Lajme nga vendi
Raport i KE-së: Shëndetësia në Maqedoninë e Veriut është një nga shfrytëzuesit më të mëdhenj të buxhetit – shërbimet inspektuese të rrezikuara ndaj korrupsionit
Shëndetësia është një nga shfrytëzuesit më të mëdhenj të buxhetit kombëtar, ndërsa shërbimet inspektuese janë të rrezikuara ndaj korrupsionit. Nuk ka kritere efektive për shënimin e çmimeve të shërbimeve shëndetësore apo ilaçeve. Procedurat për mjetkim jashtë vendit nuk janë as transparente as objektive. Shpenzimet për shëndetësir nga xhepi personal janë të lartë, gjë që është një pengesë për qasje të barabartë në shëndetësi, janë vetëm një pjesë e situatave në vend, të konstatuara në Raportin e Komisionit Evropian (KE) për përparimin në vitin 2024.
Edhe pse shëndetësira parësore në Maqedoninë e Veriut ofrohet pa pagesë, KE thekson se financimi i saj është dukshëm nën mesataren e Bashkimit Evropian. Vëllimi i shërbimeve shëndetësore dhe disponueshmëria e tyre, veçanërisht shërbimet mjekësore të specializuara dhe shpërndarja e tyre gjeografike, sipas raportit, janë të pamjaftueshme.
Nga KE-ja kujtojnë se punonjësit shëndetësorë vazhdojnë të largohen nga shëndetësira publike për sektorin privat ose për të punuar jashtë vendit. Gjithashtu theksohet se pavarësisht ekzistencës së aplikacionit “e-shëndetësia”, udhëzime akoma jepen në letër.
Legjislacioni kombëtar për kontrollin e duhanit në masë të madhe është harmonizuar me Bashkimin Evropian, por, siç u nënvizua, nuk është zbatuar sistematikisht. Pirja e duhanit në masë të madhe është ende e toleruar dhe pasanksionuar në restorante dhe objekte të tjera të brendshme, konkludon KE, duke përfshirë zyrat publike dhe disa institucione mjekësore.
“Shkalla e vaksinimit është e ulët për disa sëmundje. Është rritur ndërgjegjësimi dhe numri i transplanteve të realizuara të gjakut, indeve, qelizave dhe organeve, megjithëse kuadri ligjor nuk është ende plotësisht i harmonizuar me Bashkimin Evropian dhe TI moduli për transplantimin e indeve ende nuk është vendosur. Harmonizimi me Bashkimin Evropian për të drejtat e pacientëve në kujdesin shëndetësor ndërkufitar nuk ka filluar ende”, shtohet në raportin.
Nuk ka pasur asnjë përparim kur bëhet fjalë për ilaçet për njerëz, as për ilaçet për përdorim veterinar. Me Bashkimin Evropian nuk është harmonizuar as legjislativa kombëtare kur bëhet fjalë për kozmetikën.
Është rritur financimi i sëmundjeve të ralla, por, sipas raportit të KE-së, pamjaftueshëm për të mbuluar shpenzimet për trajtim mjekësor për të gjithë pacientët e regjistruar.
Përpjekjet për të luftuar pabarazitë në shëndetësi, veçanërisht për romët dhe njerëzit që jetojnë në varfëri dhe në zona të largëta, janë kryer kryesisht nga organizatat ndërkombëtare dhe sektori joqeveritar, jo nga autoritetet shëndetësore.
Drejtoresha e Galerisë së Arteve në Tetovë, Arbenita Meta përmes një postimi në profilin e saj ka falenderuar artistin Nikoll Nikprelaj që ka zgjedhur Tetovën për të mbajtur ekspozitën e tij personale personale “Kontrast”
Lajme nga vendi
Mexhiti: Hapëm derën deri tek 600 milionë euro fonde për projekte të gjelbra përmes programit #EULIFE25
Zëvendëskryeministri i parë dhe ministri i Mjedisit Jetësor dhe Planifikimit Hapësinor, Izet Mexhiti informoi sot se thirrjet për programin #EULIFE25 janë zyrtarisht të hapura dhe vendi ynë është i vetmi në rajon që ka qasje në këto fonde.
Mexhiti i bëri thirrje komunitetit akademik, komunave, institucioneve shkencore dhe arsimore, sektorit privat dhe shoqatave të qytetarëve që të shfrytëzojnë këtë mundësi dhe të aplikojnë drejtpërdrejt në njërën nga thirrjet e hapura, në mënyrë që, sipas tij, idetë e gjelbra të mund të transformohen në projekte konkrete të mbështetura nga BE!
Programi LIFE mbështet projekte në katër fusha kryesore edhe atë; Mbrojtja e natyrës dhe biodiversitetit, Ekonomi cirkulare, Veprimi ndaj klimës – zbutja dhe përshtatja ndaj ndryshimeve klimatike dhe Energji e pastër dhe burime të qëndrueshme.
“Idetë, vizionet dhe iniciativat tuaja për një të ardhme të qëndrueshme tani mund të mbështeten me fonde të konsiderueshme evropiane”, shkroi në rrjetet sociale”, zëvendëskryeministri i parë dhe ministri i Mjedisit dhe Planifikimit Hapësinor, Izet Mexhiti.
Për t’u bërë pjesë e programit, palët e interesuara duhet të regjistrohen për të ndjekur ditët virtuale informuese #EULife25 nga 13 deri më 15 maj, ku kanë mundësinë të marrin këshilla dhe udhëzime për plotësimin e aplikimeve direkt nga ekspertë evropianë.
Më shumë informacion rreth thirrjeve të hapura dhe ditëve informuese në linkun e mëposhtëm: https://cinea.ec.europa.eu/news-events/news/life-calls-proposals-2025-claim-your-share-eu600-million-and-help-create-sustainable-future-europe-2025-04-24_en.
Lajme nga vendi
Kallëzim penal ndaj ish-drejtorit të Shtëpisë së Shëndetit në Kumanovë për keqpërdorim të detyrës zyrtare
SPB Kumanovë ka ngritur kallëzim penal kundër F.A. nga Kumanova për shkak të dyshimeve të bazuara për kryerjen e veprës penale “keqpërdorim i detyrës dhe autorizimeve zyrtare”, sipas nenit 353 paragrafi 4, në lidhje me nenin 45 të Kodit Penal.
I kallëzuari – në cilësinë e drejtorit të Institucionit Publik Shëndetësor “Shtëpia e Shëndetit” Kumanovë, gjatë periudhës nga viti 2020 deri në vitin 2024 ka lidhur kontrata pune në mënyrë të paligjshme dhe ka punësuar persona pa marrë më parë leje nga Ministria e Shëndetësisë, dhe më pas, pa siguruar pëlqim nga Ministria e Financave, ka punësuar në mënyrë të paligjshme gjithsej 127 persona, duke vepruar në kundërshtim me Ligjin për marrëdhënie pune dhe Ligjin për transformim në marrëdhënie të rregullt pune, siç është konstatuar nga Inspektorati Shtetëror i Punës.
Të njëjtëve persona, i kallëzuari u ka paguar në mënyrë të paligjshme paga në shumë të përgjithshme prej 21.594.510 denarësh, duke e dëmtuar për atë shumë buxhetin e ISHP “Shtëpia e Shëndetit” Kumanovë.(INA)
Artisti Nikoll Nikprelaj zgjodhi Tetovën për ekspozitën e tij personale “Kontrast”
CHAMPIONSI: INTERI APO BARCELONA DO TË KUALIFIKOHEN NË FINALE ?
Mexhiti: Hapëm derën deri tek 600 milionë euro fonde për projekte të gjelbra përmes programit #EULIFE25
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve