Shaban Sallmani nga Gostivari është emri i propozuar për postin e Zëvendës Drejtorit në Byronë për Siguri Publike në Ministrinë e Punëve të Brendshme (MPB). Ai ka një karrierë të gjatë dhe të pasur në sektorin e sigurisë, duke shërbyer për më shumë se dy dekada në pozita të ndryshme brenda MPB-së.

Përvoja profesionale:
• Gjatë krizës së Kosovës (1999-2000), ka punuar me organizatat ndërkombëtare “Action Against Hunger” dhe “Oxfam GB” si asistent programi.
• Ka bashkëpunuar me OSBE-në në zgjedhjet parlamentare të vitit 2002.
• Ka qenë profesor në Shkollën e Mesme Ekonomike në Gostivar (2004-2005).
• Prej vitit 2007 e deri më sot, ka mbajtur pozita të rëndësishme në MPB, duke përfshirë:
• Inspektor për të huajt dhe kalimet kufitare (2006-2008).
• Kryeshef i administratës në SPB Tetovë (2008).
• Shef ndërrimi në Stacionin Policor Gostivar (2008-2015).
• Udhëheqës sektori në Departamentin Policor Gallatë (2015-2018).
• Inspektor i lartë në Departamentin e tregtisë së paligjshme të drogës (2018-2022, 2023-aktualisht).
• Inspektor i lartë në luftën kundër krimit të organizuar dhe serioz në MPB (2022-2023).

Kualifikimet dhe aftësitë:
Shaban Sallmani është njohës i gjuhës angleze dhe gjermane. Ai ka ndjekur shumë trajnime kombëtare dhe ndërkombëtare, përfshirë edhe trajnime me DEA-n amerikane. Përveç kësaj, ai është trajner kombëtar për trajnimin e zyrtarëve policorë në MPB.

Me këtë përvojë të gjerë, emërimi i tij në krye të Byrosë për Siguri Publike shihet si një lëvizje për të forcuar luftën kundër krimit të organizuar dhe për të përmirësuar sigurinë publike në vend.

Ministri i Transformimit Digjital, Stefan Andonovski në fjalimin në Forumin për Zhvillim Rajonal të organizuar nga Unioni Ndërkombëtar i Telekomunikacionit (ITU), i cili aktualisht po mbahet në Budapest, Republika e Hungarisë theksoi se në Maqedoni industria digjitale kontribuon mbi 5% në BPV dhe se kjo shifër është në rritje.

“Qëllimi ynë është ta përshpejtojmë këtë rritje duke investuar në inteligjencën artificiale, sigurinë kibernetike dhe infrastrukturën dixhitale, duke siguruar që çdo qytetar të ketë akses në shërbime dixhitale të shpejta, të besueshme dhe të sigurta. Duke parë përpara në vitin 2025, momenti ynë i ardhshëm historik është zgjerimi i shërbimeve dixhitale të qeverisë dhe zhvillimi i iniciativave të qytetit të zgjuar, sistemeve të identitetit dixhital dhe automatizimi i AI. Ne nuk duam vetëm të vazhdojmë me revolucionin dixhital, ne duam që Maqedonia të bëhet lider në qeverisjen dixhitale në Ballkanin Perëndimor”, tha ministri Andonovski

“Duke ndarë praktikat më të mira, duke harmonizuar rregulloret dhe duke investuar në infrastrukturën ndërkufitare, ne mund të përshpejtojmë kolektivisht transformimin dixhital në të gjithë vendet e Evropës Juglindore”, tha Andonovski.

Prokuroria Themelore Publike Shkup ka iniciuar procedurë hetimore kundër një 37-vjeçari nga Shkupi për shkak të dyshimit se ka kryer veprën penale “Sulm seksual dhe përdhunim”, njoftojnë nga Prokuroria

“Më 21 shkurt, i dyshuari ka dhunuar me forcë një grua në një makinë në pronësi të babait të saj, duke e detyruar atë të kryejë marrëdhënie seksuale kundër dëshirës dhe pëlqimit të saj. Viktima i ka rezistuar prekjes së tij gjatë gjithë kohës, por ai e ka goditur me grushte në kokë dhe trup, si dhe e ka goditur me shqelma në fytyrë, pas së cilës ajo ka filluar të rrjedh gjak të rëndë.

Së fundi, ai e ka detyruar me forcë të kryejë marrëdhënie seksuale, ndonëse viktima ka tentuar të shkëputet dhe të arratiset pa sukses.

Duke pasur parasysh se në këtë rast ekzistojnë rrethana që tregojnë rrezik për arratisje dhe mundësi që i dyshuari ta përsërisë veprën, prokurori publik ka paraqitur propozim te gjyqtari i procedurës paraprake në Gjykatën Themelore Penale në Shkup për caktimin e masës së paraburgimit”, thonë nga Prokuroria