Nga komuna e Tetovës kanë bërë të ditur se për vitin 2025 për projektet kulturore, sportive dhe arsimore do të ndahen mjete në vlerë prej 3.5 milion denarë, vlerë më e lartë në krahasim me vitet e shkuara .Në vitin 2024 për kulturë dhe sport janë ndarë 1.1 milion denarë që janë shpërndarë për organizatat joqeveritare dhe për klubet sportive. Poashtu
edhe këtë viti mjetet janë planifikuar të shpërndahen përmes thirrjeve publike për organizatatat jo qeveritare dhe klubet e sportit. Nga komuna e Tetovës, që në fillim e kemi theksuar se komuna e Tetovës do të mbështes aktivitete që kanë për qëllim zhvillimin e kulturës dhe sportit në përgjithësi.
Ndryshe, Komuna e Tetovës, si çdo vit, edhe këtë vit do të organizojë “Verën Kulturore” dhe shënimin e festave kombëtare në muajin nëntor. Këto ditë, të cilat janë edhe tradicionale në komunën e Tetovës, kanë për qëllim të afrojnë qytetarët dhe kulturat e ndryshme që jetojnë në Tetovë.
“Vera Kulturore” është një festë e trashëgimisë sonë të përbashkët, një platformë ku të gjithë ne mund të ndajmë vlerat dhe historitë tona të pasura, theksuan nga komuna e Tetovës.