Lajme nga vendi
Ndërmarrjet komunale në mënyrë joligjore kanë blerë rrymë të shtrenjtë
Qeveria tani për tani nuk e di se si shpejtë dhe në mënyrë efikase të zgjidh problemin me borxhin që e kanë 90 ndërmarrje komunale për shkak të faturave të papaguara për energji elektrike. Deri në fund të dhjetorit të vitit 2024, ndërmarrjet publike komunale kanë borxh prej 113 milionë eurove, ndërsa një pjesë e këtij borxhi është për shkak të faturave të papaguara të rrymës.
Këto ndërmarrje komunale para së gjithash janë të ujësjellësit dhe kanalizimit që shfrytëzojnë rrymë për punën e pompave që mundësojnë furnizimin e banorëve me ujë, por edhe për largimin e ujërave fekale dhe atmosferike.
Këto ndërmarrje publike në letrën e dërguar deri te Qeveria kërkuan që tu mundësohet të blejnë rrymë sipas çmimit që EMV-ja shtetërore ia shet furnizuesit gjeneral EVN Home, prej ku furnizohen amvisëritë. Por, një pjesë e këtyre kompanive, për arsye të panjohura, kanë vendosur të furnizohen me energji elektrike nga furnizuesi i mundësisë së fundit, përkatësisht nuk kanë zgjedhur kompani prej së cilës do ta blejë rrymën, me çka çmimi është shumë më i lartë dhe është sipas çmimit ditor të Bursës së Maqedonisë të energjisë elektrike të rritur për 40%.
Përndryshe nëse ndonjë ndërmarrje furnizohet nga Furnizuesi i mundësisë së fundit, këtë mundet sipas Ligjit ta bëjë më së shumti tre muaj, pas çka duhet të gjejë furnizues tjetër komercial. Por të gjithë komunat dhe qeveritë deri më tani e tolerojnë këtë jorespektim të shtrenjtë të Ligjit, për shkak se këto ndërmarrje kanë rëndësi strategjike për qytetarët. Bozhinovska dyshon se ka raste kur disa drejtorë të ndërmarrjeve publike komunale qëllimisht shkojnë te furnizuesi i mundësisë së fundit dhe se do të kontrollohet nëse ka bazë për përgjegjësi. Komisioni rregullator për energjetikë nuk rekomandon që këto ndërmarrje të marrin çmim të njëjtë si EVN Home, për të mos prishur funksionimin e EMV-së.
Kryetari i Komunës së Gostivarit, Valbon Limani, bashkë me ministrin për Çështje Sociale, Fatmir Limani, sot bashkërisht ndanë 10 vendime pune për punonjëset e çerdheve. Po ashtu, u promovuan edhe hapësirat e reja shtesë me dy paralele për akomodimin e 60 fëmijëve.
Kryetari Valbon Limani, bashkë me ministrin Fatmir Limani, biseduan edhe për çerdhen e re që do të ndërtohet në Gostivar me kapacitet prej 100-120 fëmijë, kurse procedura për ndërtimin e së cilës është në vijim e sipër.
“Me ministrin Limani diskutuam edhe projektet vijuese, siç janë dy klasat shtesë të cilat kanë kaluar dhe janë në përgatitje e sipër, dhe me të cilat do të rriten kapacitetet për 60 fëmijë, si dhe aplikimi i cili vijon për një çerdhe të re me kapacitet prej 100-120 fëmijësh. Me këtë, besoj se nuk do të ketë më lista të pritjeve për në çerdhe në Komunën e Gostivarit”, u shpreh kryetari Limani.
Në këtë ngjarje u vizitua edhe Qendra “Blue Puzzle” dhe Qendra ditore për persona me nevoja të veçanta, ku u ndanë mjete didaktike.
Ndërtimi i një qendre laboratorike shkencore për nxënës të shkollave të mesme dhe fillore, ndihmë në realizimin e projektit për orëmatësit, ndërtimi i Sahat Kullës në Tetovë dhe investime në menaxhimin e mbetjeve në qytet.
Këto ishin projektet që u dakorduan për ta ndihmuar komunën e Tetovës nga ana e Unionit të Komunave Turke në Botë, konkretisht komuna e Konjës së Turqisë. Kreu i Unionit Botëror të Komunave turke, Ibrahim Altay paralajmëroi ndihma për ujësjellësin dhe menaxhimin me mbeturinat në Tetovë.
“Sot ne jemi këtu për të biseduar për projektet e radhës në të cilat do bisedohet edhe për komunën e Tetovës, pra sot do flasim, për mundësinë e parë të themelimit të një qendre të shkencës në Tetovë në modelin e shumë komunave në Turqi me çka, nxënësit e shkollave fillore dhe të mesme mësimet praktike në shkencat ekzakte do mund ti marrin nga kjo qendër. Po ashtu be kryetarin Altay kemi folur edhe për rikthimin e një projekti që ishte i dakorduar më herrët, por u pezullua për një periudhë të gjatë, pra, rikthimi i sahat kullës në komunë të Tetovës për t’ia rikthyer identitetin e saj”, tha Bilall Kasami. Kryetar i komunës së Tetovës.
“Unioni i Komunave turke është formuar në vitin 2003 nga gjithsej 30 shtete kemi 1200 anëtarë dhe i kushtojmë rëndësi të veçantë ruajtjes së trashëgimisë kulturore nëpër komuna dhe krijimit të një bashkëpunimi mes komunave. Me z.Kasamin bashkëpunojmë prej tre vjetësh, takohemi bashkë edhe me komunat e tjera. Jam i kënaqur që marr pjesë këtu në Tetovë sepse kreu i Komunës Kasami gjithnjë i jep shumë rëndësi bashkëpunimit dhe kjo rrit vlerën e bashkëpunimit tonë”, u shpreh Ibrahim Altaj, Kryetar i Komunës Konja, Turqi.
Ministri i Mjedisit, Planifikimit Hapësinor dhe Infrastrukturës, Liburn Aliu ka zhvilluar një vizitë në punimet e rrugës Prizren-Tetovë.
Aliu përmes një postimi në rrjetin social në Facebook ka bërë të ditur se këtë vizitë e ka zhvilluar bashkë me zëvendësministrin Hysen Durmishi si dhe me ministrin e Transportit, Aleksandar Nikoloski, dhe zëvendësministren e Transportit, Kaltrina Zekolli Shaqiri.
Edhe një çerdhe e re në Gostivar, ndahen 10 punësime të reja
Unioni i Komunave turke premton investime në Tetovë
Rruga Prizren-Tetovë, Aliu: Do të shkurtohet nga tre orë në më pak se një
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve