Lajme nga bota
Çfarë dihet deri tani nga atentati i dytë ndaj Trump, si shpëtoi ish-presidenti
FBI tha se Donald Trump “duket se ishte objekt i një përpjekjeje për atentat” në klubin e tij të golfit në West Palm Beach të Floridës të dielën, vetëm nëntë javë pasi kandidati republikan për president i mbijetoi një tjetër atentati ndaj tij. Ish-presidenti tha se është mirë dhe jashtë rrezikut.
Si u vu re i dyshuari?
Incidenti ndodhi në klubin ndërkombëtar të golfit Trump në West Palm Beach, rreth 15 minuta nga rezidenca e Trump në Florida, Mar-a-Lago.
I armatosuri u pa për herë të parë nga agjentët e Shërbimit Sekret, të cilët po mbikqyrnin fushën e golfit teksa ish-presidenti po luante.
Gryka e një pushke – e përshkruar fillimisht si një pushkë e stilit AK-47 nga Sherifi i Qarkut Ric Bradshaë – u dallua përmes shkurreve që rrethojnë fushën e golfit. Në atë kohë Trump ishte rreth 272-557 m larg nga personi i armatosur.
Sherifi i Qarkut Palm Beach, Ric Bradshaë tha se agjentët e Shërbimit Sekret të SHBA-së qëlluan në drejtim të personit që kishte drejtuar armën drejt fushës së golfit, ndërsa Trump ishte duke luajtur golf.
Zoti Bradshaë tha se personi i armatosur kishte gjithashtu dy çanta shpine të varura në një gardh dhe një kamerë GoPro të cilat i la në vendngjarje. Pasi shërbimi sekret hapi zjarr personi hodhi armën dhe iku me një fuoristradë dhe më pas u arrestua në një distrikt aty pranë.
Si u kap i dyshuari?
Agjentët hapën zjarr kur panë personin e armatosur dhe qëlluan katër deri në pesë fishekë.
I dyshuari hodhi pushkën dhe u largua me një automjet, duke e braktisur armën së bashku me dy çantat dhe kamerën që kishte marrë për të filmuar atentatin.
Një dëshmitar e pa burrin duke ikur nga shkurret dhe duke hipur në një foristradë “Nissan” të zi. Dëshmitari kapi një foto të makinës dhe ia ofroi organeve të rendit.
I dyshuari u kap nga policia duke vozitur drejt veriut në autostradën I-95 pasi kaloi në Martin County, afërsisht 61 km nga fusha e golfit të Trump.
Kush është i dyshuari?
Disa media amerikane e identifikuan të dyshuarin si Ryan Wesley Routh, 58 vjeç, nga Havai, duke cituar zyrtarë të paidentifikuar të organeve të zbatimit të ligjit.
BBC Verify ka gjetur profilin në media sociale që përputhet me atë emër. Ata tregojnë se Routh bëri thirrje që luftëtarët e huaj të shkonin në Ukrainë për të luftuar kundër forcave ruse.
Në profilin e tij ka edhe mesazhe pro-palestineze, pro-Tajvanit dhe kundër Kinës, duke përfshirë pretendimet për “luftën biologjike” kineze dhe referenca për virusin Covid-19 si një “sulm të qëllimshëm”.
Routh, i cili nuk kishte përvojë ushtarake, i tha New York Times në vitin 2023 se ai kishte udhëtuar në Ukrainë menjëherë pas pushtimit të Rusisë në vitin 2022 për të gjetur rekrutë ushtarakë mes ushtarëve afganë që kishin ikur nga talebanët.
Ai duket se ka qenë i përfshirë në përpjekjet e rekrutimit që në këtë verë, duke shkruar në Facebook në muajin korrik: “Ushtarë, ju lutem mos më telefononi. Ne jemi ende duke u përpjekur që Ukraina të pranojë ushtarë afganë dhe shpresojmë të kemi disa përgjigje në të ardhmen. Ju lutem kini durim.”
Routh ishte një person me precedent të theksuar kriminal. Sipas burimeve të CBS, Ryan Routh u akuzua dhe u dënua për vepra të shumta penale në Guilford County në Karolinën e Veriut midis viteve 2002 dhe 2010.
Veprat përfshijnë mbajtjen e një arme pa leje, rezistencë ndaj arrestimit nga një oficer policie, drejtimin e mjetit me patentë të hequr, posedimin e pasurisë së vjedhur.
Incidenti është zhvillimi i fundit tronditës në një vit fushate të shoqëruar me ngjarje të pashmebullta dhe ndodh pothuajse dy muaj pasi zoti Trump u qëllua gjatë një atentati në një tubim në Pensilvani dhe një plumb e plagosi në vesh.
Vetëm një javë më pas presidenti Joe Biden u tërhoq nga gara.
Në një email drejtuar mbështetësve të tij, zoti Trump tha: “Pati të shtëna armësh pranë (meje), por përpara se spekulimet ta dalin jashtë kontrollit, doja që të isha i pari që t’ju thoja: JAM I SIGURT DHE NË GJENDJE TË MIRË! Asgjë nuk do të më ngadalësojë. Nuk do të dorëzohem kurrë!” tha ish-presidenti.
Ish-Presidenti Trump ishte kthyer në Florida këtë fundjavë nga një udhëtim fushate në pjesën perëndimore të vendit, përfshirë një tubim të premten mbrëma në Las Vegas dhe një aktivitet për mbledhje fondesh në Utah.
Masat e sigurisë për kandidatin republikan janë shtuar pas atentatit ndaj tij në korrik.
Shtëpia e Bardhë tha se presidenti Joe Biden dhe Nënpresidentja Kamala Harris, kandidatja demokrate për presidente, ishin informuar për ngjarjen dhe do të vazhdojnë të marrin informacion për hetimin.
Shtëpia e Bardhë shtoi se ata ishin “të lehtësuar” që zoti Trump ishte jashtë rrezikut. Kandidatja demokrate për Presidente Harris, në një deklaratë tha se është “e kënaqur” që zoti Trump është mirë, duke shtuar se “dhuna nuk ka vend në Amerikë”.
Në një postim në platformën X, senatori republikan Lindsey Graham, një nga aleatët kryesorë të Kongresit të Trump, tha se kishte folur me ish-Presidentin Trump pas incidentit dhe se ai ishte “në humor të mirë” dhe e karakterizoi si “një nga njerëzit më të fortë që kam njohur ndonjëherë”./euronews/
Një varkë turistike është mbytur në ujërat e Egjiptit.
Sipas medieve të huaja, rreth 45 persona rezultojnë të zhdukur, 31 turistë dhe 14 anëtarë të ekuipazhit. Varka shoqëronte zhytësit në Detin e Kuq në Egjipt.
“Tridhjetë e një turistë të kombësive të ndryshme, së bashku me 14 anëtarë të ekuipazhit të një anijeje turistike që ishte në një lundrim afër bregut të Marsa Alam”, në Detin e Kuq në Egjipt, “janë të humbur”, shkruan “La Repubblica”.
Lajme nga bota
Trump planifikon largimin e ushtarëve transgjinorë nga trupat amerikane, do të firmosë urdhrin në ditët e parë të mandatit
Donald Trump pritet të nënshkruajë një urdhër ekzekutiv që do të largojë trupat ushtarakë transgjinorë nga forcat e armatosura amerikane që në ditët e tij të para në detyrë.
Presidenti i zgjedhur raportohet se po përgatitet të lëshojë një urdhër pas inaugurimit të tij më 20 janar, i cili në mënyrë efektive do të ndalonte personat trans që shërbejnë në ushtri – dhe më pas do të shkarkonte mijëra ushtarë trans, sipas The Times.
Në mandatin e tij të parë në detyrë, Trump deklaroi se SHBA-ja nuk do të “pranonte apo lejojë” më personat trans në ushtri, duke përmendur “kosto të jashtëzakonshme mjekësore dhe përçarje”, shkroi ai në 2017. Ndalimi hyri në fuqi në 2019.
Presidenti Joe Biden e ndryshoi atë politikë , e cila ishte objekt i disa padive. Tani, Trump pritet të anulojë menjëherë urdhrin e Biden dhe të shkojë më tej duke dëbuar trupat trans që aktualisht shërbejnë.
Veprimi ekzekutiv është midis një grumbulli urdhrash që presidenti i zgjedhur po planifikon të lëshojë sapo të rihyjë në Shtëpinë e Bardhë , duke përfshirë veprime gjithëpërfshirëse mbi emigracionin.balkanweb
Lajme nga bota
Netanjahu miraton në parim marrëveshjen e armëpushimit me Hezbollahun, CNN: Pakti s’do jetë final derisa të zgjidhen të gjitha çështjet
Kryeministri izraelit Benjamin Netanyahu miratoi “në parim” marrëveshjen e armëpushimit me Hezbollahun gjatë një konsultimi për sigurinë me zyrtarët izraelitë të dielën mbrëma, tha një burim i njohur me këtë çështje sipas CNN.
Këto dhe detaje të tjera janë ende duke u negociuar dhe burime të shumta theksuan se marrëveshja nuk do të jetë përfundimtare derisa të zgjidhen të gjitha çështjet.
Burime të njohura me negociatat thanë se bisedimet duket se po ecin pozitivisht drejt një marrëveshjeje, por gjithashtu pranuan se ndërsa Izraeli dhe Hezbollahu vazhdojnë të sulmojnë, duke shtuar se një hap i gabuar mund të përmbysë bisedimet.
Ditët e fundit, Hezbollahu ka shqyrtuar një propozim të mbështetur nga SHBA për një pauzë 60-ditore në luftime që disa shpresa mund të përbëjnë bazën e një armëpushimi të qëndrueshëm.
Izraeli nisi një ofensivë të madhe në Liban në mesin e shtatorit pas disa muajsh të sulmeve kufitare që filluan më 8 tetor të vitit të kaluar kur Hezbollahu sulmoi territorin e kontrolluar izraelit në solidaritet me Hamasin dhe palestinezët në Gaza.
Që atëherë, Izraeli ka nisur një pushtim tokësor, ka vrarë disa liderë të Hezbollahut, duke përfshirë një nga themeluesit e tij, Hassan Nasrallah.
Koncert madhështor në Kopenhagë me rastin e ditës së flamurit
ISHP: 51 raste të reja me HIV janë shënuar këtë vit
Studentët nuk kanë njohuri të mjaftueshme për infeksionet seksualisht të transmetueshme tha profesoresha në Shkollën e Mesme të Mjekësisë në ditën botrore të Sidës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve