Basketbollistet e Milluoki Baks fituan Kupën e NBA-së duke mundur në finale Oklahoma Sitin me rezultat 97:81. Milluoki e kishte më të lehtë të merrte fitore pas një paraqitje të jashtëzakonshme nga Xhianis Anteto-Kounmpos, i cili shënoi 26 pikë, 19 kërcime dhe 10 asiste, derisa Damian Lillard shtoi 23 pikë të tjera.
Nga ana tjetër, Shai Gilgeous-Aleksander shënoi 21 pikë për Oklahomën, por që nuk mjaftuan për të marrë fitore. Në këtë mënyrë, Miluoki pasoi Los Anxheles Lejkersin, si fitues të Kupës NBA, ndërsa çdo basketbollist mori gjysmë milioni dollarë si çmim.
Për disa basketbollist kjo shifër do të thotë vërtet shumë. Gjegjësisht, Stanli Umude, Liam Robins dhe Rajan Rollins kanë një pagë vjetore prej më pak se 600 mijë dollarë dhe në këtë mënyrë ata do të përmirësojnë ndjeshëm llogarinë e tyre bankare.