Lajme nga vendi
Tabanoc/ Konfiskohet arri me vlerë prej 600 mijë eurove
Drejtoria doganore dje në vendkalimin kufitar Tabanovc ka sekuestruar 13.3 kilogramë ari në vlerë prej mbi 600.000 euro.
Siç informon Drejtoria doganore, gjatë kontrollit të detajuar doganor të një autobusi që ka hyrë në vend, ekipet mobile të Departamentit për çështje operative të Drejtorisë doganore në vendkalimin kufitar “Tabanovc” ka zbuluar dhe sekuestruar përkohësisht 13.3 kilogramë ari dhe 30.000 euro të padeklaruara. Vlera e floririt të sekuestruar është mbi 600 mijë euro.
“Për shkak të ekzistimit të dyshimeve, autobusi me targa të Maqedonisë së Veriut, i cili ka qenë duke lëvizur në linjë të rregullt nga Poreçi (R. Kroaci) për në Gostivar, së bashku me udhëtarët është drejtuar në terminalin doganor në vendkalimin kufitar. Gjatë kontrollit me skaner mobil, janë vërejtur parregullsi në konstruksionin e çatisë, ku janë gjetur stoli të ndryshme dhe pllaka ari në forma të rregullta dhe të parregullta. Malli i padeklaruar – ari me peshë të përgjithshme prej 13.304 gramëve është ndaluar përkohësisht dhe i është dorëzuar Departamentit të hetimeve për veprime të mëtejshme”, thuhet në njoftim.
Po ashtu, gjatë kontrollit personal, tek njëri shofer janë gjetur dhe konfiskuar 30 mijë euro të padeklaruara, për të cilat është bërë kallëzim për kundërvajtje valutore
Lajme nga vendi
KSHZ-ja nuk pranon ankesat për votimin në Likovë
Komisioni Shtetëror Zgjedhor (KSHZ) sot në seancë vendosi që të mos pranohet ankesa për votim në rrethin e parë të zgjedhjeve presidenciale të 24 prillit të koalicionit VLEN për vendvotimin 1112/1 në Komunën e Likovës, përcjell Telegrafi Maqedoni.
Me sugjerim të anëtarit të KSHZ-së, Abdush Demiri, është hapur materiali zgjedhor konfidencial nga ky vendvotim dhe, siç tha ai, mungojnë dy fletëvotime, andaj ka kërkuar që votimi në këtë vendvotim të anulohet, ndërsa Bordi zgjedhor të shkarkohet.
Nënkryetarja e KSHZ-së, Ditmire Shehu, tha se votimi anulohet vetëm nëse ka më shumë fletë votimi në kuti, gjë që nuk ka ndodhur.
Anëtarët e KSHZ-së votuan dhe propozimi i Demirit nuk u pranua, dhe ai paralajmëroi se për këtë vendvotim do të ketë mendim të veçantë.
Në seancën e KSHZ-së janë pranuar edhe kërkesat për akreditime shtesë për rrethinë e dytë të zgjedhjeve presidenciale dhe parlamentare të 8 majit.
Lajme nga vendi
Mickoski nga Bërvenica: Qeverinë e ardhshme do ta kryesojë VMRO-DPMNE-ja, BDI do të shkojë në opozitë
Në kuadër të fushatës parlamentare “Maqedonia sërish e jotja! Ndryshimet në duart e tua” VMRO-DPMNE mbajti tubim në Jançishtë, Komuna e Jegunovcës dhe në Bërvenicë të Tetovës. Kryetari Hristian Mickoski, bartësja e listës së kandidatëve për njësinë e gjashtë zgjehdore, Dafina Stojanoska si dhe kandidatja për presidente Gordana Siljanovska Davkova folën para qytetarëve të pranishëm.
Lajme nga vendi
Taravari: Në qeverinë e re, rininë do t’a kemi prioritet
Lideri i Aleancës për Shqiptarët Arben Taravari deklaroi sot se në qeverinë e ardhshme rinia do të ketë prioritet.
Kisha sot kënaqësinë që bashkë me Bilallin dhe kandidatët për Deputet nga Koalicioni VLEN, të takohesha me të Rinjtë e VLEN-it dhe qytetarët e Gostivarit.
Kuptova se sa shpresë dhe potencial kanë të Rinjtë tanë!
Ne prezantuam programin parlamentar dhe jemi gati në Qeverinë e Re ta kemi Rininë prioritet. (INA)
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login