Kryeministri Hristijan Mickoski garanton se nuk do të tolerohen manipulime me çmimet nga ana e prodhuesve, shpërndarësve dhe shitësve, pavarësisht se në fund të muajit prill përfundoi kufizimi i marzhës. Sipas kreut të ekzekutivit, janë duke e ndjekur situatën dhe do të ketë kontrolle të shtuara nga ana e inspektorëve, për t’i parë nëse tregtarët shërbehen me truke.

“Personalisht bisedova edhe me ministrin edhe me drejtorin e Inspektoratit të Tregut për kontrolle të përforcuara, jo vetëm te tregtarët, por edhe të shpërndarësit dhe prodhuesit. Të shohim, mos ka gjatë faturave hyrëse sërish truke. Jo vetëm ato që i shesin në raftet e tyre në dyqanet e tyre, kështu që nuk do të lejohet ajo. Por, është mirë që në 2 muajt e fundit kishim zbatim të disiplinuar të masës, me atë që solli deri tek ulja e çmimeve dhe deri te qetësimi i inflacionit me çka për 1 muaj kemi edhe inflacion negativ, respektivisht deflacion prej 1,3%”, tha Hristijan Mickoski, kryeministër. /Alsat.mk

“Nata e Kampionëve” në boks rrezikon të mos mbahet. Shkak për këtë është mos dhënia e lejes për shfrytëzimin e sheshit ILIRIA, për realizimin e këtij turneu ndërkombëtar, shkaku se në datën e kërkuar nga drejtuesit e manifestimit, do realizohen manifestimet e Verës Kulturore Tetovare. Drejtuesi i turneut Halim Abazi, ka kërkuar nga kreu i komunës që ta shqyrtojë edhe një herë dhënien e lejues, ose në të kundërtën pa lejen e komunës do të vendos ringun dhe do e realizojë manifestimin.

“Me 17 mars kam bërë një kërkesë për të bërë një kërkesë për të shfrytëzuar sheshin Iliria në Tetovë edhe me 23 prill më ka ardhur një vendimin nga ana e komunës së Tetovës më refuzohet ta shfrytëzoj vendin , tash unë nuk e shohë të arsyeshme pse ma refuzojnë kur turneu nata e kampionëve është një organizimet më të mëdha që Tetova i ka edhe çdo herë ka pas mbi 3 mijë apo 4 mijë shikues dhe sikur të kishim një sallë që i nxënë tre katërmijë shikues e kisha bërë në sallë po ne kemi do salla të vogla që as 500 vetë nuk futen brenda, dua nga kryetari i komunës të dëgjoj mendimin e tij dhe të bëj një vendim ndryshe”, deklaroi Halim Abazi, drejtor organizativ i “Nata e Kampionëve”.

Zëdhënësi i komunës së Tetovës në konferencën e sotme për shtyp, kërkoi nga organizatorët e turneut që për realizimin e këtij manifestimi, të shfrytëzojnë njërën nga sallat e sportit të qytetit.

“Nga data 16 korrik deri më 4 gusht komuna e Tetovës në sheshin Iliria ka paraparë një sërë aktivitetesh në kuadër të Verës Tetovare kemi edhe disa kërkesa për të shfrytëzuar sheshin nga klube të ndryshme por të gjitha janë refuzuar me të vetmin qëllim. gjatë kësaj periudhe deri sa organizohet vera Tetovare ne u bëjmë thirrje që të shfrytëzojnë ndonjërën nga sallat e shkollave të mesme për aktivitete e tyre”, u shpreh Albion Alili, zëdhënës i komunës së Tetovës.

Nata e Kampionëve në Tetovë realizohet që nga viti 2016, ndërsa kanë marrë pjesë boksierë me renome botërore. /Alsat.mk

Advertisement

2 Maji nuk është veç një datë në kalendar. Është zëri i dhimbjes dhe krenarisë, jehona e sakrificës që s’duhet të harrohet kurrë. Është dita kur u shpall Zona e Lirë e Karadakut, që u vulos edhe një kapitull i ri i historisë sonë, një kapitull i shkruar me gjakun e bijve më të mirë të kësaj toke.

Sot, përulemi me respekt përpara kujtimit të dëshmorëve që nuk u kthyen kurrë, përpara nënave që mbetën me plagë në zemër, dhe përpara atyre që me guxim e vendosmëri u bënë dritë në errësirën e vitit 2001. Ata nuk luftuan vetëm për të larguar një barrë, por për të sjellë shpresë, për të ndezur një flakë që sot mban gjallë idealin për liri, dinjitet dhe drejtësi.

2 Maji është kujtesë, por edhe amanet. Është thirrje për të mos harruar, për të reflektuar dhe për të mbrojtur me çdo kusht vlerat që u fituan me aq shumë mund. Është përgjegjësi që brezat e rinj ta dinë se paqja që gëzojmë sot, është trashëgimi e një lufte të madhe shpirtërore e fizike.

Lavdi të gjithë atyre që ranë për të na ngritur! Le të qëndrojmë gjithmonë të bashkuar, se vetëm të bashkuar e të vetëdijshëm, e meritojmë rrugën që ata na lanë trashëgim.