Kryetari i KRRE-së, Marko Bislimoski njofton se çmimi mesatar i energjisë elektrike për amvisëri rritet për 0,92% nga fillimi i vitit 2025.

Në të njëjtën kohë, blloku i tarifave të parë rritet me 0,68%, i dyti me 0,9%, i treti me 1,93%, blloku i katërt me 2,24% dhe tarifa e lirë me 0,9%.

Kjo do të thotë se një familje mesatare në vend, e cila ka një faturë prej 2.300 denarë, nga 1 janari do të paguajë një faturë më të lartë për 21 denarë.

Bislimoski thotë se qëllimi i rregullatorit nuk është të shkaktojë goditje në çmim.

“Çmimi i energjisë elektrike për amvisëri përbëhet nga dy pjesë, ngarkesa e rrjetit dhe energjia. Për bllokun e parë çmimi i energjisë është 4,44 denarë, për rrjetin për të gjithë është 2,14 denarë, përkatësisht çmimi i përgjithshëm i bllokut të parë është 6,5865 denarë për kilovat orë, ndërsa më parë ishte 6,53 denarë.

Advertisement

Çmimi i bllokut të dytë është 7,71 denarë, ndërsa më parë ishte 7,64 denarë”, thotë Bislimoski.

Ministri i Ekonomisë dhe Punës, Besar Durmishi, sot në Ministrinë e Ekonomisë dhe Punës i dha vendimet për subvencionet për ndërmarrjet e vogla dhe të mesme dhe zejtarët në bazë të thirrjeve publike të publikuara ndaj masave në kuadër të Programit për zhvillimin e sipërmarrësisë dhe konkurrentësisë së ndërmarrjeve të vogla dhe të mesme për vitin 2024.“Një nga prioritetet e Ministrisë së Ekonomisë dhe Punës është zhvillimi dhe mbështetja e ndërmarrjeve mikro, të vogla dhe të mesme dhe zejtarëve, kështu që në këtë drejtim, në vazhdimësi planifikohen dhe realizohen masa me të cilat ndihmohet rritja e tyre dhe përmirësohet konkurrentësia e tyre. Edhe sivjet, Ministria e Ekonomisë dhe Punës, në kuadër të Programit për zhvillim të sipërmarrësisë dhe konkurrentësisë së ndërmarrjeve të vogla dhe të mesme për vitin 2024, realizoi dy masa: Njëra ka të bëjë me mbështetjen financiare për ndërmarrjet mikro, të vogla dhe të mesme në shumën e përgjithshme prej 57.000.000 denarë, dhe me subvencionimin e shpenzimeve të zejtarëve në shumën e përgjithshme prej 6.500.000 denarë.Për realizimin e këtyre masave, Ministria e Ekonomisë dhe Punës shpalli Thirrjet publike në të cilat janë definuar kushtet për pjesëmarrje dhe dokumentet e nevojshme për aplikim”, tha ministri Durmishi.Lëndë e thirrjes publike ishte subvencionimi i ndërmarrjeve mikro, të vogla dhe të mesme që punësojnë të paktën dy persona, duke bashkëfinancuar 40% të shpenzimeve të dëshmuarta të bëra gjatë viteve 2023 dhe 2024 dhe të bëra për blerjen e makinave të reja, por jo më shumë se 350.000 denarë për kërkues. Për ndërmarrjet në pronësi dhe të drejtuar nga një grua, ekzistonte kriter lehtësues, respektivisht të punësoj të paktën një person, me ç’rast personi i punësuar duhet të jetë pronar (mbi 50%) dhe drejtues i ndërmarrjes.Sektori i Koordinimit të aktiviteteve të ministrit Сектори за координација на активностите на министерот
Deri më 01.11. të vitit 2024 janë pranuar gjithsej 222 kërkesa, nga të cilat 190 janë aprovuar, 31 janë refuzuar për shkak të mospërmbushjes së kushteve nga thirrja publike dhe 1 kërkues ka kërkuar ndërprerjen e procedurës. Mjetet e parashikuara për këtë masë prej 57.000.000 denarë janë realizuar plotësisht.“Me qëllim që të kontribuohet në zhvillimin e balancuar rajonal, gjatë ndarjes së mjeteve, krahas shumës së përcaktuar për bashkëfinancimin e shpenzimeve të dëshmuara të bëra për prokurimin e makinave të reja, për secilin kërkues u përcaktua mbështetje financiare shtesë në varësi të rajonit të planifikimit në të cilin gjendet selia e kërkuesit. Në të njëjtën kohë, dua të theksoj se shuma individuale e mjeteve për bashkëfinancim të secilit aplikues që ka plotësuar kushtet e kësaj thirrjeje publike është zvogëluar proporcionalisht në mënyrë të barabartë për 12.6%, meqë shuma e përgjithshme e aprovuar e mjeteve për subvencionimin e të gjithë kërkuesve që plotësojnë kushtet e përcaktuara në Thirrjen Publike tejkaloi shumën e planifikuar prej 57.000.000 denarë për realizimin e kësaj mase”, sqaroi ministri Durmishi.Lëndë e thirrjes publike ishte subvencionimi i zejtarëve dhe ushtruesve të veprimtarisë zejtare përmes bashkëfinancimit të 40% të shpenzimeve të dëshmuara, por jo më shumë se 200.000 denarë për kërkues, që janë bërë gjatë viteve 2023 dhe 2024 për: – prokurimin e makinave dhe/ose veglave të reja dhe- dizajnimin e produktit të ri Deri më 01.11. të vitit 2024 në Ministrinë e Ekonomisë dhe Punës kanë mbërritur gjithsej 43 kërkesa, nga të cilat 37 janë aprovuar dhe 6 janë refuzuar për shkak të mospërmbushjes së kushteve të thirrjes publike.Edhe për këtë masë, gjatë shpërndarjes së mjeteve, përveç shumës së përcaktuar për bashkëfinancimin e shpenzimeve të dëshmuara për qëllimet e dedikuara, për secilin kërkues u përcaktua mbështetje financiare shtesë në varësi të rajonit të planifikimit në të cilin ndodhet selia e kërkuesit.”Duke marrë parasysh nevojat e NVM-ve dhe zejtarëve, Ministria e Ekonomisë dhe Punës do të vazhdojë të zbatojë masa dhe aktivitete për të mbështetur zhvillimin e tyre dhe për të përmirësuar konkurrentësinë e tyre,” tha ministri Durmishi.

MPB njofton se sot është kryer bastisje në Haraçinë, ku janë gjetur armë dhe municion.

“Me datë 18.12.2024 rreth orës 01:30, zyrtarë policorë nga Njësia për Shpërndarje të Shpejtë dhe Njësiti për Trafikim Ilegal në SPB Shkup, në rrugën lokale nga fshati Orlancë në drejtim të fshatit Nikushtak, në atarin e Komunës së Haraçinës, kanë gjetur mitrolozë, nëntë pushkë automatike, korniza të shumta boshe për një automatik dhe një karikator për automatik, dy korniza për një pushkë automatike me plumba, një kavanoz me municion, një çantë shpine dhe sende të tjera.

Armët e gjetura janë dorëzuar për ekspertizë në Departamentin të Hetimeve Ligjore për ekspertizë dhe po merren masa për zbardhjen e rastit”, thonë nga MPB.