Kryetari i Komunës së Tetovës, Bilall Kasami, gjatë vizitës së tij zyrtare në Turqi, sot realizoi takim me Unionin e Bashkive Turke në Botë, ku u diskutuan një sërë çështjesh me interes të ndërsjellë për përmirësimin e shërbimeve dhe projekteve infrastrukturore në të dyja vendet.

Në kuadër të këtij takimi, kryetari Kasami shprehu angazhimin e Komunës së Tetovës për të përforcuar marrëdhëniet ndërmjet institucioneve lokale dhe për të përfituar nga përvojat dhe praktikat e suksesshme të Unionit të Bashkive Turke.

Palët diskutuan gjithashtu mbi organizimet e ardhshme të Unionit në disa vende të ndryshme, përfshirë edhe Tetovën, duke u përqendruar në projekte që synojnë zhvillimin e komuniteteve përmes ndërtimit të infrastrukturës dhe përmirësimit të shërbimeve publike.

Kjo vizitë nënvizon përkushtimin e Komunës së Tetovës për të rritur kapacitetet e saj dhe për të përmirësuar cilësinë e jetës së qytetarëve të saj përmes bashkëpunimeve ndërkombëtare.

Komuna e Tetovës vazhdon të ndërtojë ura miqësie dhe bashkëpunimi me partnerë ndërkombëtarë, për të ofruar zgjidhje të qëndrueshme dhe projekte të reja për qytetarët tanë.

Advertisement

Ministri i Mjedisit dhe zv. kryeministri i parë, Izet Mexhiti, thotë se problemi me ajrin e ndotur është kompleks, duke iu përgjigjur pyetjes së gazetarit nëse dikasteri dhe qeveria kanë masa konkrete që këtë dimër të kemi më pak ajër të ndotur.

“Një çështje komplekse dhe një gamë komplekse aktivitetesh, të cilat nuk mund të zgjidhen brenda natës. Është mirë që trendi po përmirësohet. Periudha (e ajrit të ndotur) po shkurtohet, por nuk duhet të kënaqemi me kaq. Ne po punojmë intensivisht dhe çdo ditë për ta zgjidhur atë në mënyrë të besueshme.

Po planifikojmë më shumë masa, duke filluar në bashkëpunim me pushtetin vendor. 40% e projekteve janë të fokusuara në fushën e ekologjisë. Në periudhën në vijim do t’ju informojmë çdo javë me veprimet konkrete që do të ndërmarrim”, tha Mexhiti.

Qytetet në Maqedoni janë ndër “rekordmenët botërorë” për ajrin e ndotur pothuajse çdo dimër. Të dhënat në ueb-faqen e Ministrisë së Mjedisit dhe Planifikimit Hapësinor dje kanë treguar se dy ditë më parë në 12 pika matëse në vend është tejkaluar përqendrimi mesatar ditor dhe vlera kufitare e grimcave PM10.

Kryetari i komunës së Tetovës Bilall Kasami thotë se me ndërtimin e gypit kryesor të ujësjellësit nga Kodra e Diellit e deri tek rezervuari mbi qytetin e Tetovës pritet që dukshëm të përmirësohet gjendja me ujin e pijshëm në Tetovë. Gypi për furnizim me ujë të pijshëm për Tetovën që do realizohet në dy faza dhe financohet me mjete të qeverisë. Nga Ndërmarrja Publike Komunale Sharri në Tetovë thonë se gypat që e sjellin ujin nga Kodra e Diellit deri tek rezervuari janë shumë të vjetër. “Ky investim bëhet për të përmirësuar gjendjen me ujin e pijshëm dhe në bazë të studimit që kemi bërë para gjashtë muajve, është konstatuar se kemi shumë humbje të ujit. Diku rreth 30 për qind kemi ujë që humbet në vet rrjetin e ujësjellësit, kurse pjesa tjetër është administrative. Ky 30 përqindsh llogaritet për qytetarët që nuk paguajnë ujin prandaj edhe apelojmë që të bëhet pagesa në mënyrë të rregullt, pasi nuk janë shumë të larta faturat e ujit”, deklaroi Valon Zeqiri, drejtor i Ndërmarrjes Publike Komunale Sharri.

Nga kjo ndërmarrje bëjnë të ditur se që të ketë furnizim normal të ujit të pijshëm duhet që bëhen dy investime. Njëri investim është për ndërrimin e gypit prej Kodrës së Diellit e deri tek rezervuari i qytetit dhe investimi i dytë është që të ndërrohet sistemi i rrjetit të shpërndarjes brenda në qytet.

“KOHËVE TË FUNDIT NUK KA NDËRPRERJE TË UJIT TË PIJSHËM PËR SHKAK TË MUNGESËS SË UJIT, POR JANË PËR SHKAK TË DEFEKTEVE TË CILËT NA KRIJOHEN, AJO BËHET PËR SHKAK SE GYPAT JANË SHUMË TË VJETËR NË QYTET PRANDAJ KEMI SHUMË DEFEKTE QË NA PARAQITEN. ZGJIDHJA ËSHTË QË FILLIMISHT TË REALIZOHET KY INVESTIM QË ËSHTË I QEVERISË DHE PASTAJ TË NDËRROHEN GYPAT QË JANË BRENDA NË QYTET. GYPAT BRENDA NË QYTET MUND TË JENË TË VJETËR RRETH 50 VITE”, DEKLAROI DREJTORI ZEQIRI.

Kryetari i komunës së Tetovës Bilall Kasami thotë se ka një master plan që është bërë për humbjet e ujit në ujësjellës dhe në bazë të këtij studimi janë përcaktuar investimet për të përmirësuar furnizimin me ujin e pijshëm për qytetarët e Tetovës.

“NJË NGA SUGJERIMET KA QENË QË TË BËHET NDËRRIMI I GYPIT KRYESOR, PASI QË NË FILLIM PREJ VENDIT KU MERRET UJI, GYPI ËSHTË SHUMË I VJETËR DHE SHKAKTON HUMBJE TË UJIT. KËTË VIT ËSHTË PARAPARË TË BËHET INVESTIM EDHE NË RRJETIN SHPËRNDARËS TË UJIT NË LAGJEN E JASHTË VARDARIT, KURSE VITEVE TË ARDHSHME DO TË PARASHIHEN INVESTIME TË TJERA PËR RRJETIN SHPËRNDARËS NË QYTET, KU DO TË ELIMINOJMË EDHE HUMBJET TEKNIKE POR EDHE ADMINISTRATIVE TË UJIT, ME QËLLIM QË UJI VJEN NGA MALI SHARR TË ARRIJË TEK QYTETARËT DHE TË MOS HUMBET RRUGËS”, THA KASAMI.

Advertisement

Nga Ndërmarrja Publike Komunale Sharri nuk kanë informata se sa qytetarë janë të kyçur ilegalisht në rrjetin e ujësjellësit, por në bazë të faturimit gjithsej janë 21 mijë qytetarë të cilëve u faturohet uji dhe 4 mijë janë subjekte juridike apo objekte industriale. Sipas kësaj ndërmarrje, pas vendosjes së ujëmatësve do të ketë edhe një pasqyrë më reale se sa qytetarë janë të kyçur ilegalisht dhe sa ujë harxhohet realisht./TV KOHA /