Lajme nga vendi
Shaqiri: Reagimet për integrimin e lëndëve do t’i dorëzoj në Byronë për Zhvillimin e Arsimit
Ministri i Arsimit dhe Shkencës Jeton Shaqiri ka bërë të ditur se korrespodencën me reagimet lidhur me integrimin e lëndëve që arrijnë në Ministrinë e Arsimit dhe Shkencës do t’ia dërgojë për mendim Byrosë për Zhvillimin e Arsimit sepse, siç tha ai, është institucioni që ka propozuar Konceptin për arsimin bazë dhe i cili duhet të analizojë se çfarë ndikimi ka integrimi i lëndëve mbi programin mësimor dhe reagimet lidhur me lëndët Histori dhe Gjeografi.
“Pas kësaj, ne si Ministria e Arsimit dhe Shkencës do të raportojmë për situatën, pasi të marrim të dhëna konkrete, çfarë ndikimi ka integrimi i atyre lëndëve në fondin javor të mësimit të atyre që i ligjërojnë, por edhe në përmbajtjen dhe ne do t’u përgjigjemi të gjithë atyre që kanë dërguar letër apo kanë reaguar publikisht”, tha Shaqiri.
Ai tha se me konceptin e ri ka integrim më të hershëm të lëndëve në module që duhet të mësohen gjatë një viti shkollor si grup i lëndëve në Shkencat Natyrore dhe Shkencat Shoqërore.
“Lëndët e integruara fillojnë nga klasa e pestë sipas Konceptit për arsimin fillor dhe këtë vit vazhdojnë në klasën e gjashtë, ndërsa vitet në vijim edhe në klasën e shtatë, të tetë dhe të nëntë”, tha Shaqiri.tvnews.
Lajme nga vendi
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
Më datë 13.05.2024 rreth orës 18.00 në SPB-Tetovë, nga Qendra Urgjente e Spitalit Klinik të Tetovës, është raportuas në spital është sjellur personi E.Sh. (18) nga Tetova. Sipas raportit, nëna dhe motra e tij e gjetën atë pa shenja jete në banjo në shtëpinë e tyre familjare. Vdekjen pa gjurmë të dhunës e ka konfirmuar mjeku, kurse inspektimin në vendin e ngjarjes e ka kryer Prokurori publik dhe një ekip nga SPB-Tetovë. Me urdhër të Prokurorit publik, trupi i pa jetë i të ndjerit iu dorëzua familjes.
Aleanca për Shqiptarët (ASH) e prirë nga Arben Taravari në mbledhjen e mbajtur të kryesisë partiake ka zgjedhur nënkryetarët dhe sekretarët partiakë, mëson INA.
Nënkryetarë janë zgjedhur: Bujare Abazi, Gëzim Kadriu dhe Bekim Pocesta
Sekretar i Përgjithshëm: Blerant Ramadani
Sekretar Organizativ: Gadaf Uzairi
Të sapozgjedhurit do kryejnë këto detyra si ushtrues detyre deri në kongresin e ardhshëm partiak.(INA)
Avokatët e të dënuarve në rastin “Monstra”, për Alsat konfirmojnë se këtë javë kanë dorëzuar gjithsej tre ankesa Gjykatën e Strasburgut, për aktgjykimet në gjykatat e vendit për rastin “Monstra”. Për shkak se korrespodenca me Gjykatën e Strasburgut, zhvillohet në mënyrë të fshehtë, avokatët nuk japin detaje. Ankesat e avokatëve përfunduan në Strasburg pasi të dënuarit nuk janë të kënaqur me vendimin e Gjykatës Supreme të shtatorit të vitit 2023, me të cilin, u vërtetuan aktgjykimet e shkallës së parë dhe të dytë. Sipas vendimit, Alil Demiri, Afrim Ismailloviq dhe Agim Ismailloviq u shpallën fajtorë për veprën dhe u dënuan me burgim të përjetshëm, ndërkaq Fejzi Aziri dhe Haki Aziri u dënuan me burg 15 dhe 9 vjet burg. Sami Luta u lirua nga akuza, në mungesë të fakteve. /Alsat.mk
Policia jep detaje për vdekjen e 18-vjeçarit nga Tetova, është gjetur pa shenja jete në banjon e shtëpisë
ASH zgjodhi nënkryetarët dhe sekretarët partiakë
“Monstra” në Strasburg, avokatët dorëzojnë tre ankesa
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve