Lajme nga vendi
Vrasja në Haraçinë, arrestohet njëri nga autorët
Pas të shtënave me armë zjarri mbrëmë në Haraçinë të Shkupit ku si pasojë mbeti i vrarë S.A. 50-vjeçar ndërsa u plagos i biri i tij A.A. 19-vjeçar, nga Ministria e Punëve të Brendshme konfirmojnë së është kapur njëri nga të dyshuarit për këtë rast, ndërsa tjetri është në arrati. Ndërkaq gjendja e të plagosurit A.A. 19 vjeçar, i cili është sjellë në spitalin e urgjencës Nënë Tereza në Shkup, mbrëmë rreth orës 19:00, sipas mjekeve është stabile por vazhdon të mbetet në repartin për mbikëqyrje intensive.
“Mbrëmë në orët e vonshme pranuam një djalosh 19-vjeçar me lëndime nga armë zjarri, një hyrje-dalje, predhë e kalibrit të vogël, supozoj. Lëndimet janë kryesisht në pjesën e djathtë të kraharorit. Brenda natës bëmë intervenim kirurgjik me ç ‘rast është mënjanuar një pjesë e mushkërisë së djathtë të dëmtuar. Pacienti është sjellë në gjendje shoku dhe pas intervenimit është stabilizuar dhe në këtë moment ende gjendet në repartin e kujdesit intensive ndërsa sipas të gjitha parametrave është në gjendje stabile dhe besoj që brenda ditës do të transferohet në repartin e klinikës sonë”, tha Nexhadi Jakupi – Kirurg kujdestar.
Sipas njoftimit të MPB-së, babai që ndërroi jetë dhe biri i tij që mbeti i plagosur, janë qëlluar me armë zjarri në fshatin Haraçinë nga dy persona të cilët ndodheshin në veturën e tipit “Audi”.
“Sipas njoftimit, ata janë qëlluar me armë zjarri në fshatin Haraçinë nga dy persona të cilët ndodheshin në veturën “Audi”. Njëri nga personat që kanë marrë pjesë në të shtënat gjatë natës është ndaluar nga policët e SPB Shkupi dhe në bashkëpunim me Prokurorinë Publike sot do të parashtrohet kallëzim penal dhe do të paraqitet në gjykatë. Për personin e dytë është lëshuar urdhër-arrest dhe po merren masa për gjetjen e tij”, theksoi Goce Andreevski – Zëdhënës i MPB-së.
Motivet e vrasjes dhe plagosjes së mbrëmshme në Haraçinë mbeten të paqarta por jozyrtiatisht bëhet fjalë për borxhe të pa paguara ndaj njëri-tjetrit. Incidentika ndodhur në mes të fshatit Haraçinë, në afërsi të shtëpisë së tani më të ndjerit./Alsat.mk
Kultivuesit e orizit, të komunës së Çeshinovës-Obleshevës, bllokuan rrugën me traktorët e tyre, duke shprehur në këtë mënyrë revoltën dhe kërkesat e tyre për korrigjimin e pagesës prej gjashtë denarësh për subvencione, korrigjimi i draft planit të ujitjes dhe që blerja e rezervave të orizit të fillojë sa më shpejt në ditët në vijim.
“Prej kohësh kemi problem me disa drejtime dhe politika të gabuara nga disa aktorë kryesorë në vend, prandaj kemi disa kërkesa. Kërkesa e parë është korrigjimi i draft planit të ujitjes për territorin e komunës së Çeshinovës-Obleshevës. Kërkesa e dytë është korrigjimi i pagesës prej gjashtë denarë për prodhim të dorëzuar. Kjo do të thotë se ne kërkojmë që 6 denarë të jenë për prodhim të dorëzuar dhe jo 6 denarë për 800 kilogramë për sipërfaqe të deklaruar. Kjo ishte edhe marrëveshja me autoritetet kompetente. Kërkesa e tretë është që blerja për rezerva mallrash të fillojë sa më shpejt në ditët në vijim”, deklaroi Stojce Tashovski – Kultivues i orizit. /Alsat.mk
Drejtoresha e Galerisë së Arteve në Tetovë, Arbenita Meta përmes një postimi në profilin e saj ka falenderuar artistin Nikoll Nikprelaj që ka zgjedhur Tetovën për të mbajtur ekspozitën e tij personale personale “Kontrast”
Lajme nga vendi
Mexhiti: Hapëm derën deri tek 600 milionë euro fonde për projekte të gjelbra përmes programit #EULIFE25
Zëvendëskryeministri i parë dhe ministri i Mjedisit Jetësor dhe Planifikimit Hapësinor, Izet Mexhiti informoi sot se thirrjet për programin #EULIFE25 janë zyrtarisht të hapura dhe vendi ynë është i vetmi në rajon që ka qasje në këto fonde.
Mexhiti i bëri thirrje komunitetit akademik, komunave, institucioneve shkencore dhe arsimore, sektorit privat dhe shoqatave të qytetarëve që të shfrytëzojnë këtë mundësi dhe të aplikojnë drejtpërdrejt në njërën nga thirrjet e hapura, në mënyrë që, sipas tij, idetë e gjelbra të mund të transformohen në projekte konkrete të mbështetura nga BE!
Programi LIFE mbështet projekte në katër fusha kryesore edhe atë; Mbrojtja e natyrës dhe biodiversitetit, Ekonomi cirkulare, Veprimi ndaj klimës – zbutja dhe përshtatja ndaj ndryshimeve klimatike dhe Energji e pastër dhe burime të qëndrueshme.
“Idetë, vizionet dhe iniciativat tuaja për një të ardhme të qëndrueshme tani mund të mbështeten me fonde të konsiderueshme evropiane”, shkroi në rrjetet sociale”, zëvendëskryeministri i parë dhe ministri i Mjedisit dhe Planifikimit Hapësinor, Izet Mexhiti.
Për t’u bërë pjesë e programit, palët e interesuara duhet të regjistrohen për të ndjekur ditët virtuale informuese #EULife25 nga 13 deri më 15 maj, ku kanë mundësinë të marrin këshilla dhe udhëzime për plotësimin e aplikimeve direkt nga ekspertë evropianë.
Më shumë informacion rreth thirrjeve të hapura dhe ditëve informuese në linkun e mëposhtëm: https://cinea.ec.europa.eu/news-events/news/life-calls-proposals-2025-claim-your-share-eu600-million-and-help-create-sustainable-future-europe-2025-04-24_en.
Protestojnë kultivuesit e Orizit, bllokojnë rrugën me traktorët e tyre
Artisti Nikoll Nikprelaj zgjodhi Tetovën për ekspozitën e tij personale “Kontrast”
CHAMPIONSI: INTERI APO BARCELONA DO TË KUALIFIKOHEN NË FINALE ?
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve