Sport
Një lojtare me prejardhje shqiptare ftohet nga përfaqësuesja më e mirë në botë
Më 15 dhjetor Norvegjia e fitoi titullin e kampionit të Evropës në hendboll. Hendbollistet e Norvegjisë në finalen e zhvilluar në Vjenë fituan bindshëm 31:23 ndaj Danimarkës.
Rrjedhimisht është përfaqësuesja më e mirë në botë në hendboll.
Dhe për përfaqësuesen më të mirë në botë do të paraqitet edhe një hendbolliste me prejardhje shqiptare. Bëhet fjalë për lojtaren e krahut, Tina Abdulla.
27-vjeçarja luan për skuadrën elitare të Norvegjisë, Storhamar. Për Norvegjinë ka luajtur një ndeshje, më 22 korrik të vitit 2023, dhe tani është ftuar sërish. Pritet të luajë edhe ndeshje të tjera.
“Jam e lindur në Shkup dhe kam jetuar atje deri në moshën trevjeçare. Më pas jemi vendosur në Norvegji. Familja ime është nga Maqedonia e Veriut, por është shqiptare”, ka thënë Abdulla më herët për KOHËN.
Abdulla më herët ka luajtur për Norvegjinë U19. Karrierë ka bërë te Vikingu e Tertnesi në Norvegji, kurse prej vitit 2020 deri në vitin 2022 ishte te Borussia Dortmundi në Gjermani. Prej atëherë është te skuadra Storhamar, që luan në Ligën e Kampionëve dhe fitoi Kupën e Norvegjisë në fund të dhjetorit.
Selektori i ri i Norvegjisë, Ole Gustav Gjekstad, ka liruar nga grumbullimi i marsit shumicën e lojtareve që kanë fituar medaljen e artë në Evropian. Ai ka ftuar kryesisht lojtare që kanë luajtur pak për Norvegjinë në të kaluarën dhe po ashtu tri debutuese.
“Skuadra përfshin shumë lojtare që nuk kanë shumë përvojë në ekipin nacional, por që janë paraqitur mirë për klubet e tyre në këtë edicion”, ka thënë Gjekstad.
Prej 3 deri më 10 mars përfaqësuesja e Norvegjisë mblidhet në Holandë. Norvegjia luan me Danimarkën, Poloninë dhe Holandën në kuadër të një turneu ndërkombëtar.
Norvegjezet kanë edhe tri medalje të arta olimpike dhe katër medalje të arta botërore.
Janë luajtur dy nga tri takimet e javës së 8-të të Ligës Unike në basketboll për femra. Skuadra e Flamurtarit fitoi 61-48 ndaj Partizanit, ndeshje e luajtur në Vlorë.
Një ndeshje e ekuilibruar në pjesën e parë, ku të dyja skuadrat rivalizuan mes tyre (38-35 për vlonjatet mbyllen 20 minutat e para).
Në pjesën e dytë skuadra vendase nis shkëputjen, ndërsa Partizani humbet terren. Thomas me 17 pikë e Johnson me 15 pikë u dalluan për Flamurtarin.
Pas kësaj sfide të dyja ekipet kanë nga 12 pikë në renditje, me nga 4 fitore e nga 4 humbje secila, ndërkohë që katër skuadrat më të mira shkojnë në play off.
Në krye të renditjes ndodhet ekipi i Bashkimi, që ka fituar sfidën ndaj Peja 03, ndërkohë që për t’u luajtur është ndeshja mes Junior Moni Bau dhe Tiranës.
Liga Unike-Femra (java e 8-të)
Flamurtari – Partizani, 61-48
Bashkimi – Peja 03, 76-65
Junior Moni Bau – Tirana, 20 shkurt
Renditja: Bashkimi 17 pikë, Partizani 12 pikë, Flamurtari 12 pikë, Peja 10 pikë, Tirana 10 pikë, Junior Moni Bau 8 pikë.
Më 22 nëntor, në Arabinë Saudite do të zhvillohet duel ii madh për titullin kampion bote në peshën e rëndë (kategoria IBF) mes britanikut Daniel Dubua dhe neo-zelandezit Josef Parker.
Dubua (22 fitore e 2 humbje në karrierë), që mban titullin kampion, fituar në shtator në përballjen ndaj Xhoshua, do të mbrojë për herë të parë gjerdanin e peshave të rënda.
Jozef Parker (35 fitore e 3 humbje në karrierë), dikur ka qenë kampion bote në peshën e rëndë (kategoria WBO, në vitin 2016) dhe synon të ngjitet sërish në majë.
Të dy boksierët po kalojnë një moment të mirë në karrierën e tyre. Dubua ka fituar tri përballjet e fundit, ndërsa Parker ka fituar 5 duelet e fundit dhe nuk humbet që prej vitit 2022.
Kjo është hera e parë që dy boksierët duelojnë mes tyre, ndaj dhe interesi është i madh, pasi mendohet një përballje e ekuilibruar. Në këtë event do të duelojnë edhe kampionë të tjerë si: Artur Beterbiev dhe Dmitri Bivol.
Të premten me fillim në ora 12:00, në Nion të Zvicrës do të hidhet shorti për fazën e 1/8 së finales në Ligën e kampionëve evropian që kësaj radhe është zhvilluara me formatin e ri. Tetë skuadrat më të mira në fazën e Ligës u kualifikuan automatikisht në raundin e 16-të, tani do t’iu bashkëngjiten tetë ekipet fituese të fazës së play off-it .
Pra, tetë ekipet e kualifikuara në fazën e play off-t PSZH, Real Madridi, PSV, Club Brugge, Borussia Dortmund, Bayern Munyh, Fejnord dhe Benfika, për kundërshtar të mundshëm do të kenë një nga këtë tetë ekipet si Liverpuli, Barcelona, Arsenali, Interi, Atletiko Madridi, Bayer Leverkusen, Lille dhe Astona Villa.
Kujtojmë që pas ndeshjeve të play off-it nga garat e mëtutjeshme janë eliminuar Milani, Mançester Siti, Juventisi, Atalanta
Shaban Sinani – TV Koha
Bislimovski: Faji te EVN për faturat e larta të rrymës
Hyri në fuqi kufizimi i marzhës, qytetarët presin ulje reale të çmimeve
Këtë sezon gripi jep simptoma intensive, deri më tani në RMV vaksinën e kanë marrë 72.288 persona
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve