Lajme nga vendi
Në seancë kuvendore do të votohet për anëtarët e rinj të Këshillit të ASHMAA
Kuvendi sot do ta mbajë seancën e 34-të, në rend dite të së cilës janë gjithsej 25 pika, ndër të cilat edhe Propozim-vendimi për emërimin e anëtarëve të Këshillit të Agjencisë për Shërbime Mediatike Audio dhe Audiovizuale.
Propozim-vendimi për emërimin e anëtarëve të Këshillit të ASHMAA-së është pika e katërt e rendit të ditës. Për miratimin e tij nevojitet një shumicë prej dy të tretash dhe shumica e Badenterit.
Komisioni kuvendor për çështje të zgjedhjeve dhe emërimeve në seancën e fundit të ditës nga janari konfirmoi listën e kandidatëve në të cilën janë Viktor Pavlovski inxhinier i diplomuar për informatikë prodhimi nga Shkupi, Sasho Stefanovski i diplomuar për art filmik dhe kameraman televiziv nga Shkupi, Petar Xhurovski montazher i diplomuar filmik dhe TV nga Shkupi, Cvetanka Minovska gazetare e diplomuar nga Shkupi, Afrona Vërzilova ekonomiste e diplomuar nga Shkupi, Nafije Selmani profesoreshë e diplomuar për gjuhë dhe letërsi shqipe nga Shkupi dhe Gordana Majnova ekonomiste e diplomuar dhe magjistre për komunikologji.
Kryeministri Hristijan Mickoski dje tha se zgjedhja e kandidatëve për anëtarë të Agjencisë për Shërbime Mediatike Audio dhe Audiovizuale (ASHMAA) është zbatuar sipas dispozitave ligjore dhe secili që i plotëson, mund ta kryejë atë funksion.
“Zgjedhja e anëtarëve të ASHMAA-së, si dhe zgjedhja e kryerësve të funksioneve të larta shtetërore dhe publike bëhet në bazë të dispozitave ligjore dhe secili që i plotëson, ndërsa është propozuar ta kryejë atë funksion, do ta kryejë. Në bazë të ndjenjave dhe deklaratave të cilat na çojnë në drejtim të përmirësimit të atij procesi, unë nuk do të bëj asnjë koment. Por, kushdo që plotëson kushtet ligjore dhe ato kushtetuese, kuptohet, në këtë vend mund të zgjidhet në çdo pozicion për të cilin propozohet. Ai që nuk i plotëson nuk do të propozohet”, tha Mickoski në pyetjen e gazetarëve në lidhje me reagimet nga ambasadat e huaja për profesionalitetin e kandidatëve për anëtarë të Këshillit të ASHMAA-së dhe politizimin e tij.
Shoqata e Gazetarëve të Maqedonisë (SHGM) shprehu brengë për shkak të zgjedhjes së kandidatëve për anëtarë të Këshillit të Agjencisë për Shërbime Mediatike Audio dhe Audiovizuale (ASHMAA). Sipas tyre, një pjesë e kandidatëve të zgjedhur nuk i plotësojnë kushtet formale dhe kanë prapavi partiake, gjë që vë në pikëpyetje profesionalizmin dhe pavarësinë e tyre. Apeluan që Kuvendi të zgjedhë anëtarë të pavarur dhe kompetent për të garantuar efikasitetin dhe paanshmërinë e organit rregullator.
Para deputetëve në seancën e sotme si pikë e 14-të janë edhe Propozim-ndryshimet e Ligjit për deputetët, me procedurë të shkurtuar. Ky propozim-ligj është dorëzuar nga grupi i deputetëve E Majta, me të cilin parashikohet ulje e shumës që Kuvendi ua paguan parlamentarëve për shpenzime rrugore. Sipas Të Majtës, në periudhën nga viti 2010 deri në 2024, për shpenzime rrugore për deputetët e VMRO-DPMNE-së janë shpenzuar 3.700.000 euro, të LSDM-së 2.000.000 euro dhe të BDI-së 680.000 euro.
“Në këto shuma nuk janë përfshirë shpenzimet për qiratë e deputetëve, shumica e të cilëve kanë banesa në Shkup, ndërsa paguajnë qira nga shteti. Sot 12 shkurt – e mërkurë 120 deputetë kanë mundësi të heqin dorë nga arroganca e tyre dhe të votojnë për ligjin e Të Majtës, i cili propozon kufizimin e shpenzimeve rrugore (të mos shfuqizohen, që të mos “ofendohen” deputetët tjerë), theksoi deputetja dhe sekretare e përgjithshme e Të Majtës, Jovana Mojsoska.
Deputetët do të debatojnë edhe për Propozim-vendimin për publikimin e shpalljes publike për emërimin e kryetarit dhe anëtarëve të Komisionit Shtetëror për Ankesa për prokurimet publike, Propozim-vendimi për shkarkimin e drejtorit të Agjencisë për Cilësi në Arsimin e Lartë, Propozimi për shkarkimin e drejtorit dhe zëvendës drejtorit të Agjencisë për Administratë dhe Propozim-vendimi për publikimin e shpalljes publike për zgjedhjen e anëtarit të Komisionit për Parandalimin dhe Mbrojtjen nga Diskriminimi.
Në rend dite të kësaj seance janë edhe disa vendime ligjore nga fusha e financave, si dhe Propozim-vendimet e Ligjit për parandalim dhe mbrojtje nga dhuna ndaj grave dhe dhuna në familje dhe të Ligjit për Mundësi të Barabarta të grave dhe burrave.
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve