Kryetari i Gostivarit, Valbon Limani, ka shprehur ngushëllime pas tragjedisë së rëndë që ndodhi në Koçan. Ai shprehu dhimbjen e thellë për viktimat dhe për familjarët e tyre, duke u lutur që Zoti t’u japë atyre forcë dhe t’ua lehtësojë dhimbjen. Po ashtu, të lënduarve në këtë ngjarje tragjike u dëshiroi shërim të shpejtë dhe të plotë.
“Tragjedia e Koçanit ka tronditur zemrat e të gjithë neve. Ngushëllime familjarëve të viktimave! Zoti ju lehtësoftë dhimbjen që ndjeni në këto momente! Shërim të shpejtë e të plotë për të lënduarit!”, ka shkruar Limani në Facebook.
Kreu i BDI-së Ali Ahmeti i cili ka theksuar se ky është një moment i jashtëzakonshëm dhe i vështirë për të gjithë ne.
Kryetari i Aleancës për Shqiptarë, Zijadin Sela, lidhur me tragjedinë në Koçani ka shkruar se ky është një mëngjes i trishtë për të gjithë.
“Mëngjes i trishtë për të gjithë
Të trishtuar thellë nga tragjedia e mbrëmshme në Koçan, ndajmë dhimbjen me familjarët e viktimave. Zoti qoftë me ta!”, ka shkruar Sela.
Kryetari i Alternativës, Zeqirija Ibrahimi, i cili, ka shkruar se bëhet fjalë për një lajm trishtues dhe të dhimbshëm për të gjithë ne.
“Ngjarja tragjike në Koçani, në të cilën jetën e kanë humbur dhjetëra të rinj, është lajm trishtues dhe i dhimbshëm, i cili sot na preku të gjithëve.
Duke u shprehur ngushëllimet më të sinqerta familjeve të viktimave, lutemi që të vdekurit Zoti t’i mëshirojë, ndërsa të lënduarve u dëshirojmë shërim sa më të shpejtë!
Institucionet duhet ta zbardhin rastin dhe përgjegjësia duhet të adresohet saktë.
Ngushëllime e lutje!”, ka shkruar Ibrahimi.
