Kosova ka kërkuar sërish nga Serbia që të ekstradojë kriminelët dhe të dhënat për të personat e zhdukur.

Kështu është shprehur ministrja e Punëve të Jashtme dhe Diasporës, Donika Gërvalla në një postim në “X”.

Gërvalla ka kërkuar nga Serbia që të respetojë Deklaratën Universale për të Drejtat e Njeriut.

“Dita ndërkombëtare e të drejtave të njeriut: Kosova garanton standardet më të larta të të drejtave të njeriut, siç konfirmohet nga Bashkimi Evropian, OSBE dhe organizata të tjera. Kërkojmë nga Serbia që ta respektojë Deklaratën Universale të Kombeve të Bashkuara për të drejtat e njeriut dhe t’i ekstradojë kriminelët dhe të dhënat për personat e zhdukur”, ka shkruar ajo.

Kujtojmë se nga lufta në Kosovë mbesin më shumë se 1600 persona të zhdukur.

Advertisement

Presidentja e Kosovës, Vjosa Osmani, i ndau ambasadorit të Shteteve të Bashkuara në Kosovë, Jeffrey Hovenier, Urdhrin “Dr. Ibrahim Rugova”.

Hovenier, i cili ka vendosur të pensionohet, do të largohet nga misioni në Kosovë këtë muaj.

Osmani e vlerësoi atë si më shumë se një ambasador.

“Ishte me ne kur populli i Kosovës ishte viktimë e krimeve të llahtarshme, ishte me ne kur raportonte për masakrën e Reçakut, ishte me ne kur vendosnim themelet e shtetit tonë të pavarur, e ishte me ne edhe përgjatë viteve të fundit në mbrojtje të pavarësisë, sovranitetit dhe aleancës së pathyeshme me SHBA-në”, tha Osmani në një postim në Facebook, ku publikoi edhe një video nga ceremonia e ndarjes së Urdhrit.

Ky urdhër u jepet personave, vepra jetësore e të cilëve cilësohet si kontribut i veçantë për ndërtimin e paqes, zhvillimin e demokracisë dhe kultivimin e humanizmit.

Advertisement

Hovenier ishte në misionin e ambasadorit në Kosovë që nga fillimi i vitit 2022.

“Ky çmim ka domethënie të madhe për mua, pasi përfaqëson punën kolektive dhe përkushtimin e kujtdo që ka qenë pjesë e kësaj përpjekjeje për të siguruar paqen dhe stabilitetin në Kosovë dhe për të avancuar vizionin tonë të përbashkët për një vend sovran, demokratik dhe multietnik. Ishte privilegj i madh të shërbej si ambasador i SHBA-së këtu në Kosovë”, shkroi Hovenier në një postim në X.

Derisa ka shprehur vazhdimisht mbështetje për vendin, në disa raste edhe ka kritikuar, sidomos Qeverinë, për shkak të disa veprimeve që SHBA-ja i ka cilësuar si të njëanshme dhe të pakoordinuara.

Në një intervistë dhënë Radios Evropa e Lirë në gusht, Hovenier ka thënë se partneriteti me Kosovën “nuk është ai që do të shpresonim”.

Veprimet e kritikuara kanë pasur të bëjnë me disa vendime për veriun e Kosovës, të banuar me shumicë serbe, të cilat Qeveria e kryeministrit Albin Kurti i ka cilësuar vetëm si përpjekje për shtrirjen e autoritetit në të gjithë vendin./REL

Advertisement

Spitali i Tetovës sot është pajisur me një Elektrokardiograf, spirometër, EKG dhe holter, kjo falë donacionit në vlerë prej mbi 70.000 dollar që Spitali Klinik i Tetovës, pranoi nga kisha e Jezu Krishtit të shenjtorëve të ditëve të mëvonshme në Maqedoni të Veriut.

Drejtori i Spitalit klinik të Tetovës, Agim Berisha, ka shprehur mirënjohjen dhe falënderimet e tija për këtë delegacion të Kishës së jezu krishtit, duke u zotuar se, këto mjete që do jenë në përdorim të mjekëve të repartit të Pediatrisë, do ta lehtësojnë edhe më shumë punën e mjekëve por edhe do ndihmojnë në drejtim të trajtimit sa më të mirë të fëmijëve të Pollogut që do drejtohen për ndihmë në spitalin klinik të Tetovës.

Jam i sigurt tha me këtë rast Berisha, se përpjekjet e përbashkëta do vazhdojnë dhe me një lidhje miqësie mes nesh, do mundësojmë një të ardhme më të mirë dhe më të ndritshme për fëmijët tonë tha drejtori i Spitalit klinik të Tetovës, Agim Berisha.

Advertisement