Lajme nga vendi
Ligji për përfaqësim të drejtë/ Të premten takimi i radhës, Fronti Evropian i gatshëm të ndihmojë
Fronti Evropian shprehet i gatshëm të ndërhyjë me amendamente në mbështetje të ligjit për përfaqësim të drejtë, që po hartohet nga grupi i punës mes VLEN dhe VMRO-DPMNE. Sali Murat nga Fronti Evropian, thotë se edhe ata kanë përgatitur një draft version për përfaqësim të drejtë, por të njëjtin nuk do ta prezantojnë. Janë në pritje të shumicës qeveritare.
“Presim koalicionin qeverisës të përgatisin draft versionin e tyre, të shohim se cilat rrethana do të përfshihen me ligjin e tyre por ne kishim dyshime se do të ngritin një gjë të tillë për shkak deklaratave të tyre se duhet të presim. Por partitë e koalicionit qeverisë bartin përgjegjësi për këtë çështje. Ne jemi të gatshëm t’ua ofrojmë draft verzionin tonë, do ta ofrojmë mbështetjen tonë dhe gjithçka që duhet, vetëm që të sillet ligji për përfaqësim të drejtë dhe adekuat”, tha Sali Murat – FE.
Pas lajmit të Alsat ku u zbardhën detaje mbi ligjin, i cili do të jetë nën domenin e Agjencisë për Administratë, në vazhdën e komenteve, nga VLEN thonë se edhe një takim tjetër preliminar pritet të mbahet ditën e premte, e ku pritet të finalizohet pjesa më e madhe e ligjit. Nga ana tjetër, edhe VMRO DPMNE garanton se ligji do të jetë gjithëpërfshirës dhe nuk do të përpilohet për interesa politike. Para miratimit, do të merret mendim nga Gjykata Kushtetuese dhe Komisioni i Venecias. Ligji do të bazohet në popullsinë rezidente.
“Në kuadër të bisedimeve që zhvillohen për ligjet në fjalë mund të ketë edhe mos pajtime në pika të caktuara mirëpo krejt kjo është në domenin e asaj që të sillet një ligj më komplet dhe më gjithëpërfshirës. Gjithsesi se sanksionet do të jenë, do të insistojmë që të jenë sanksione të përmasave më ekstreme në drejtim që gjobat të jenë më të larta për ata të cilët nuk mundohen ta respektojnë. Por fundja do të jetë edhe mekanizmi i dyfishtë apo nënshkrimi i kufizuar brenda për brenda agjencionit për administratë”, tha Rijad Shaqiri – VLEN.
“Pres që të jetë i gjithë sistemi i shtetit sepse kështu duhet të vendoset ligji. Ju nuk mund të bëni përsëri do të them, ligj i cili nuk do të kalojë filtrin e Gjykatës Kushtetuese. Vlen të përmendet se të gjitha institucionet përfshirë dhe Gjykatën Kushtetuese do të thirren të japin mendim dhe nëse kanë keqkuptime t’i tregojnë para se të sillet ligji që mos të vijmë përsëri në situatë të kemi zonë gri juridike dhe të mos i garantojnë të drejtat e të gjitha komuniteteve etnike në vend”, tha Bojan Stojanovski – VMRO-DPMNE.
Sipas burimeve të Alsat, palët kanë përafruar qëndrimet për ligjin që duhet ta zëvendësojë balancuesin e shfuqizuar nga Gjykata Kushtetuese, dhe ai do të duhet t’i japë kompetenca shtesë Agjencisë për Administratë, në mënyrë që përgjegjës për të jetë zëvendësdrejtori i Agjencisë. Aktualisht po diskutohet që në rrethana të kornizës ligjore ekzistuese nuk i mbulon organet e sigurisë dhe për këtë po diskutohet që në ligj të përfshihen edhe këto organe. / Alsat.mk
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve