Connect with us

Lajme nga vendi

Ndryshimet Kushtetuese në RMV: Pritet të nis debati me shoqërinë civile dhe ekspertët

Published

on

Zv. kryeministri për çështje evropiane, Bojan Mariçiq paralajmëroi debat publik në lidhje me ndryshimet kushtetuese. Gjatë një konference për media, të mbajtur sot në Qeveri, Mariçiq tha se, debati do të fillojë gjatë javëve në vijim, ndërsa do të zhvillohet me organizatat joqeveritare, komunitetin akademik dhe atë të biznesit.

“Ndryshimet kushtetuese do të aktualizohen në javët dhe muajt e ardhshëm edhe në debate me organizatat civile, ekspertë, edhe në raport me përmbajtjen e tyre, por edhe në raport me rëndësinë e tyre politike. Rëndësia politike është shumë më shumë se vetëm ndryshime politike të një pjese të preambulës dhe të një amendamenti të komitetit të marrëdhënieve mes bashkësive”, tha Bojan Mariçiq, zv. kryeministër për çështje evropiane

Ai rikujtoi se, këto ndryshime kushtetuese kanë rëndësi për miratimin nga Kuvendi i Maqedonisë së Veriut, për vazhdimin e negociatave me Bashkimin Evropian.

“Ai debat shoqëror që do të zhvillohet me organizatat civile, me komunitetin akademik, me komunitetin e biznesit rreth rëndësisë politike dhe ekonomike dhe rëndësisë së këtyre amendamenteve kushtetuese në afat të gjatë për shtetin tonë, do të jenë hyrje në diskutimin institucional dhe vazhdimi i kësaj procedura brenda në Kuvend. Duhet të jemi të gatshëm dhe duhet që të gjithë të japin kontributin e tyre në këtë proces, që ai të mund të fillojë me sukses, por edhe më e rëndësishme të përfundojë me sukses”, tha Bojan Mariçiq, zv. kryeministër për çështje evropiane.

Kujtojmë se, pas 17 viteve pritje, në korrik të vitit të kaluar vendi filloi negociatat me BE-në, me mbajtjen e konferencës së parë ndërqeveritare, e cila u mbajt pas miratimit të propozimi francez për zgjidhjen e ngërçit mes Bullgarisë dhe Maqedoni së Veriut dhe hapjen e negociatave eurointegruese. Si pjesë e kësaj marrëveshje, vendi duhet të përfshijë në preambulën e kushtetutës bullgarët, në mënyrë që të hap kapitullin e parë të negociatave për anëtarësim.

Advertisement
Advertisement

Lajme nga vendi

(VIDEO) Në Tetovë mbahen Gara në Rabgy

Published

on

Nxënës të shkollës fillore “Liria”, të Tetovës, Gjergj kastrioti Skënderbeu të fshatit Poroj, shkollës fillore Eqrem Qabej të fshatit Neproshten, gjatë muajve të kaluar janë trajnuar për gara në Ragby, i njohur ndryshe edhe si futbolli amerikan.
Krahas këtyre nxënësve, pjesë e këtyre garave ishin edhe nxënës të paraleleve me nevoja të veçanta. Ky aktivitet deri në përmbylljen e tij, që ishin garat e sotme, është organizuar nga Ambadasa e Amerikës, Këndi Amerikan dhe Universiteti i Tetovës.Nga Universiteti i Tetovës thonë se sporti i ragbit është i rëndësishëm për fëmijët për shkak se duhet një përgatitje e madhe fizike dhe kjo do të ndikojë që edhe fëmijët të kenë përgatitje më të madhe fizike.
Organizatorët shprehen se para këtyre garave janë mbajtur edhe puntori me nxënësit e shkollave fillore dhe të mesme ku qëllimi ka qenë që nxënësit të afrohen mes vete që të zgjidhin konfliktet dhe kanë përgatitur edhe disa piktura që janë ekspozuar gjatë garave të sotme.
Garat e sotme ishin të veçanta për shkak se ky lloji sporti është shumë pak i njohur në hapësirat tona, ndërsa organizatorët premtojnë se edhe në të ardhmen do të ketë evente të këtilla me qëllim që në të ardhmen edhe ky sport të jetë atraktiv për shoqërinë tonë.TV KOHA

Continue Reading

Lajme nga vendi

(VIDEO) Vendi i parë Gara për Gjykim të simuluar për fakultetin juridik të UEJL-së

Published

on

Studentet e Fakultetit Juridik në Universitetin e Evropës Juglindore në Tetovë Gentiana Reka, Elona Zendeli, Era Gjakova dhe Flutra Xhemaili nën mentorimin e profesoreshës Vedije Ratkoceri arritën që fitojnë vendin e parë në garën ndërkombëtare për gjykim të simuluar në Tiranë në konkurrencë me 16 ekipe të fakulteteve juridike nga Shqipëria, Kosova dhe Maqedonia e Veriut.Garat u zhvilluan në dy faza, në fazën e përgatitjes dhe dorëzimit të dokumenteve për lëndët përkatëse gjyqësore, në të cilën një pjesë u diskualifikuan disa fakultete, ndërsa në fazën e dytë dhe përfundimtare, pjesa tjetër e ekipeve vazhdoi me një gjykim të simuluar verbal.
Skuadra e UEJL-së kishte një paraqitje brilante në të gjitha raundet dhe u vlerësua lartë nga juria për përgatitjen profesionale, hulumtimin e bërë dhe nivelin e lartë të shkresave të dorëzuara, prezantimin oral, bashkëpunimin e skuadrës si dhe gatishmërinë dhe mënyrën e përgjigjes ndaj pyetjeve të parashtruara si nga skuadrat kundërshtare ashtu edhe nga juria.
Ekipi i Universitetit të Evropës Juglindore në Tetovë kishte një performancë të shkëlqyer në të gjitha fazat dhe u vlerësua me nota të larta nga juria për përgatitjen profesionale, për hulumtimin e bërë dhe për nivelin e lartë të punimeve të arritura, për prezantimin gojor, për bashkëpunimin e ekipit, si dhe për përgatitjen dhe mënyrën se si përgjigjeshin në pyetjet e parashtruara nga ekipet kundërshtare dhe nga juria. Garat u organizuan për herë të dytë radhazi nga Fondacioni Halimi, me mbështetjen e Ambasadës së Holandës në Tiranë.TV KOHA

Continue Reading

Lajme nga vendi

(VIDEO) Promovohet libri i Shaban Sinanit “Kolosët e Sportit”

Published

on

Gazetari Shaban Sinani, sot në Tetovë ka promovuar librin e tij të rradhës në sferën e sportit. Bëhet fjalë për librin Kolosët e Sportit kushtuar ikonave të sportit ndër vite, atyre që kanë lënë gjurmë sidomos në sportin shqiptar, në mesin e tyre Shaban Tërstena, Qatip Osmani, Miftar ZIberi e këshu me rradhë. Autori është shprehur se këta sportis që kanë shënuar shumë suksese sidomos në garra ndërkombëtare duhet që të jenë motiv për sportistët e ardhshëm që të arrijnë suksese në nivele me të larta.Ai ka bërë të ditur se ky libër u dedikohet familjes së tij të ngushtë të cilët e kanë përkrahur gjatë tërë karrierës.
Në këtë promovim, ishin të pranishëm një numër I madh I puntorëve sportiv, gazetar, trajner, ish sportist të dalluar nga Tetova, Shkupi e kështu me rradhë, të cilët në fjalën e tyre theksuan se të arriturat e sportistëve shqiptarë janë të mëdha dhe është mirë që këta suksese të shënohen nëpër libra që të ngelë dëshmi edhe për të ardhmen. Ky është libri I shtatë me rradhë me autor Shaban Sinanin, ku kryesisht sikurse ky libër, edhe të tjerët kanë qenë në sferën e sportit.TV KOHA

Continue Reading

Më të lexuarat