Kreu i Aleancës për Shqiptarët, Arben Taravari dhe anëtarët e kryesisë së ngushtë, kanë takuar sot kryetarët e degëve të ASH-së nga të gjitha zonat e vendit.
Në takim është biseduar për organizimin e brendshëm, anëtarësimet e reja, aktivitetet në terren, ristrukturimin lokal dhe sfidat e reja që e presin partinë periudhën në vijim. Kryetarët e degëve të ASh-së, janë njoftuar edhe rreth zhvillimeve politike, ndërsa kanë shprehur edhe sugjerimet, propozimet dhe kanë referuar për aktivitetet në degët përkatëse.
Kujtojmë se nesër do të mbahet takimi ndërmjet kryeministrit Dimitar Kovaçevski dhe kryetarit të partisë opozitare Aleanca për Shqiptarët, Arben Taravari, për hyrjen e mundshme të këtyre të fundit në Qeveri