Me ndeshjen Vardari – Shkëndija që do të zhvillohet të premten me  fillim në ora  15:00, në terrenin e kampit stërvitor të FFM-së hapet sipari i xhiros së 24-të në elitën e futbollit vendor. Pesë takimet tjera zhvillohen të shtunën me fillim në ora 15:00

 Java e 24-të e kampionatit në Ligën e parë të futbollit vendor fillon  nesër  me ndeshjen derbi me Vardarit dhe Shkëndijës, ndeshje kjo e cila do të zhvillohet në stadiumin te kampi stërvitor i FFM-së me fillim në ora 15:00. Derisa skuadra e Vardarit  lufton mbijetesën, ekipi i  Shkëndijës rrugëton fuqishëm drejtë titullit të pestë kampion, prandaj kjo ndeshej ka rëndësi të veçantë për të dyja skuadrat. Mbrojtësi në ekipin kuqezi Aleksandër Trumçi në pritje të këtij takimi të vështirë thotë se kanë analizuar mirë ekipin kundërshtarë.

 ‘’Po është e vërtet atmosfera  në ekip është shumë e mirë pasi e kemi një seri  rezultate pozitive dhe ekipi po shkon mjaftë mirë dhe mendoj se do ja arrijmë objektivat që e kemi. Kemi ndeshjen e nesërme kundër Vardarit  të cilën e kemi  analizuar ekipin mjaftë mirë është një ekip shumë serioz dhe do shkojmë për  fitore ‘’

Duke marrë para sysh se skuadra e vardarit  pa marrë parasysh formën momental gjithmonë kundër  Shkëndijës jep maksimumin por futbollisti Trumçi shpreson se nga Shkupi do të kthehen kryelartë

 ‘’Po  ekipi është gjithmonë i gatshëm për çdo ndeshje. Të gjithë e dimë rëndësinë e kësaj ndeshje e cila është një derbi dhe është një ekip shumë serioz. Ne do shkojmë të japim maksimumin tonë dhe besoj se do kthehemi me rezultat pozitiv’’  tha futbollisti Trumçi

Advertisement

 Pesë  takimet  tjera  të  javës  së 24-të zhvillohen  të  shtunën me fillim në ora 15:00, takohen: Besa e Dobërdollit – Struga Trim Lum, Shkupi – Pelisteri, Voska Sport – Rabotniçki, Tikveshi – Gostivari  dhe AP Brera – Sileksi

Kampionati vendor volejbollit në kategorinë e meshkujve vazhdon garat e fazës së dytë me ndeshjet e xhiros së 17-të ku në program janë vërtet tre ndeshje të zjarrta duke marrë para sysh se vendoset për katër skuadrat e para që do të luftojnë në fazën e fundit ku vendoset titulli kampion.
Shkëndija është nikoqire e Rabotniçkit nesër me fillim në ora 20 e 30 në sallën e sportive te gjimnazi i Tetovës në një përballje që drejtpërdrejt vendos për pozitën e katërt në renditjen e tabelës, andaj trajneri Durim Luma shpreson se pas disa ndeshjeve ku kishte krizë të rezultateve ekipi do ti kthehet fitores

‘’Gjithsesi se do të jetë ndeshje e vështirë. Ne si Shkëndijë kemi hyrë në një krizë të rezultateve dhe besoj se në këtë ndeshje ne do të bëjmë at kthesën e duhur që në tre ndeshjet e ardhshme kundër Rabotniçkit, Universitetit të Tetovës dhe Borecit që vendosin për fatin tonë për të hyrë në katërshen e parë. Po që se këto ndeshje i kalojmë pozitivisht atëherë ne me siguri do të jemi në katërshin e parë’’

Sa i përket ndeshjes së nesërme me ekipin e Rabotniçkit trajneri Luma thotë se pret që volejbollistët e Shkëndijë të japin më të mirën nga vetja do të fitojnë këtë përballje.

‘’Unë gjithmonë jam optimistë, mirëpo do të jetë ndeshje e vështirë pasi Rabotniçki është një skuadër e mirë me tre përforcime të huaja. Por besoj se djelmoshat tonë do të bëjnë maksimumin që këtë ndeshje ta fitojmë‘’

Universitei i Tetovës është mysafire e Borecit në Veles, ndërsa të dielën në Shtip zhvillohet super derbi UGD Shtipi – Strumica. Ndërsa në ndeshjet e play out. takohen: Vesna Probishtipi–Liria Zherovjanit, Susheva – Makedonija Xhio dhe Janta Volej – Vardari

Advertisement