Lajme nga bota
Lojrat Olimpike “Paris 2024”, detaje nga ceremonia madhështore mbi lumin e Senës
![](https://tetovaexpres.com/wp-content/uploads/2024/07/Untitled-2.jpg)
Për herë të parë në histori, ceremonia e hapjes së një olimpiade do të bëhet nëpër qytet dhe jo në një stadium.
Gjashtë kilometra ndajnë Pont d’Austerlitz (Pont D’Austerlitz) dhe Pont d’léna, dhe përgjatë kësaj rruge përgjatë lumit parizien, do të nisen 162 anije, duke marrë me vete më shumë se 10,000 sportistët nga 206 delegacionet që do të marrin pjesë.
Siguria është një nga çështjet shqetësuese dhe për ta arritur këtë, përgjatë lumin Sen do të vendosen rreth 45,000 agjentë. Kulla Eifel gjithmonë imponuese, ku këtë radhë tërheqin vëmendjen unazat olimpike, që debutojnë në emblemën e qytetit.
Njëqind vjet më vonë Lojërat Olimpike kthehen në Qytetin e Dritës, e kur kanë mbetur edhe pak ditë të mbetura, shtohet ankthi, kur në 26 korrik me ceremoninë historike të hapjes do të ndizet edhe flaka olimpike.
Nëse siguria e lejon këtë falë një dislokimi të jashtëzakonshëm agjentësh dhe nuk do të lindë nevoja të aktivizohet plani B ose C (në Trocadero ose Stade de France), “Paris 2024” do të mbahet mend për organizimin e ceremonisë hapëse të parë zhvilluar jashtë stadiumit olimpik. Udhëtimi prej 6 km që sportistët do të bëjnë me varkë ditën e parë do të jetë monumental.
Gjithçka do të nisë në orën 19:30, nga Ura e Austerlitz-it që shkon drejt perëndimit. Dhe prej andej, me vizion të drejtpërdrejtë, do të shfaqet një park unik olimpik.
Të gjithë do të mahniten nga Katedralja Notre Dame, ende në restaurim, Muzeu i Luvrit dhe Muzeu Orsay, me orën e tij të pagabueshme.
Place de la Concorde dhe obelisku i tij, i cili do të presë sportet urbane (BMX, breaking, basketboll 3X3 dhe skateboarding), do të japin gjithashtu mirëseardhjen e tyre të veçantë më pas.
Më pas do të jetë radha e Esplanades dhe Pallatit të Invalidëve ku do të bëhet, gjuajtja me hark dhe kupola elegante prej xhami e Grand Palais, ku do të zhvillohen skerma dhe taekwondo.
Varkat që do të transportojnë 10,500 atletë nga 206 delegacionet, do të kalojnë dy ishujt qendrorë (Saint Louis dhe La Cité) dhe do të kalojnë mbi dhjetë ura, duke përfshirë Urën e njohur Alma ose kushtuar Aleksandrit III, spektakolare me detajet e saj të arta.
E fundit do të jetë Ura Jena, pranë Kullës Eifel dhe kopshteve Trocadero dhe Champ de Mars, ku do të luhet Beachvolley.
Dhe kjo me siguri do të jetë kartolina ikonë që do të mbetet përgjithmonë nga këto Lojëra.
“Kjo ceremoni, me botën ku po jetojmë, është një dhimbje koke për sigurinë, por do të jetë një moment i jashtëzakonshëm për komunitetin”- thotë Yannis Exarchos, drejtori i përgjithshëm i Shërbimeve të Transmetimit Olimpik.
“Ne do të kemi njëqind kamera përgjatë lumit, dyqind telefona celularë në varka, tetë dronë dhe tre helikopterë”.
Pas kufizimeve prej pandemisë në olimpiadën e Tokios, Parisi, me synim e integrimit total, propozon edhe një maratonë të hapur, si dhe dhënien e medaljeve për sportistët në Parkun e Kampionëve.
Lajme nga bota
Kaloi 34 vite në burg për një vrasje që se kishte bërë, shpallet i pafajshëm 59-vjeçari
![](https://tetovaexpres.com/wp-content/uploads/2024/08/auto_i-burgosuri1724998669.jpg)
Benjamin Spencer, i dënuar padrejtësisht nga një gjykatë në Teksas, çka bëri që ai të kalonte 34 vite burg për një vrasje në vitet 1980, u shpall të enjten, i pafajshëm. Ai tha se megjithëse nuk mund ta kthente kohën pas, ishte i lumtur e do të bënte përpara. “Jam i emocionuar që më në fund kjo ditë erdhi”, tha zoti Spencer, tashmë 59 vjeç. Një gjykatës i qarkut të Dallasit miratoi një mocion nga zyra e prokurorit të qarkut për të hedhur poshtë një akuzë kundër zotit Spencer, për grabitje të rëndë. Ai u dënua fillimisht për vrasjen e Jeffrey Young në vitin 1987, gjatë grabitjes së makinës së tij.
Dëshmitarët e prokurorisë, përfshirë një informator që ndodhej në burg e që po kërkonte ulje dënimi, kishin dhënë dëshmi të rreme, tha zoti Creuzot. Ai shtoi se prokurorët në atë kohë nuk i kishin dhënë mbrojtjes prova që e përjashtonin zotin Spencer nga krimi, përfshirë gjurmë gishtërinjsh. Ndihmësprokurorja e qarkut, Cynthia Garza, e cila drejton Njësinë e Integritetit të Dënimit tha se: “nuk ekziston asnjë provë e besueshme ose fizike që ai të ishte përfshirë në ndonjë mënyrë në kryerjen e krimit”.
Lajme nga bota
Luajti të njëjtat numra për 30 vjet, amerikani fitoi 2.64 milionë dollarë në lotari
![](https://tetovaexpres.com/wp-content/uploads/2024/08/loto-usa.png)
Një burrë nga Massachusetts fitoi një xhekpot prej 2.64 milionë dollarësh në lotari pasi përdori të njëjtin grup numrash – ish-numrin e telefonit të gruas së tij – për të luajtur Megabucks për 30 vjet.
Banori i Leicester, Kevin Connor u tha zyrtarëve të Lotarisë Shtetërore të Massachusetts se bileta e Megabucks që ai bleu për shortin e së shtunës mbante të njëjtat numra që ai ka luajtur për 30 vjet.
Ai tha se disa nga shifrat ishin numri fiks i gruas së tij kur ata filluan të takoheshin, raporton upi.com.
Connor tha se mësoi për fatin e tij gjatë vizitës në Maine me familjen e tij.
“U zgjova të dielën në mëngjes, mora telefonin tim, shkova menjëherë te aplikacioni. Pasi u kyça pash që kisha fituar, por nuk besova deri sa u sigurova”, tha ai.
Connor tha se fitimet do të shkojnë drejt arsimimit të fëmijëve të tij ndërsa për vete do të blen çorape të reja.
Lajme nga bota
U hapën Lojërat Paraolimpike në Paris, parakaloi edhe delegacioni i RMV, Kosova për herë të parë pjesëmarrëse
![](https://tetovaexpres.com/wp-content/uploads/2024/08/tblgv3bcictdzjmu7gvu.avif)
Mbrëmë në Paris u hapën Lojërat Paralimpike, në të cilat deri më 8 shtator do të marrin pjesë 4.400 sportistë nga 184 delegacione. Në mesin e pjesëmarrësve është edhe sportistja nga Maqedonia e Veriut, Olivera Nakovska-Bikova, e cila garon në qitje. Ndërkohë, Kosova për herë të parë merr pjesë në Lojërat Paralimpike me atletin Grevist Bytyqi, 33 vjeç, që do ta përfaqësojë Kosovën në atletikë, në disiplinën vrapim prej 1500 metrash trasmeton Portalb.mk.
Në mesin e mbi 50 mijë shikuesve nga mbarë bota, për herë të parë, flamuri i Kosovës ka valuar në ceremoninë hapëse të Lojërave Paralimpike “Paris 2024”.
Pas flamurit së Maqedonisë në hapjen e Lojërave Paraolimpike ishin tre përfaqësuese të delegacionit, por garuesja Nakovska-Bikova, siç thotë ekipi, në marrëveshje me trajnerin dhe delegacionin, vendosi të mos rrezikojë lodhjen e mundshme apo lëndimin e krahut dhe qëndroi në Chateru ku e shfrytëzoi ditën për stërvitje.
Ceremonia e hapjes së Lojërave Paralimpike filloi në Sheshin Concorde dhe Champs Elysees, me koreografi të suedezit Alexander Ekman.
Ashtu si në Lojërat Olimpike, ceremonia e hapjes së Lojërave Paralimpike po mbahet për herë të parë jashtë një stadiumi në kryeqytetin francez.
Tymi blu, i bardhë dhe i kuq, sipas ngjyrave të flamurit francez, u lëshua nga avionët e njësisë akrobatike të aviacionit francez, para se atletët të fillonin parakalimin e tyre.
Atletët nga 184 delegacione do të marrin pjesë në 22 sporte Paralimpike, duke garuar për gjithsej 549 medalje ari në Paris.
Drejtori artistik Thomas Joly ka premtuar se ceremonia e hapjes do të jetë një spektakël që do të shfaqë atletët paraolimpikë dhe vlerat që ata mishërojnë dhe do të shfaqë performanca që nuk janë parë kurrë më parë.
Gjatë ditës, pishtari Paralimpik mbërriti në Paris dhe kaloi nëpër rrugët e kryeqytetit të Francës, dhe aktori Jackie Chan ishte në mesin e bartësve të pishtarit.
Atletët francezë, përfshirë Sirena Samba-Mayela dhe Riad Salem, ndezën pishtarin në prani të rreth 500 njerëzve.
Presidenti i Komitetit Paralimpik Ndërkombëtar, Andrew Parsons beson se Parisi do të japë “Lojërat Paralimpike më spektakolare ndonjëherë”.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve