Struga Trim Lum me rezultat t; thellë 4-0 mposhti Bashkimin në Kumanovë, ndërsa Rabotniçki shënoi fitore 2-0 kundër Arsimit. Me këto dy ndeshje u kompletua java e  28-të kampionatit në Ligën e Parë futbollit vendor

 Me  dy ndeshjet e zhvilluara dje u kompletua java e  28-të e kampionatit  në ligën e parë, ku skuadrat vendase regjistruan fitore në tre takime po aq sa fituan edhe  ekipet mysafire. Efikasiteti ishte  në nivel meqë u shënuan  afro  4 gola mesatarisht në çdo ndeshje.

 Në stadiumin e Kumanovës  ekipi i Bashkimit pësoi debakël duke humbur nga Struga Trim Lum 0-4. Për skuadrën e Bashkimit ishte kjo disfata e tretë në këtë kampionat  nga ekipi  i Strugës me golaverazh 0-15 nga tre ndeshjet.

 Me  tre  pikët e fituara Struga Trim Lum përforcon pozitën e tretë me 59 pikë. Ndërsa Bashkimi mbetet në pozitë e gjashtë me 37.

 Por ndeshja në Kumanovë pati edhe “pjesën e tretë”!

Advertisement

 Drejtuesit e skuadrës Struga Trim Lum thanë se pas përfundimit të ndeshjes është krijuar  një tollovi ku të përfshirë kanë qenë edhe drejtuesit e  skuadrës vendase për çka futbollistët mysafir për rreth gjysmë kanë qenë të ngujuar brenda dhomave të zhveshjes. Më  pas  ata  janë detyruar të dalin me përcjelljen e  policisë, ndërsa  është dëmtuar edhe autobusi i ekipit. Këtë incident e konfirmoi edhe drejtori sportiv i Struga Trim Lum, Besar Isaku.

 Rabotniçki shënoi fitore shpresëdhënëse kundër Arsimit  2-0.  Për “romantikët” janë këto tre pikë shpresë që së paku në pesë  xhirot e fundit të sigurojë  balotazhin për mbijetesë, ndërsa  Arsimi mbetet në pozitën e shtatë.

Pas kompletimit të javës së 28-të tabelën e kryeson Vardari me  68 pikë , para  Shkëndijës  që ka  67. Java e 29 vazhdon të enjten me ndeshjen  Arsimi – Shkupi.

SHABAN SINANI  – TV KOHA

Advertisement

Katër fitore të skuadrave vendase, dy barazime dhe dy fitore tw ekipeve mysafire me gjithsejt 32 gola të shënuar është epilogu i shtatë ndeshjeve  të javës së 25-të në Ligën e dytë të futbollit vendor.

 Katër skuadrat  pretendente për tre vendet e para  Bregallnica, Ohri, Skopje dhe  Shkëndija e Haraçinës kanë  shënuar fitore të pritura.

Shkëndija e  Haraçinës që drejtohet  nga  trajneri  Berat Imeri  në ndeshje kundër Pobedës së Prilepit ka regjistruar fitore të thellë 5-0  dhe  vazhdon të mbetet  në mesin e katër skuadrave  pretendente   për  kreun e tabelës.  Fitore  ka  regjistruar  edhe Bregallnica  1-0 në transfertë kundër Detonit Plaçkovica, Ohri  mundi Prespën  6-1, ndërsa Skopje  7-0 mundi  ekipin Kamenica Sasa

Rezultatet e javës së 25-të: Osogova – Teteksi 2-1, Shkëndija – Pobeda 5-0, Bellasica – Kozhufi 0-0,  Slloga – Vardari 3-3, Detonit Plaçkovica – Bregallnica  0-1, Skopje – Kamenica Sasa 7-0, Ohri – Prespa. 6-1, Golemo Konjare – Novaci 1-2

Tabelën e kryeson Bregallnica me 58 pikë e  ndjekur  nga  Ohri, Skopje  dhe Shkëndija e  Haraçinës me nga 56 pikë.

Advertisement

 SHABAN SINANI – TV KOHA

Tre fitore të skuadrave vendase dhe dy të atyre mysafire është epilogu i pesë ndeshjeve të xhiros së 18-të në Ligën e tretë Perëndim. Kamjani mundi Vardarin në Bërvenicë dhe tani kryeson me pesë pikë epërsi

 Java e 18-të e kampionatit të futbollit në Ligën e tretë grupi Perëndim  prodhoi  tre fitore të ekipeve vendase dhe dy fitore të ekipeve mysafire.

 Sfida derbi e kësaj  jave u  zhvillua në Bërvenicë mes Vardarit dhe Kamjanit, ndeshje kjo e cila përfundoi me rezultatin 1-3.

 Me tre pikët e fituara në transfertë Kamjani përforcon pozitën e liderit me 43 pikë apo pesë pikë më tepër se Vëllazërimi Kërçovës  në vendin e dytë me  38 pikë.

 Ndeshje interesante  ishte edhe dueli  Renova – Xhepçishti që përfundoi  me fitoren e ekipit mysafirë me rezultatin 2-3.

Advertisement

 Napredoku i Kërçovës mundi Dobroshtin 4-2, Reçica  mundi Lubotenin 3-1 dhe Skënderbeu në Poroj mundi Dritën e Bogovinës  1-0.

 Pas ndeshjeve të javës së 18-të tabelën e kryeson Kamjani me 43 pikë para Vëlllazërimit me 38 pikë.