Lajme nga vendi

BESA: Qeveria gjithë ditën flet kundër Rusisë, ndërsa reklamon kuponin fiskal rus!

Published

1 year ago

January 30, 2023

Lëvizja BESA ka reaguar ndaj videos promovuese të qeverisë së RMV, ku shfaqet një kupon fiskal rus në konferencën vjetore “Viti i Mundësive të reja”, duke e cilësuar si skandal.

“Me këtë kjo qeveri dëshmon haptas se ky vit do të jetë viti i promovimit jo vetëm të kuponave fiskal rus, por edhe i politikës ruse. Në videon promovuese më e keqja është se këtë e kanë miratuar edhe ata të cilët gjatë gjithë kohës trumbetojnë për koalicion Evropian, kurse në anën tjetër si duket nuk mund të çlirohen nga fenomeni rus sigurisht për shkak të lidhjeve dhe bizneseve që kanë struktura të larta të shtetit. Gjatë gjithë kohës Bashkimi Evropian, ka ngritur shqetësim për ndikimin rus në Maqedoninë e Veriut, por kjo siç do herë nuk është marrë seriozisht nga qeveria”, thuhet në njoftimin e Lëvizjes BESA.

“Kërkojmë nga faktori ndërkombëtar që të kërkojë përgjegjësi prej qeverisë për skandalin në fjalë pasi Maqedonia e Veriut është deklaruar se do të zbatojë sanksione ndaj Rusisë por në fakt po ndodh e kundërta”, thonë nga Lëvizja BESA /koha.mk/

Lajme nga vendi

Mickoski: Përveç Likovës, BDI ka mbushur kuti në rreth 50 vende pas orës 18:00

Published

4 mins ago

May 3, 2024

TetovaExpres

Nuk është vetëm informacion se BDI ka mbushur kuti në ditën e zgjedhjeve, kemi një rast të konfirmuar në komunën e Likovës ku Gjykata Administrative ka nxjerrë aktgjykim ku shihet qartë se vullneti i qytetarëve nuk është ai që i përgjigjet rezultatit, tha kryetari i VMRO-DPMME-së, Hristijan Mickoski gjatë vizitës së sotme në komunën e Butelit, shkruan alfax.mk.

Mickoski theksoi se “ketë e themi gjatë gjithë kohës, prandaj apelojmë gjatë gjithë kohës, sepse kemi indikacione se janë mbushur kuti në rreth pesëdhjetë vende të tjera të tilla nëpër Maqedoni dhe dalja është rritur papritur pas orës 18.00”, ka shtuar Mickoski.

Prandaj Mickoski bëri thirrje për vigjilencë, vëmendje më 8 maj.

“Ajo që po shihet nga terreni është një presion i madh, përpjekje për të blerë vullnetin e qytetarëve nga BDI, duke menduar se do të bëjnë rezultat të madh dhe kështu VMRO-DPMNE-ja do të përballet me aktin që të ulet dhe të bisedojë me kryesinë e BDI-së”, tha Mickoski.

Mickoski thotë se është i bindur dhe beson në qytetarët e Maqedonisë, pavarësisht nëse janë maqedonas, shqiptarë, turq, serbë, vllehë, boshnjakë, romë apo të tjerë, se nuk do ta lejojnë këtë.

“Mund t’ju tregoj shembuj në qytete si Vinica, Koçani, Dellçeva, Berova, ku zyrtarë qeveritarë të shoqëruar nga policë që identifikohen si policë tentuan të japin ryshfet edhe në një ndërtesë fetare,” tha Mickoski.

Mickoski konstatoi se vullneti i popullit nuk është rezultat i Bujar Osmanit, por se ai është shumë më i vogël dhe do të jetë edhe më i vogël në periudhën në vijim./medial.mk/

Lajme nga vendi

Taravari: 8 Maji do të hyjë në histori si Dita e Ndryshimit

Published

8 mins ago

May 3, 2024

TetovaExpres

Lideri i Aleancës për Shqiptarët Arben Taravari thotë se 8 Maji do të hyjë në histori si Dita e Ndryshimit.

“Me siguri 8 Maji do të hyjë në histori si Dita e Ndryshimit…disa mund ta quajnë edhe Fillimi i Drejtësisë!”, ka shkruar Taravari

Lajme nga vendi

Dita e Lirës së Mediave liria e mediave bazohet në vendin e shëndoshë të punës

Published

11 mins ago

May 3, 2024

TetovaExpres

Me kërcimin e 19 vendeve dhe pozicionimin në vendin e 38, sipas raportit të vitit të kaluar të Gazetarë pa kufij, por edhe me paga nën mesataren, kushte të pasigurta për punë dhe raste të kërcënimeve dhe dhunës ndaj gazetarëve, Maqedonia e shënon 3 majin – Ditën e lirisë së mediave.

Kryetari i Sindikatës së pavarur të gazetarëve dhe punëtorëve të mediave Pavle Bellovski, dje në konferencën për media theksoi se gazetarët po përballen me shumë probleme, por se me kohezion dhe guxim mund të tejkalohen. Theksoi se kur flitet për lirinë e shprehjes, nuk duhet të harrohet se liria e mediave bazohet në vendin e shëndoshë të punës dhe lirinë e së shprehurit.