Mickoski: Nëse qeveria aktuale mposhtet në zgjedhjet lokale, do të organizojmë zgjedhje të parakohshme parlamentare

TetovaExpres

1 week ago

Kryeministri Hristijan Mickoski thotë se nëse në zgjedhjet lokale që pritet të mbahen në vjeshtë të vitit 2025, qeveria aktuale mposhtet nga partitë opozitare, atëherë do të ketë zgjedhje të parakohshme parlamentare.

Në të kundërtën, Mickoski thotë se partitë opozitare duhet të reformohen dhe të garojnë në zgjedhje të rregullta parlamentare me kuadro të reja.

“Nëse këtë qeveri qytetarët e mposhtin në ato zgjedhje lokale, është logjike që të ketë zgjedhje të parakohshme parlamentare pas kësaj, të mos na ndodhë si në vitin 2021. Por nëse kjo qeveri i mposht partitë e tanishme opozitare në zgjedhjet lokale, atëherë presim përfundimisht t’i përkushtohen vetvetes, të ristrukturohen, në kuadro dhe në program të rifreskohen dhe të munden në zgjedhjet e rregullta parlamentare të dalin me program të dhe zgjidhje të reja të kuadrove”, tha Mickoski.

Mickoski tha sot se strategjia e BDI-së dhe Ali Ahmetit është që të kthehen në një temë që në përgjithësi do të ketë për qëllim polarizimin e popullatës, mundësisht etnikisht. Kryeministri thotë se nuk do ta lejojnë këtë si Qeveri.

“Po punohet në shumë raste që kanë të bëjnë me ish-zyrtarë të lartë të BDI-së dhe opinioni shumë shpejt do ta shohë se cili është motivi i vërtetë i BDI-së dhe shqetësimi i tyre”, theksoi kryeministri gjatë vizitës në ZZHTI Kërçovë.