Lajme nga vendi
21% e maturantëve në RMV do të studiojnë jashtë shtetit
Cilësia e programeve të studimit e vlerësimet e universiteteve janë ndër shkaqet për të cilat 21% e të rinjve kanë vendosur që studimet t’i kryejnë jashtë vendit. Sipas një hulumtimi të Fakultetit Juridik në Universitetin “Goce Dellçev” në Shtip, vendet më atraktive për studime janë Bullgaria dhe Sllovenia. Profesori universitar Strashko Stojanovski në një intervistë për MIA-n u shpreh se hulumtimi është pjesë e një projekti më të madh në të cilin bashkë me disa profesor punojnë edhe studentë.
Hulumtimi titullohet “Migrimi i të rinjve, arsimimi”, i cili është bërë edhe para 5 vjetëve e që mundëson krahasimin e rezultateve. Ai potencoi se me anë të këtyre anketave mund të vërehet edhe se interesimi i të rinjve për të studiuar jashtë vendit pothuajse është dyfishuar, gjegjësisht nga 13% sa ishte para 5 vitesh, tani kjo përqindje ka arritur në 21%.
laplaza
“Tashmë mund të perceptojmë disa të dhëna dhe tendenca të caktuara, megjithëse do thosha se është shumë herët pasi kemi vetëm dy sondazhe të tilla. Ekziston edhe një hulumtim tjetër që kemi prezantuar vitin e kaluar e që lidhet me migrimet. Këto janë qëndrimet e të rinjve sa i përket migrimit dhe ky hulumtim para se gjithash ka të bëjë me motivin arsimor për migrim tek të rinjtë. Nga katër rajone planifikuese, shumica e shkollave ishin të mbuluara. Pra në këto rajone janë rreth 22 shkolla të mesme, duke filluar nga rajoni lindor, verilindor, juglindor, dhe rajoni i Vardarit”, tha Stojanovski.
Derisa foli për arsyet se pse një përqindje e tillë e të rinjtë dëshirojnë që të studiojnë jashtë vendit, ai tha se motivet kryesisht kanë të bëjnë me perspektivat dhe disa kritere ekonomike, e kjo po përsëritet edhe nga hulumtimi i vitit të kaluar. Gjatë anketës të rinjtë janë shprehur se faktori ekonomik është faktor kyç për migrimin dhe ndërtimin e një karriere profesionale jashtë vendit. Sipas profesorit, rreth 30% e nxënësve të shkollave të mesme nuk do të studionin.
“Kur bëhet fjalë për motivin nuk mund të flasë menjëherë ‘ad-hok’ për emigracion të përhershëm të rinjve, domethënë kjo është vetëm një tregues se mund të ketë një tendencë të tillë. Emigrimi i përkohshëm i cili do lidhej me plotësimin e arsimit, pra kalimin nga arsimi i mesëm në atë të lartë, po shkon drejtë emigrimit të përhershëm në të ardhmen”, theksoi ai duke shtuar se nëse ndodh që të rinjtë të socializohen atje, nëse krijojnë lidhje të mjaftueshme, nëse kanë mundësi punësimi, kjo nënkupton se ata do të qëndrojnë atje.
Gjatë bisedës Stojanovski theksoi se tregues serioz është se si do t’i trajtojmë politikat arsimore të disa shteteve. Këtu hynë Sllovenia që siç thotë ai, ata arritën në përfundimin se nuk është një politikë arsimore klasike e Sllovenisë, por një strategji klasike, demografike e tyre.
Sipas tij, të gjitha vendet kanë probleme me potencialet demografike dhe ajo që lëviz vendin dhe siguron që ai të ketë perspektivë është pikërisht rinia.
“Sllovenia e ka zgjidhur këtë. Një nga aspektet është pikërisht kjo politikë arsimore të cilën ata e bëjnë në atë mënyrë që do të tërhiqnin një popullsi të mundshme sepse këto politika arsimore i referohen vendeve të Evropës Juglindore, të cilat janë pjesë e Ballkanit Perëndimor, me përjashtim të Kroacisë”, u shpreh ai.
Stojanovski beson se sistemi arsimor në vend nuk është edhe aq i keq siç tregojnë rezultatet e studentëve tanë që studiojnë në Slloveni.
“Kemi biseduar me kolegë nga Universiteti i Lubjanës. Nga 10 studentët më të mirë që janë atje, 5 janë nga Maqedonia. Pra, ne kemi një sistem cilësie, prandaj nuk duhet të krijojmë stereotipa, sepse kjo ndikon edhe në këndvështrimin e të rinjve dhe duhen theksuar shembujt e mirë. Kemi shembuj të mirë të rinjve të suksesshëm. Nuk do ishte keq që ndonjëherë të ketë histori të tilla e jo dominimi i lajmeve negative, i politikës ditore të mediave”, përfundoi ai. /koha/
Kreu i Aleancës për Shqiptarët, Arben Taravari i cili është larguar nga koalicioni VLEN pasi vendosi të shkojë në zgjedhje lokale ndaras, ka pranuar se ka realizuar bisedë me kreun e BDI-së Ali Ahmeti. Në një intervistë për Lajm ai thotë se takim nuk ka pasur, por është dëgjuar me të në telefon.
Takim me Ali Ahmetin a keni pasur apo prisni të keni?
“Jo, jo, jo. Ka pasur një bisedë telefonike dhe ajo është…”, deklaroi Arven Taravari, kryetar i ASH.
Televizioni Alsat që në fillim të muajit prill raportoi për një bisedë telefonike 40 minutëshe mes Taravarit dhe Ahmetit, e cila sipas burimeve tona ka bërë që Taravari të lëkundet në bindjet, që deri dje i mbronte me aq fanatizëm ndaj BDI-së. Disa herë, Taravari përmendi që partia e tij ka kanale komunikimi me BDI-në, por edhe sinjale për bashkëpunim në zgjedhjet lokale. Madje, duke relativizuar se edhe partitë tjera të VLEN-it kanë kontakte. Ndaj kësaj, mori përgjigje të ashpër nga Lëvizja Besa, Lëvizja Demokratike, Alternativa dhe përfaqësuesi i Lëvizjes Vetëvendosje se nuk kanë asnjë arsye për të komunikuar me një parti të korruptuar, funksionarët e të cilës janë në lista të zeza.
Biseda telefonike është realizuar pikërisht në kohën kur Aleanca për Shqiptarët do të duhej të vendoste për mënyrën e garimit në zgjedhjet lokale, për çka Taravari disa herë përsëriti se ekzistojnë dy opsione për të garuar në zgjedhje. I pari, të garojnë së bashku me VLEN-in dhe i dyti të garojë vetëm si ASH, që në këtë rast nuk do të përjashtohej mundësia për të bashkëpunuar në komuna të caktuara me BDI-në.
Lajme nga vendi
MPB: Gjatë festave të Pashkëve fotografimi për dokumentet personale do të bëhet pa termin
Ministria e Punëve të Brendshme, në pritje të festave të Pashkëve, njofton se sot të gjitha Seksionet për Çështje Administrative pranë Departamentit për Çështje Administrative të MPB-së, përveç Sektorit për Çështje Administrative Shkup, do të punojnë nga ora 08:00 deri në ora 16:00.
Departamenti për Çështje Administrative Shkup, ose më saktë njësitë e tij organizative, sot do të punojnë me këtë orar:
Pika e kontrollit pranveror dy ndërrime nga ora 7:30 e mëngjesit deri në 19:30;
Postblloku i “RTMV” dy ndërrime nga ora 7:30 deri në 19:30, dhe me të njëjtin orar do të funksionojnë edhe pikat e kontrollit në “Beko” dhe Gjorçe Petrov.
Pikat e kontrollit në Draçevë dhe Butel do të funksionojnë me një turn nga ora 10:00 deri në ora 18:00.
Ministria e Brendshme njofton qytetarët se fotografimi për dokumente personale do të bëhet pa caktuar termin dhe dhënia e dokumenteve do të bëhet në vazhdimësi.
Lajme nga vendi
Më shumë se 1000 propozime për ndryshimin e emrave të rrugëve dhe shkollave në Tetovë
Përskaj nismës së ndryshimit të emrave të rrugëve, në Tetovë janë shtuar kërkesat edhe për ndryshimin e emrit të disa shkollave. Individë të sektorit të arsimit thonë se disa emra të shkollave, madje nuk kanë asnjë domethënie as simbolike dhe as historike për qytetarët. Nga gjithësej pesë shkolla të mesme katër prej tyre kanë emra që nuk përkojnë me siç është rasti i shkollës së mjekësisë Nikolla Shtejn.
“Ato pak të dhëna që ne i kemi nuk themi dot se janë të sakta thjeshtë ka qenë një infermier partizan që as nuk është nga shteti ynë e as nuk lidhet diçka me vendin tonë. Meqë edhe jemi shkolla më e madhe në vend shpesh kemi kërkesa nga prindër e nxënës se përse shkolla nuk merr një emër që do lidhej qoftë me Tetovën qoftë me ndonjë personalitet të mjekësisë”, tha Malësore Ramadani, drejtoreshë e SHMK “Nikolla Shtejn”.
Kërkesa të këtilla ka pasur edhe në shkollat tjera.
“Në kuadër të Komunës së Tetovës funksionojnë pesë shkolla të mesme nga të cilat vetëm njëra nga to ka emrin “7Marsi” ndërsa katër të tjerat kanë emra të periudhës së komunizmit dhe realisht sipas kërkimeve që kemi bë për një shkollë që quhet Nikolla Shtejn, nuk ka të dhëna as në google apo mjete tjera kërkimore”, tha Nazmi Dauti, sektori për Arsim Tetovë.
Nisma të ngjashme për ndërrim të emrave të shkollave fillore dhe të mesme ka pasur disa herë, por shkaku i mungesës së kohezionit politik në pushtetin lokal, ndryshimi i tyre, gjithnjë ka dështuar.
Problemi me emrat e shkollave po hapet në të njëjtën kohë kur procedura për ndryshimin e emrave të rrugëve në Tetovë është në fazën e debatit publik. Numri i propozimeve të dorëzuara në dy debatet e fundit publike ka arritur në 1050. Edhe pse sot duhej që të mbahet debati i tretë publik, debati është anuluar për javën e ardhshme, shkaku i festës së Pashkëve. Zëdhënësi i komunës Albion Alili për Alsat thotë se procedura zhvillohet pa përplasje.
“Pas debateve komisioni do të vlerësojë propozimet dhe biografitë e emrave të propozuar dhe do veprojë për emërtim të tyre. Realisht komisioni po punon në formën e paraparë dhe do veprohet. Nuk ka ndonjë përplasje siç plasohet në opinion, gjithëçka shkon si duhet”, u shpreh Albion Alili, zëdhënës i komunës së Tetovës.
Për momentin nuk ka ndonjë afat konkret se sa procedura do të zgjasë. /Alsat.mk
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve