Lajme nga vendi
Me grant nga BE-ja për kufij inteligjentë, do të përshpejtohet transporti dhe do të lehtësohet tregtia
Po intensifikohen aktivitetet për fillimin e Projektit për automatizimin e terminaleve në vendkalimet kufitare dhe rindërtimin e pikës kufitare Dellçevë me grant nga BE-ja në vlerë prej 4.2 milionë euro. Në fazën e parë do të punohet në automatizimin e terminaleve dhe kyçje në sistemin e ri për video mbikëqyrje, informojnë nga Drejtoria e doganave.
Kjo theksohet, përfshin zëvendësimin e plotë të peshoreve ekzistuese me peshore të reja digjitale, si dhe zëvendësimin e rampave ekzistuese me rampa të reja të automatizuara.
Në kuadër të Drejtorisë së doganave, shtojnë ata, në nivelin më të lartë janë prezantuar në detaje funksionet e sistemit, por dhe kompetencat e punonjësve në lidhje me përgjegjësinë e tyre.
“Nëse deri më tani një kamion në hyrje të një terminal doganor kufitar për peshim mbahej për më shumë se pesë minuta për t’u matur dhe hyrë të dhënat, me zbatimin e projektit pritet të mbahet për një minutë. Kjo do të përshpejtojë ndjeshëm transportin dhe do të lehtësojë tregtinë, veçanërisht në terminalet doganore më të ngarkuara kufitare ku peshohen deri në 500 kamionë në ditë”, u theksua gjatë prezantimit të përfitimeve të sistemit, potencojnë nga DD.
Sistemi siç theksojnë, në të ardhmen do të lidhet edhe me sisteme të tjera të Drejtorisë së doganave gjë që do të ndikojë edhe më tej në lehtësimin dhe përshpejtimin e formaliteteve doganore, ndërsa është diskutuar që të dhënat nga ajo mund të shikohen edhe nga MPB-ja, të gjitha me qëllim të veprimit të përbashkët në luftën kundër krimit dhe korrupsionit.
Djali i Dejan Jovanov Deko, pronarit të diskotekës ‘Pulse’ në Koçan, Mihail Jovanov ka ngritur padi private kundër tetë protestuesve për tragjedinë e zjarrit.
Siç raporton “TV24”, Jovanov, përmes një padie private, i padit demonstruesit për inventarin e shkatërruar në lokalin në pronësi të familjes Jovanov, pas protestës që u mbajt një ditë pas katastrofës në diskotekën e quajtur “diskoteka e vdekjes”, ku qytetarët shprehën revoltën e tyre.
Nga “Shoqata e qytetarëve 16 mars 2025” thonë se distancohen pa mëdyshje nga çdo formë dhune.
“Sa i përket ngjarjeve pas tragjedisë në Koçan, theksojmë se sipas të dhënave deri tani të disponueshme publikisht, nuk është konstatuar ekzistenca e veprës penale të dhunës, ndërsa procedurat që po zhvillohen aktualisht janë iniciuar mbi bazën e një padie private penale për dëme të pretenduara materiale”, thanë nga Shoqata.
Nga atje, theksuan se padia penale e Jovanovit, edhe pse nuk është e re dhe është një mekanizëm juridik, megjithatë hap shumë çështje serioze dhe paraqet presion shtesë për ta.
Nga shoqata theksuan se fakti që bëhet fjalë për një padi më të vjetër, e cila vetëm tani po aktualizohet në publik, edhe pse formalisht nuk ia ndryshon natyrën juridike, realisht ka ndikim të madh në perceptimin publik dhe përbën ngarkesë shtesë për familjet e viktimave.
Zjarri në Koçan shpërtheu natën e 15-16 marsit, duke rezultuar me 63 viktima dhe duke plagosur pothuajse 200 të tjerë.
“Transparency International” në Maqedoni ka publikuar raportin vjetor “Bistro-Matno”, i cili paraqet një përmbledhje të të gjitha dymbëdhjetë numrave mujorë të botuar gjatë vitit 2025 dhe ofron një pamje gjithëpërfshirëse të gjendjes së korrupsionit dhe luftës kundër tij në vend.
Raporti vlerëson se viti 2025 u shënua nga zjarri katastrofik në diskotekën “Pulse” në Koçan, i cili zbuloi praktika të rënda korruptive, dështime institucionale dhe një shmangie të plotë të sistemeve parandaluese.
Edhe pse hetimi dhe aktakuza u iniciuan brenda afatit ligjor, organizata paralajmëron se lufta e vërtetë për drejtësi do të zhvillohet ende në procedurat gjyqësore.
Përveç kësaj, aktakuza e ngritur kundër ish-kryetares së Komisionit Shtetëror për Parandalimin e Korrupsionit për zbulimin e sekreteve zyrtare ngriti seriozisht çështjen e besueshmërisë së këtij institucioni kyç. Ngjashëm, rasti i Onkologjisë dhe zbulimet e ndërhyrjeve të panevojshme kardiokirurgjikale tronditën besimin në sistemin e kujdesit shëndetësor, duke treguar dyshime për abuzime të motivuara nga fitimi.
Raporti thekson se Kodi i ri Penal nuk u miratua as në vitin 2025, gjë që, sipas “Transparency”, thellon më tej pasojat e ndryshimeve kontroverse të miratuara në vitin 2023 dhe ndikon negativisht në rastet e korrupsionit të profilit të lartë. Pothuajse çdo numër i “Bistro-Matno” theksohet gjithashtu raportet negative nga Enti Shtetëror i Auditimit, të cilat tregojnë dobësi sistemike në punën e institucioneve.
Këshilli i Prokurorëve Publik në seancën e sotme, me 10 vota “për”, zgjodhi Besir Aliun për shef të Prokurorisë Themelore në Tetovë. Aliu ka ushtruar këtë funksion edhe gjatë mandatit të kaluar, duke u zgjedhur për herë të parë në vitin 2020 nga Këshilli i Prokurorëve. Ai ka përvojë të gjerë në sistemin e drejtësisë, duke qenë gjithashtu anëtar i Këshillit Drejtues të Akademisë për Gjykatës dhe Prokurorë.
Djali i pronarit të ‘Pulse’ në Koçan i padit protestuesit
Transparency International: Rasti Koçani nxjerr në pah korrupsionin institucional
Besir Aliu rizgjidhet shef i Prokurorisë në Tetovë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
