsa për pjesën tjetër të mbetur me gjasë do të duhen edhe shumë vite, duke patur parasysh se për projektet kapitale gjithmonë ka ngecje administrative, por edhe mungesë fondesh. Në ndërkohë, gati se dy dekada në pjesën ku duhet të ndërtohet pjesa e fundit e bulevardit “Bllagoja Toska” nuk jepen leje për ndërtim, ndërsa ka mbi 10 objekte që duhet të rrënohen. Disa prej objekteve u është bërë edhe vlerësim shumë vite më parë, por nuk ka informacione të sakta se deri në cilën fazë është bërë shpronësimi.
Ministri i Ekonomisë dhe Punës, Besar Durmishi në një dalje për media tha se masat për uljen e çmimeve kanë dhënë rezultat. Durmishi bëri të ditur se së bashku me Inspektoratin Shtetëror të Tregut do të dalin në teren. Siç bëri të ditur nesë vërehet se ka rritje të çmimeve, Durmishi paralajmëroi masa më rigorize.
“Në pjesën e ushqimeve dhe pijeve, janë zvogëluar çmimet. Informacionet i kemi se këtë muaj, muajin prill të dhënat tregojnë se çmimet në pjesën e ushqimit dhe pijeve janë ulur, kështu që masat kanë dhënë rezultat. Tutje, në bashkëpunim me Inspektoratin Shtetëror të Tregut do të jemi në teren, do t’i shohim çmimet, nëse ka devijim nga ana e marketeve, nëse kemi rritje enorme të çmimeve, normalisht që do të shkojmë sërish me masa të reja. Nëse nuk sillen siç duhet tregtarët, ose i rrisin çmimet do të ketë sërish masa rigoroze, nga ato që kemi tani”, deklaroi Besar Durmishi – ministër i Ekonomisë dhe Punës.
Mashtroi qindra qytetarë shqiptarë, arrestohet 23-vjeçari francez në Tiranë! Prezantohej si filiali i një banke!
Shtrenjtohen çmimet e derivateve të naftës
Vitin e ardhshëm do të vazhdojë ndërtimi i bulevardit “Bllagoja Toska”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve