Lajme nga bota
Fundosja e jahtit luksoz në Itali/ Gjendet trupi i pajetë i 18-vjeçares, vajzës së miliarderit britanik

ITALI- Trupi i pajetë i Hannah Lynch, vajzës 18-vjeçare të manjatit anglez Michael Lynch, e cila u zhduk pas fundosjes së jahtit luksoz Bayesian të hënën e kaluar, u gjet mëngjesin e së premtes. Vajza, personi i fundit i zhdukur u bllokua, si viktimat e tjera, brenda njërës prej kabinave, në një thellësi prej 50 metrash.
Siç raportohet Prokuroria Publike e Termini Imerese, e drejtuar nga Ambrogio Cartozio, po heton pse jahti luksoz Bayesian u fundos pranë portit të Porticello pak para orës 5 të mëngjesit të së hënës. Gjithashtu hetuesit po shqyrtojnë veprat penale të shkaktimit të një aksidenti dhe vrasje të shumëfishtë nga pakujdesia” ndaj personave të panjohur.
Prokurorët nesër në mëngjes do të mbajnë një konferencë për shtyp, ku pritet të zbardhin më shumë detaje rreth hetimit të tyre. Kujtojmë, në 24 orët e fundit, shkaku i fundosjes së jahtit të manjatit Michael Lynch, i cili është ndër të viktimat janë bërë objekt spekulimesh. Nga ekspertët janë paraqitur teori të ndryshme se çfarë e shkaktoi aksidentin tragjik, me CEO i kompanisë që e ndërtoi atë duke folur për gabime të shumta njerëzore.
Lajme nga bota
Trump këmbëngul në marrjen e Gazës: Ne do ta rindërtojmë atë

Duke folur për mediat mbrëmë, ai tha se është “i përkushtuar” të “blejë dhe zotërojë” enklavën e shkatërruar, e cila është rrafshuar pothuajse plotësisht nga bombardimet izraelite që nga sulmet e 7 tetorit 2023.
“Për sa kohë që ne e rindërtojmë atë, ne mund t’ua japim atë shteteve të tjera në Lindjen e Mesme për të ndërtuar pjesë tjera”, tha Trump.
“Por ne jemi të përkushtuar ta zotërojmë atë, ta marrim dhe të sigurohemi që Hamasi të mos kthehet”, shtoi ai.
“Vendi është rrënuar. Pjesa e mbetur do të shkatërrohet.”
Sipas Trumpit, vendet arabe do t’i pranonin palestinezët pasi të flisnin me të.
“Ata nuk duan të kthehen në Gaza. Nëse ne mund t’u japim atyre një shtëpi në një zonë më të sigurt – arsyeja e vetme që ata po flasin për kthimin në Gaza është se ata nuk kanë një alternativë”, tha Trump.
“Kur ata kanë një alternativë, ata nuk duan të kthehen në Gaza”, përfundoi presidenti amerikan.
Ndryshe, palestinezët e kanë hedhur poshtë në masë të madhe idenë.
Lajme nga bota
Trump nënshkruan urdhrin ekzekutiv që ndalon sportistët transgjinorë të marrin pjesë në sportet e femrave

Presidenti Donald Trump nënshkroi të mërkurën një urdhër ekzekutiv që synon të ndalojë sportistët transgjinorë që të marrin pjesë në sportet për femra.
Urdhri, i titulluar “Mbajtja e Burrave Jashtë Sporteve për Femra”, u jep agjencive federale liri të gjerë për të siguruar që subjektet që marrin fonde federale t’i përmbahen vendimit.
“Përmes këtij urdhri ekzekutiv, lufta kundër femrave në sport merr fund”, tha Presidenti Trump gjatë ceremonisë së nënshkrimit në Shtëpinë e Bardhë ku merrnin pjesë ligjvënës dhe sportiste femra që janë shprehur kundër pjesëmarrjes në sportet e tyre të transgjinorëve, përfshirë ish notaren e famshme Riley Gaines.
Zëdhënësja e Shtëpisë së Bardhë, Karoline Leavitt, tha se urdhri është në përputhje me ligjin federal që ndalon diskriminimin me bazë gjinore në programet që marrin fonde federale.
Ajo tha se urdhri kërkon “veprim të menjëhershëm, përfshirë veprimet për zbatimin e tij, ndaj shkollave dhe organizatave sportive” që nuk respektojnë sportet e femrave dhe dhomat e tyre të zhveshjes.
Nënshkrimi përkon me “Ditën Kombëtare të Vajzave dhe Grave në Sport” dhe është ndër urdhrat e fundit ekzekutiv të presidentit republikan që vë në objektiv transgjinorët.
Gjatë fushatës për Shtëpinë e Bardhë, zoti Trump gjeti se kjo çështje shtrihej përtej vijave partiake.
Më shumë se gjysma e të anketuarve nga “AP VoteCast” thanë se mbështetja për të drejtat transgjinore në qeveri dhe shoqëri i ka kaluar caqet.
Zoti Trump u zotua gjatë fushatës zgjedhore që të eliminonte, siç tha ai, “çmendurinë transgjinore”, por pa dhënë detaje.
Urdhri ekzekutiv ofron disa qartësi.
Ai autorizon Departamentin e Arsimit që të penalizojë shkollat që lejojnë pjesëmarrjen e transgjinorëve në sportet e femrave, duke thënë se kjo bie ndesh me ligjin federal për diskriminimin me bazë gjinore në shkolla.
Shkollat që shkelin urdhrin mund të humbasin fondet federale.
Zbatimi i urdhrit do të ketë përparësi për departamentin.
Drejtori në detyrë i Zyrës për të Drejtat Civile u tha punonjësve në një telefonatë javën e kaluar se hetimet e tyre duhet të përputhen me përparësitë e zotit Trump, thanë për Associated Press individë që ishin në telefonatë dhe që folën në kushte anonime.
Pas ardhjes së zotit Trump në Shtëpinë e Bardhë, departamenti hapi një hetim ndaj shkollave publike në qytetin e Denverit për tjetërsimin e banjave për vajzat në banje për të gjitha gjinitë, ndërsa një tjetër vetëm për djemtë.
Presidenti Trump lëshoi gjithashtu një paralajmërim për Komitetin Olimpik Ndërkombëtar përpara Lojërave Olimpike Verore 2028 në Los Anxhelos.
Ai tha se e kishte autorizuar Sekretarin e Shtetit, Marco Rubio që t’ia bënte të qartë komitetit olimpik se “Amerika e refuzon kategorikisht marrëzinë transgjinore.
Duam që ata të ndryshojnë gjithçka që ka të bëjë me Olimpiket dhe që ka të bëjë me këtë temë qesharake”.
Presidenti Trump tha gjithashtu se Drejtoresha e Sigurisë Kombëtare, Kristi Noem do të “mohojë çdo aplikim për vizë të bërë në mënyrë mashtruese nga burrat që përpiqen të hyjnë në Shtetet e Bashkuara, ndërkohë që identifikohen si sportiste femra në përpjekje për të marrë pjesë në lojëra”.
Deri në publikimin e lajmit nuk ka patur reagime nga organizatorët e lojërave olimpike.
Veprimtarë dhe organizata që mbrojnë të drejtat e transgjinorëve kanë ngritur padi kundër vendimeve të fundit të presidentit republikan.
Kritikët thonë se urdhrat ekzekutiv shkelin ligjet e miratuara nga Kongresi dhe tejkalojnë autoritetin e presidentit./VOA
Lajme nga bota
Rrëzohet helikopteri në Itali/ Tre të vdekur, mes tyre edhe një biznesmen i njohur

Një helikopter është rrëzuar në Castel Guelfo të Parmës.
Në bord ndodheshin tre persona, të cilët humbën jetën. Mes viktimave është 41-vjeçari Lorenzo Rovagnati, trashëgimtar i një familjeje të njohur.
Avioni u rrëzua brenda pronës së kështjellës Castelguelfo, një vilë mesjetare në komunën e Noceto.
Kalaja i përket familjes Rovagnati. Shkaqet e aksidentit janë duke u hetuar nga organet kompetente.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve