Aleanca për Shqiptarët përshëndet angazhimin e Brukselit zyrtar dhe faktorit ndërkombëtar në përgjithësi, për rikthimin në agjendë të Korridorit 8 si një projekt të rëndësishëm për vendin dhe rajonin.

“Falë presionit të brendshëm dhe të miqve europian u demaskua edhe mashtrimi i Qeverisë se gjoja nuk ka trase, se rruga përfundon në tunel që nuk shpie askund, se nuk bën projektimi dhe arsyetime të tjera boshe. E vlerësojmë si të rëndësishëm qëndrimin e fortë të Brukselit që solli këndjelljen e Qeverisë së RMV për vazhdimin e projektit të Korridorit 8. Ashtu siç kemi thënë që në fillim, tentimet e kësaj Qeverie proruse për të larguar vendin nga perëndimi janë të destinuara për të dështuar. Bashkë me aleatët tanë nuk do të lejojmë të dështojnë përpjekjet ndër vite për integrimet euro-atlantike të vendit dhe mbarë rajonit. Me një angazhim të përbashkët të forcave progresive, bashkë me qytetarët do të realizojmë vizionin tonë dhe do të pengojmë edhe projektet e tjera të mbrapshta të kësaj Qeverie monoetnike dhe jolegjitime”, thuhet në reagimin e ASH-së.

Ndryshe, mesazhet e Brukselit zyrtar janë që të rikthehet si prioritet Korridori 8, sidomos tani kur Qeveria i ridestinoi investimet drejt Korridorit 10, konkretisht lidhjes me Serbinë, Athinën dhe Hungarinë, ndërkohë që u ndërprenë punimet për hekurudhën Sofje-Shkup-Durrës dhe Itali.

Brukseli ka përgënjështruar Qeverinë e Mickoskit se projekti për Korridorin 8 nuk është projektuar si duhet nga ana e Bullgarisë dhe se investimi i lartë nuk do të sjell të mira ekonomike.

Arben Taravari thotë se, jo vëtëm zyrtarisht, por edhe për shkak të ruajtjes së kauzës, ai është kryetar i Aleancës për Shqiptarët.

Në një intervistë për gazetën LAJM, Taravari tha se ai nuk hoqi dorë asnjëherë nga kauza e Alencës për Shqiptarët, që kishte të bënte me largimin e BDI-së nga pushteti.

“Aleanca për Shqiptarët, nuk është as e Arbenit, as e Ziadinit. Të gjitha anketat që bëhen dhe votat që analizohen gjatë zgjedhjeve është pa dyshim, edhe tani që i shetisim degët dhe nëndegët, nga ana e z.Selan kanë mbetur vetëm një grusht njerëzish. Unë besoj se ne e kemi dhënë provimin tek anëtarësia sepse e kemi mbajtur vijën politike, atë që jemi thirrur si parti politike, kur u formuam si fraksion I PDSH-së, thirreshim në rrugën e Arbër Xhaferit. Rruga e Arbër Xhaferit ishte rruga që sillte ndryshime te shqiptarët. Ne që jemi zyrtarisht Aleanca për Shqiptarët e mbajtëm rrugën e ndryshimit. Edhe ne mundëshim të shkojmë t’i bashkangjiteshim Ali Ahmetit, të shkriheshim në BDI, por partia do të kishte mabruar sepse nuk do të kishte as legjitimitet as kauzë. Por, ne ndihmuam për ta sjellë ndryshimin dhe me këtë jam shumë krenar për të gjithë anëtarët e partisë. Besoj se kemi shkruar një histori duke sjellur ndryshimin te shqiptarët pas 22 vjetësh politikë“, tha Taravari në një intervistë për gazetën LAJM.

Komuna e Tetovës ka reaguar pas prononcimeve të disa eksponenteve të opozites se kjo komunë ka fituar vetëm 1.3 milion euro nga fondet që ka ndarë Qeveria për investime nëpër komuna.

Më poshtë reagimin e plotë.

Komuna e Tetovës ndjen të nevojshme të informojë publikun për dezinformatat që janë përhapur lidhur me investimet në qytetin tonë.

Deklaratat se Tetova ka përfituar vetëm 1.3 milion euro investime janë plotësisht të pasakta dhe synojnë të minimizojnë progresin e arritur deri tani.

Në realitet, investimet kapitale që Komuna e Tetovës ka siguruar nga fondet qeveritare arrijnë në 3.8 milion euro, dhe jo 1.3 milion, siç është pretenduar gabimisht.

Advertisement

Faktet e sakta mbi investimet:

Projekti i tubacionit furnizues për ujësjellësin e qytetit të Tetovës është një nga projektet më strategjike dhe të domosdoshme për qytetin tonë. Faza e parë e tij po realizohet me një investim prej 1.03 milion euro (që është projekt i financuar përmes kredisë nga Ministria e Ambientit Jetësor dhe Planifikimit Hapsinor nga Banka Europiane për Ivestime), ndërsa faza e dytë ka një vlerë prej 1.07 milion euro. Ky projekt do të përmirësojë furnizimin me ujë dhe do të zgjidhë problemin shumëvjeçar të qytetit.

Rikonstruimi dhe zgjerimi i rrjetit primar të ujësjellësit në lagjen Jasht Vardarit, me një investim prej 247,942.72 euro, është një tjetër hap drejt përmirësimit të infrastrukturës së ujësjellësit në Tetovë.

Rikonstruimi i Shkollës së Mesme Gjoce Stojcevski, një projekt i rëndësishëm për qytetin, ka një vlerë prej afërsisht 2.45 milion euro. Faza e parë e këtij projekti pritet të fillojë së shpejti dhe do të ketë një ndikim të madh në përmirësimin e kushteve të mësimit për nxënësit e Tetovës.

Në total, këto investime kapin vlerën prej 3.8 milion euro, duke tejkaluar ndjeshëm shifrën e raportuar prej 1.3 milion euro.

Advertisement

Komuna e Tetovës mbetet e përkushtuar në realizimin e këtyre projekteve të rëndësishme që do të sjellin përfitime konkrete për qytetarët tanë.

Inkurajojmë të gjithë qytetarët të mos bien pre e dezinformatave dhe të vazhdojnë të mbështesin punën e përbashkët për ta bërë Tetovën një vend më të mirë për të jetuar.