Në konferencën e sotme për media në Qeverinë e RMV-së, kryeministri Hristijan Mickoski foli për aksionin e Ministrisë së Punëve të Brendshme në disa vende të vendit.
Ai tha se ishte një grup i organizuar që planifikonte aksione terroriste dhe kryente akte kriminale si dhe vrasje.
Në pyetjen e një gazetari për bastisjen e sotme në shtëpinë e Artan Grubit, si dhe informacione për përfshirjen e ish-kryeministrit Dimitar Kovaçevski, ai tha se ka disa informacione elementare.
“Kam disa informacione bazë, por do të përmbahesha nga komentet derisa të vijë një njoftim bazë nga MPB. E thamë më herët se do të ketë një luftë të fortë dhe të fuqishme kundër krimit të organizuar. Mund të them se ai proces nisi me eliminimin e një celule terroriste të kushtëzuar, e cila dyshohej se kishte për qëllim të bënte veprime për të kërcënuar situatën e sigurisë, por kishte lidhje me celulat në rajon. Gjatë natës pati informacione për aksionin e Ministrisë së Punëve të Brendshme në zona të caktuara ku ka dyshime të arsyeshme se ka autorë të shumë krimeve të ndodhura në të kaluarën.
Shfrytëzoj rastin t’u kërkoj falje qytetarëve të cilët kanë qenë dëshmitarë të shqetësimit, por besoj se ka pasur dyshime të arsyeshme dhe prandaj është dashur të ndodhë ai aksion policor. Besoni se shumë nga rastet e së kaluarës do të zbulohen. Gjithashtu nga informacionet që kam, di se ka dyshime të bazuara për krim në Lotarinë Shtetërore nga disa ish-zyrtarë të lartë”, tha Mickoski.
