Sport
KF BESA: MAKSIMALISHT E PËRGATITUR PËR SEZONIN PRANVEROR
Me ndeshjet e xhiros së 19-të të dielën me fillim në ora 14:00, nis pjesa e pranverore e kampionatit 2024/2025, në ligën e parë të futbollit vendor. Të dielën krahas ekipeve që luftojnë për titullin kampion, një ndeshje shumë domethënëse do të zhvillohet edhe në stadiumin “Biljanini Izvori” në Ohër aty ku do të përballen dy skuadrat që luftojnë për mbijetesë Voska Sport dhe Besa e Dobërdollit. Televizioni Koha ishte e pranishme në një seancë stërvitore të ekipit nga Dobërdollit vetëm tre ditë para se të nisë pjesa pranverore e kampionatit ku mori opinionin e trajnerit Gorazd Mihajllov i cili vlerësoi pozitivisht punën pesë javore të fazave përgatitore
“ Tashmë po afrohet edhe fillimi i pjesës pranverore për të cilat besoj se do të jenë mjaftë interesante nga shkaku se shumë ekipe janë përforcuar. Të njëjtën mund ta themi edhe për ne pasi jemi freskuar në pozicione ku mendonim se kemi nevojë. Mendoj se jemi të kënaqur edhe me lojtarët më të cilët disponojmë. Gjithashtu edhe rezultatet që i shënuam në këtë periudhë përgatitore na japin shpresë se duhet pozitivisht të shikojmë për pjesën tjetër të kampionatit, Jemi të vetëdijshëm se do të jetë rëndë, jemi të vetëdijshëm për situatën. Megjithatë thash edhe më parë se nuk është hera e parë që gjendem në këtë situatë dhe besoj në këtë prektë të ekipit Besa , besoj në këto lojtar dhe në stafin teknik që janë rreth meje dhe besoj se maksimalisht jemi të përgatitur dhe se mision që kemi pas nesh mbetjen në elitën e futbollit do ta realizojmë”, deklaroi trajneri Gorazd Mihajllov.
Trajner Mihajllov për ndeshjen kundër Voska S;port në Ohër tha se shkojnë për fitore të sigurt edhe pse nuk do të jetë lehtë
“Po mirë është normale që të presim fitore, normalisht për atë punojmë unë që kur erdha u thash djelmoshave se nuk duhet ti shikojmë ndeshjet miqësore por duhet të fokusohemi për xhiron e parë dhe faktikisht ne u përgatitëm për ndeshjen e raundit të parë kundër Voskës. Normalisht më një fillim të mbarë edhe vetëdija te futbollistët do ngritët dhe normalisht të nxjerrim rezultat pozitiv në Ohri. Nuk kemi çka të fshehim shkojmë për tri pikë“ tha trajneri Mihajllov
Me punën që është bë gjatë fazave përgatitore optimist për një fillim të mbarë në sezonin pranverore para mikrofonit të televizionit Koha u shprehë edhe kapiteni Armend Alimi
“Kemi bërë një përgatitje shumë të mirë, kemi qenë edhe në Ohër në një mini përgatitje 7 ditë. Kemi zhvilluara 4 ndeshje mos gabofsha, kemi korrur të gjithat fitore. Mendoj se fizikisht jemi shumë mirë, po ashtu edhe psiqikisht e dimë se na pret një punë e rëndë. E dimë situatën e ku jemi , edhe situata nuk na jep komoditetin që të jemi të lirë për ndeshjet. Çdo ndeshje për ne do të jetë finale, ndërsa finalja e parë do të jetë kundër Voskës. Situata në Voskë e dimë se si është por ajo nuk na çorienton por përkundrazi maksimalisht jemi motivuar dhe koncentruar për tu kthyer me tre pikë” deklaroi Armend Alimi kapiten i ekipit Besa
Kujtomë se Besa në sezonin vjeshtor nga 18 ndeshje të zhvilluara ka regjistruar 3 fitore, 4 barazime dhe 11 humbje duke u renditur në pozitën e 10-të, ndërsa Voska Sport me 2 fitore, 6 barazime dhe 10 disfata me 12 pikë mbanë pozitën e fundit. Ndeshja e së dielës Voska Sport – Besa e Dobërdollit luhet të dielën me fillim në ora 14:00.
Shaban Sinani – TV Koha
Nesër me fillim në orën 14:00 në të gjitha terrenet e ligës së dytë të futbollit në Maqedoni zhvillohen ndeshjet e javës së 17-të të kampionatit 2025/2026. Derbi i kësaj jave zhvillohet në Ohër ku përballen dy ekipet që kryesojnë renditjen Ohri – Shkëndija e Haraçinës.
Në Ohër përballen dy ekipet që kryesojnë Ligën e Dytë të Futbollit vendor Ohri dhe Shkëndija e Haraçinës, ndeshje kjo e cilësuar si derbi i kampionatit, pasi në renditjen tabelore Ohri kryeson me 39 pikë kurse Shkëndija e Haraçinës ka 38.
Dy skuadrat vijnë pas fitoreve në ndeshjet e Kupës së Maqedonisë së Veriut. Dy skuadrat mposhtën ekipe të Ligës së Parë, Ohri mposhti Vardarin ndërsa Shkëndija Rabotniçkin.
Duke marrë parasysh rëndësinë e ndeshjes, duket se po ndërmerren aktivitete që nuk kanë lidhje me futbollin dhe rivalitetin në terren.
Përmes një njoftimi nëpër rrjetet sociale, Klubi nga Ohri, ka njoftuar se gjithë tifozët me letërnjoftim të Ohrit mund të futen në stadium falas, ndërsa mysafirët nga Haraçina dhe Shkupi do të duhet të paguajnë biletë hyrëse prej 300 denarëve.
Ky veprim josportiv i nikoqirëve nga Ohri na rikujton ngjarjet e futbollit të viteve të 90-ta të shekullit të kaluar kur e njëjta metodë aplikohej edhe për Shkëndinë e Tetovës kur zhvillonte ndeshje si mysafirë.
Liga e Kampionëve në futboll hynë në fazën më intereante të sezonit. 16 ekipe vazhdojnë rrugëtimin drejt trofeut presitgjioz, kurse sot në selinë e UEFA-së në Nion u tërhoq shorti për 1/8 e finales. Nuk mungojë duele spektakolare që në këtë fazë që pritet të mbajnë të mbërthyer tifozët e futbollit evropian.
Shorti sipas formatit të ri ishte i gjysmëdirigjuar, por megjithatë solli disa duele mjaft atraktive.
Nuk kishte se si të mungojë. Mançester City sërish do të përballet me Real Madridin, në reprizimin e disa përballjeve të tyre epike, derisa Kampioni i Evropës PSZH, do të ketë mundësi revanshi kundër Çelzit pas disfatës në finale të Kampionatit Botëror të Klubeve verën e kaluar.
Vëmendje të vecantë zgjojnë edhe duelt Njukasëll – Barcelon si dhe Atletiko Madrid – Totenhem, derisa Bajerni do të jetë mysafir I Atalantas.
Këto janë dyshet e 1/8 së finales:
Real Madrid – Man. City
Bodo/Glimt – Sporting Lisbon
PSG – Chelsea
Neëcastle – Barcelona
Galatasaray – Liverpool
Atletico Madrid – Tottenham
Atalanta – Bayern Munchen
Bayer Leverkusen – Arsenal
Ndeshjet e para do të zhvillohen për 10 dhe 11 Mars, kurse ato kthyese do të zhvillohen një javë më vonë.
Pas 16 ndeshjeve prej të cilave 6 fitore, 2 barazime dhe 8 disfata kampioni i i Maqedonisë Shkëndija përfundoi aventurën evropiane për sezonin 2025/2026. Krenari pavarësisht eliminimit. Në ndeshjen e fundit mbrëmë pësoi disfatë 4-0 në ndeshjen kthyese ndaj Samsunsorit
Shkëndija përfundoi aventuarën evropiane. Edhe pse u mposht nga skuadra turke Samsunspor, “tetovarët” duhet të jenë krenarë për verën dhe dimrin evropian.
Shkëndija bëri historinë duke u bërë ekipi i parë nga Maqedonia që mbërriti në fazën e eliminimeve pranverore në garat e UEFA-së, me cka lanë gjurmë serioze në zhvillimin e futbollit vendor.
Lodhja, penaltia ishin vendimtare për disfatën në Samsun – thotë trajneri Jeton Beqiri, duke e konsideruar sezonin evropian si mjaft të suksesshme.
“Normalisht se pas kësaj ndeshje përfundon aventura jonë europiane. Unë në të njëjtën kohë do të doja si fillim të falënderoja të gjithë futbollistët për maksimumin e dhënë për shkak se arritja totale e klubit gjatë këtij kompeticioni ka qenë e jashtëzakonshme, pavarësisht humbjes së fundit që ishte humbje e lartë. Dua gjithashtu të shpreh një falënderim për të gjithë klubin, nga pronarët, te kryesia e klubit, të punësuarit, administratën, pasi ka qenë një sezon i lodhshëm për ne, ka qenë një eksperiencë e re për ne. Tani më mbetet që i gjithë koncentrimi dhe fokusi të kthehet te kampionati Maqedonisë dhe shpresoj se si në kampionat po ashtu edhe në Kupë të japim maksimumin. Jam i bindur se me një angazhim maksimal do të dalim me rezultate pozitive në fund të sezonit.” deklaroi trajneri Jeton Beqiri
Përkundër eliminimit, Shkëndija me plasmanin në fazën e Play-Off të 1/8 së finales, solli pikë të vlefshme për koeficientin si klub, por edhe për rejtingun e futbollit të Maqedonisë në Evropë.
Shkëndija këtë sezon evropian zhvilloi 16 ndeshje, kurse bilanci ishte 6 fitore, 2 barazime dhe 8 disfata me golaverazh 14:23.
Shkëndija tani fokusohet në skenën futbollistike vendore, ku i pret “betejë” e ashpër për kreun e tabelës më Vardarin dhe Strugën.
Bilall Kasami uron muajin e Ramazanit: Ramazani le të jetë muaj i shenjtë
Një apel i munguar i maqedonasve – Çomovski: Maqedonasit duhet ta mësojnë shqipen
Pavarësisht mungesës së shqiptarëve në hartimin e propozim-ligjit, Janevska këmbëngul: S’ka nevojë për tërheqje të Ligjit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga bota1 month agoGjermania në krizë për punëtorë të kualifikuar, spitalet dhe shkollat kanë mungesa të mëdha