Nga Ministria e Punëve të Brendshme njoftojnë se sot rreth orës 03:30 të mëngjesit është arrestuar një shtetas i Turqisë, pasi i njëjti në pikën kufitare “Bllacë”, ka tentuar ta korruprojë një polic të RMV-së me 100 euro, përcjell TV21.

“Më datë 30.10.2024 rreth orës 03:00 në pikën kufitare “Bllacë e Poshtme”, në hyrje të RMV-së është paraqitur K.S. (53) nga Turqia, por pas kontrollit të pasaportës është konstatuar se ai tashmë në 180 ditët e fundit kishte shfrytëzuar qëndrimin e lejuar turistik prej 90 ditësh dhe për këtë i është refuzuar hyrja dhe është kthyer në Kosovë. Rreth orës 03:30 të mëngjesit, K.S. ka ardhur sërish në pikën kufitare dhe i ka dhënë shefit të turnit dokumentin e udhëtimit dhe një monedhë 100 euro në të, me kërkesë që t’i lejohet hyrja në RMV. K.S. i është privuar nga liria”, thonë nga MPB.

Kryetari i Kuvendit, Afrim Gashi, sot realizoi takim me Tafik F. Alrabia, ministër i Haxhit i Mbretërisë së Arabisë Saudite.

Kryetari Gashi shprehu kënaqësinë e madhe nga takimi dhe shpreson se marrëdhëniet e hapura dhe miqësore midis dy vendeve do të vazhdojnë edhe në të ardhmen, me
përkushtim për hapjen e mundësive më të mëdha për intensifikimin e bashkëpunimi ekonomik.

Ai theksoi se Maqedonia e Veriut si shtet multietnik, i cili mbështetet në parimet e mirëkuptimit të ndërsjellë, tolerancës dhe respektimit të së drejtës për vetëvendosje,
respekton plotësisht të drejtën e qytetarëve të saj për të praktikuar fenë së cilës i besojnë dhe i përkasin. Kryetari theksoi se Kuvendi i Republikës së Maqedonisë së Veriut bën
përpjekje të mëdha në avancimin e bashkëpunimit ndërkombëtar, jo vetëm me vendet e rajonit, por edhe më gjerë. Informoi se në Kuvend në vazhdimësi është duke u formuar
Grupi i Bashkëpunimit me parlamentet e vendeve të Lindjes së Afërt dhe të Gjirit Arabik.

Ministri Tafik F. Alrabia theksoi se pret që miqësia dhe bashkëpunimi që ekziston midis dy vendeve të forcohet edhe më shumë në të ardhmen. Ai theksoi se marrëdhëniet
diplomatike midis dy vendeve janë vendosur në vitin 1995 dhe vitin e ardhshëm do të shënohet 30-vjetori i bashkëpunimit të ndërsjellë.

Të dy bashkëbiseduesit u angazhuan për thellimin e bashkëpunimit në më shumë fusha, përfshirë ekonominë, si dhe përmirësimin e komunikimit të transportit. Në takim u theksua
se të dyja vendet kanë për obligim t’i promovojnë parimet e tolerancës dhe bashkëpunimit të ndërsjellë.

Advertisement

Forcimi i besimit në sistemin gjyqësor, intensifikimi i reformave në lidhje me Bashkimin Evropian dhe plotësimi i ndryshimeve kushtetuese, janë rekomandimet kryesore që përmban Draft Raporti për progresin e Maqedonisë në rrugën drejt BE-së nga “Pakoja e Zgjerimit” të Komisionit Evropian, i cili zyrtarisht duhet të miratohet sot dhe të publikohet sot pasdite.

Krahas miratimit të ndryshimeve kushtetuese, Raporti thekson nevojën e “zbatimit në mirëbesim” të marrëveshjeve dypalëshe me vendet fqinje, pra Marrëveshjen e Prespës dhe Marrëveshjen për Miqësinë, Fqinjësinë e Mirë dhe Bashkëpunimin me Bullgarinë.

Dokumenti bën thirrje për intensifikimin dhe ritmin e reformave në lidhje me qasjen ndaj BE-së, mbi të gjitha për forcimin e shtetit të së drejtës, rritjen e besimit në sistemin e drejtësisë, si dhe kryerjen e hetimeve, ndjekjeve penale dhe përfundimin e proceseve të gjata gjyqësore që lidhen me “persona të profilit të lartë”.

“Maqedonia e Veriut duhet të vazhdojë me zbatimin e reformave që kanë të bëjnë me anëtarësimin në BE, mbi të gjitha ato nga grupi i “Vlerave Themelore”, siç janë reformat në drejtësi, lufta kundër korrupsionit dhe krimit të organizuar”, thuhet në draft-raport.

Në pjesën e procesit të anëtarësimit të Maqedonisë së Veriut në BE, kujtojnë se Konferenca e parë Ndërqeveritare BE-Maqedonia e Veriut, e cila shënoi fillimin zyrtar të negociatave për anëtarësim, u zhvillua në korrik të vitit 2022, ndërsa procesi i skriningut për të gjashtë grupet përfundoi në dhjetor 2023.

Advertisement

“Komisioni pret me padurim ndjekje të shpejtë dhe vendimtare të raportit të skriningut mbi grupin e vlerave thelbësore, duke përfshirë në lidhje me udhërrëfyesin e vendit në përputhje me Kornizën Negociuese, me synimin për të hapur grupin e parë sa më shpejt të jetë e mundur, kur plotësohen kushtet përkatëse”, thuhet në Propozim-raportin e KE-së për RMV-në.