Lajme nga vendi
Historia tragjike që fshihet pas trëndafilit të kuq për Shën Valentin
Tradita e dhurimit të trëndafilave për Shën Valentinin ka një kuptim të thellë simbolik. Trëndafili i kuq, që është simboli i dashurisë, ka një histori të lashtë që lidhet me mitologjinë greke. Sipas një prej legjendave, trëndafili i kuq u krijua nga lotët e Afërditës, perëndeshës së dashurisë, kur ajo u mërzit për vdekjen e Adonisit, të dashurit të saj.
Kur ajo u përkul mbi trupin e tij, gjaku i Adonisit ranë mbi një lule të bardhë dhe e ktheu atë në trëndafil të kuq. Ky simbol i dashurisë dhe pasionit ka vazhduar të jetë një nga dhuratat më të preferuara për Shën Valentinin. Dhurata tradicionale për Ditën e Shën Valentinit, trëndafilat e kuq simbolizojnë dashurinë, romancën dhe përkushtimin dhe janë lulëzimi i përsosur për të thënë thjesht ‘të dua’.
Përveç trëndafilit të kuq, ngjyrat e tjera të trëndafilave gjithashtu kanë kuptim të ndryshëm: trëndafilat e bardhë simbolizojnë paqen dhe respektin, trëndafilat e verdhë janë shenja e miqësisë dhe gëzimit, ndërsa trëndafilat rozë shpesh dërgohen për të shprehur mirënjohje dhe dashuri të butë. Në këtë mënyrë, trëndafilat e Shën Valentinit jo vetëm që janë një shenjë e dashurisë, por gjithashtu pasqyrojnë larmishmërinë e ndjenjave që ndjejmë për ata që duam.flaka
Lidhja Auto-Moto e Maqedonisë njofton se trafiku në vend po zhvillohet pa pengesa dhe në rrugë të thata.
Trafiku jashtë mjediseve urbane po zhvillohet me intensitet mesatar.
“Në vendkalimet kufitare nuk ka pritje të gjata për hyrje dhe dalje nga vendi”, thonë nga LAMM. Nga atje u bëjnë thirrje shoferëve që të kenë kujdes me shpejtësinë e automjeteve, veçanërisht nëpër luginat e vendit ku mund të ketë rrëshqitje të dheut.
Lajme nga vendi
“Në gjobë do të ketë edhe foto”, Iseni: Do të shihet nëse shoferi ka pasur të vendosur rripin e sigurisë ose nëse ka qenë duke folur në telefon
“Në gjobë do të ketë edhe foto. Do të shihet nëse shoferi ka pasur të vendosur rripin e sigurisë ose nëse ka qenë duke folur në telefon”, kështu deklaroi zëvendësministri i Punëve të Brendshme Astrit Iseni .
Iseni mes tjerash theksoi se qëllimi nuk është të gjobiten qytetarët, por siç shtoi, të rritet vetëdija nga pakujdesia.
Ministria e Punëve të Brendshme njoftoi qytetarët se në kuadër të projektit “Qyteti i Sigurt”, në periudhën nga 20.01 (e martë) deri më 31.01 (e shtunë) do të bëhet testimi, kalibrimi dhe verifikimi i pajisjeve (kamerave) të vendosura për mbikëqyrjen e qarkullimit, transmeton Portalb.mk.
Testimet do të realizohen çdo ditë në periudhën nga ora 08:00 deri në orën 20:00.
“Gjatë zbatimit të këtyre aktiviteteve, automjetet në lokacionet ku bëhet testimi nuk do të lejohet të kalojnë gjersa zgjat procedura. Në javën e parë të periudhës së planifikuar, aktivitetet do të kryhen ekskluzivisht në lokacionet me kamerat e vendosura në zonën e qytetit të Shkupit”, informoi MPB.
Ata u bënë thirrje qytetarëve dhe të gjithë pjesëmarrësve në komunikacion që të respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim të realizimit të pandërprerë dhe të sigurt të aktiviteteve të planifikuara.
Kamerat “Qytet i Sigurt” të instaluara në udhëkryqet e Shkupit regjistrojnë automatikisht shkeljet e trafikut duke filluar nga 1 dhjetori. Ishte planifikuar që gjobat të fillojnë të zbatohen nga 1 janar 2026, mirëpo kjo është shtyrë për në 1 shkurt 2026.
Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.
LIGA E KAMPIONËVE RIKTHEHET ME DISA SUPER NDESHJE
RENDITJA FIFA: KOSOVA NGJITET NË POZITËN E 79-TË
NBA: LEBRON JAMES NUK DO TË JETË TITULLAR NË “ALL STAR GAME”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
