Lajme nga vendi
Deputetja dhe ish-ministrja e Mbrojtjes Sllavjanka Petrovska kërkoi nga MPB që ta mbrojë nga ndjekja dhe kërcënimet

Kërcënimet për jetën dhe fyerje në rrjetet sociale me pseudonim janë publikuar dje pasi ish-ministrja e Mbrojtjes, tash deputete e LSDM-së, Slavjanka Petrovska pyeti publikisht nëse vrasësit që qëlluan një person dy ditë më parë para “Mavrovasjas” në Shkup ishin kriminelë të rrezikshëm të liruar së fundmi nga burgu. Prandaj, ajo dje ka kërkuar nga Ministria e Punëve të Brendshme (MPB) që ta mbrojë nga ata që e ndjekin, e fotografojnë dhe e kërcënojnë, transmeton Portalb.mk.
Në rrjetin social X, dikur Twitter, u postuan foto të Petrovskës duke shëtitur qenin e saj pranë shtëpisë së saj me komente se herën tjetër do ta hidhnin nga shkallët.
Nga Drejtoria për Ekzekutimin e Sanksioneve dhe MPB-ja nuk i përgjigjen pyetjes së deputetes nëse vrasësit janë ata që janë liruar apo të arratisur nga burgu, për të cilët është lëshuar urdhër. Nuk është bërë e ditur se cilët janë vrasësit e shkupjanit, të cilët tentuan të vrasin edhe gruan e tij dhe të cilët pas vrasjes kanë qëlluar në drejtim të policëve gjatë arratisjes.
“Më fotografoni, më ndiqni dhe më kërcënoni. Më parë nuk më keni kritikuar për punën time, por më keni nënçmuar, fyer dhe shpifur. Por unë kritikova dhe do të vazhdoj. Është detyra ime. Duke qenë se është detyrë e Ministrisë së Punëve të Brendshme të kontrollojë se kush ndjek një deputet, deri pak kohë më parë ministre e Mbrojtjes, pra një grua teksa ajo është duke shëtitur kafshën e saj dhe mbi të gjitha poston foto në rrjetet sociale dhe e kërcënon”, iu drejtua mbrëmë ajo Ministrisë së Brendshme.
Petrovska, pas të shtënave të shpeshta në Shkup dhe në qytete të tjera, kryesisht në pjesën perëndimore të Maqedonisë, thotë se kryeqyteti nuk është i sigurt.
“Shkupi është qytet i pasigurt 7 muaj pasi Ministria e Punëve të Brendshme u mor nga DPMNE. Hristian, në vend që të më heshtin me presione të këtij lloji, përgjigjuni opinionit: A janë autorët e vrasjes së djeshme në mes të ditës në qendër të Shkupit dy kriminelë të dënuar të cilët në vend që të ishin në burg, ishin në liri dhe a është e vërtetë se është lëshuar një urdhër për ta para më shumë se 30 ditësh?”, pyet Petrovska kryeministrin dhe lideri i VMRO-DPMNE-së Hristijan Mickoski.
Ajo rikujton se përgjegjësinë për gjetjen dhe kthimin në burg e ka Ministria e Punëve të Brendshme.
“Po të ishin në burg, aty ku duhet të ishin, nuk do të kishin kryer vrasjen e djeshme. Pra, le të përsërisim pyetjen: A janë autorët e vrasjes së djeshme në mes të ditës, në qendër të Shkupit, dy kriminelë të dënuar, të cilët në vend që të ishin në burg, ishin të lirë dhe a është e vërtetë që për ta është lëshuar fletarrest për më shumë se 30 ditë më parë?”, pyet ajo me këmbëngulje.
“Do të dorëzoj denoncim në MPB dhe të shohim se çfarë qasje do të kenë MPB-ja-VMRO-ja në rast se po më ndjekin dhe më kërcënojnë”, tha deputetja Petrovska.
Ndryshe, më 20 gusht, gjatë orëve të para të mëngjesit ishte gjetur një trup i pajetë në parkingun pranë qendrës tregtare “Mavrovasja” në qendër të Shkupit.
Viktima është Vasil E. Ai thuhet se ishte me anëtarët e familjes për të kryer punët private aty pranë. Dëshmitarët okularë thonë se sulmuesit qëlluan viktimën, morën sende nga makina e tij, duke përfshirë një laptop-kompjuter dhe më pas u larguan me vrap. Si motiv po përmendet një formë zhvatjeje, megjithëse hetimet janë ende në një fazë shumë të hershme.
Për rastin u arrestua një person, ndërsa një tjetër u vetë-dorëzua në polici.
Lajme nga vendi
Interpelancë kundër anëtarëve të Këshillit Gjyqësor, seanca mund të mbahet në fillim të muajit mars

Pasi të premten grupi i deputetëve të VMRO-DPMNE-së, VLEN dhe ZNAM dorëzuan interpelancë kundër anëtarëve të Këshillit Gjyqësor, kryetari i Kuvendit Afrim Gashi duhet t’i informojë për procedurën. Në afat prej 10 ditëve duhet të merr përgjigje nëse do të duan të prononcohen lidhur me interpelancën. Më pas Gashi do të duhet të caktojë seancë ku do të diskutohet për këto pika. Pritshmëritë janë se seanca mund të mbahet diku në fillim të muajit mars. Por edhe nëse interpelancat votohen, pesë anëtarët nuk do të thotë se do të shkarkohen. Largimi i tyre varet nga vullneti i tyre. Bëhet fjalë për Vesna Damevën, Pavlina Crvenkovska, Selim Ademi, Milazim Mustafa dhe Tanja Çaçarova-Ilievska. Për Arben Taravarin nga VLEN, reformat në gjyqësor janë të domosdoshme nëse duam rritje të besueshmërisë.
“Përderisa ka besueshmëri në gjykatë prej 2-3% , nënkupton automatikisht se kemi nevojë për reforma në gjykatë dhe prokurori. Këto ndryshime, pa i bërë reformat në Këshillin Gjyqësor dhe të Prokurorisë, nuk mund të bëhen. Prandaj mendoj se është e domosdoshme, nëse duam reforma. Nëse e duam status quo-n atëherë rrimë kështu dhe nuk ndryshojmë asgjë, por nëse nuk ndryshojmë asgjë, besueshmëria nuk do të rritet. Problemi kryesor i funksionimit të gjykatave dhe Prokurorisë, unë mendoj se është në këshillat e prokurorisë dhe gjykatave”, deklaroi Arben Taravari – ASH/VLEN. /Alsat.mk
Lajme nga vendi
MMJPH: Njoftim për rregulloren e re të Bashkimit Evropian mbi dërgesat e mbeturinave

Ministria e Mjedisit Jetësor dhe Planifikimit Hapësinor bën informon se Bashkimi Evropian ka miratuar një Rregullore të re (BE) 2024/1157 të Parlamentit Evropian dhe të Këshillit të datës 11 Prill 2024 për dërgesat e mbeturinave (importi, eksporti dhe tranziti i mbeturinave), e cila ka hyrë në fuqi më 20 maj 2024 dhe e cila ndryshon Rregulloren (BE) Nr. 1257/2013 dhe (BE) 2020/1056 dhe shfuqizon Rregulloren (EC) Nr. 1013/2006.
Qëllimi i Rregullores së re është të përforcojë zbatimin e legjislacionit në drejtim të parandalimit të eksporteve të paligjshme të mbeturinave nga shtetet anëtare të BE-së dhe në vendet e treta, si dhe për të siguruar menaxhim të shëndoshë ekologjik të dërgesave të mbeturinave brenda dhe jashtë BE-së.
Rregullorja vendos rregulla të reja për import/eksport/transit të mbeturinave edhe për vendet që nuk janë anëtare të Organizatës për Bashkëpunim Ekonomik dhe Zhvillim (OECD), grupit të cilit i përket Republika e Maqedonisë së Veriut.
Duke filluar nga data 21 maj 2027, Bashkimi Evropian prezanton rregulla më të rrepta për eksportin e mbeturinave jo të rrezikshme. Gjegjësisht, eksporti i mbeturinave jo të rrezikshme, ose të njohura si mbeturinat e “listës së gjelbër”, përgjithësisht do të ndalohet në vendet që nuk janë anëtare të OECD. Përjashtim nga ky rregull do të bënin vendet që, megjithëse nuk janë anëtare të OECD-së, kanë kapacitete që plotësojnë kërkesat e mbrojtjes së mjedisit për përpunimin e këtyre mbeturinave. Përkatësisht, të gjitha vendet që dëshirojnë të importojnë mbeturina jo të rrezikshme nga BE-ja, duhet të njoftojnë Komisionin Evropian për gatishmërinë e tyre dhe të konfirmojnë aftësinë e tyre për të menaxhuar mbeturinat në një mënyrë të shëndoshë ekologjike në përputhje me rregullat e legjislacionit të BE-së.
Megjithëse Rregullorja e re ka hyrë në fuqi më 20 maj 2024, shumica e dispozitave do të zbatohen nga 21 maj 2026 dhe shumica e rregullave të eksportit do të zbatohen nga 21 maj 2027.
Sipas rregullores, duke filluar nga 21 nëntor 2026, do të ndalohet plotësisht eksporti i mbeturinave plastike deri më 21 maj 2029, duke përfshirë mbeturinat plastike jo të rrezikshme (B3011). B3011 është një kod specifik mbeturinash sipas Konventës së Bazelit që klasifikon lloje të caktuara të mbeturinave plastike për riciklim [2].
Pas kësaj periudhe (21 maj 2029), vendet jo anëtare të OECD-së të interesuara për importimin e meturinave plastike do të ftohen të njoftojnë Komisionin Evropian dhe të demonstrojnë kapacitetin e tyre për të menaxhuar këto meturina në një mënyrë të shëndoshë ekologjike, në mënyrë që të përfshihen në listën e vendeve jo anëtare të OECD-së në të cilat meturinat plastike mund të eksportohen nga BE-ja. Kjo Kërkesë për Import të Meturinave Plastike nga BE-ja do të jetë në gjendje të mbulojë vetëm meturinat plastike jo të rrezikshme (B3011).
Në kuadër të asaj që u cek më sipër, në përputhje me Rregulloren e re, për të mundësuar importimin e mbeturinave nga BE-ja, Ministria e Mjedisit Jetësor dhe Planifikimit Hapësinor e Republikës së Maqedonisë së Veriut, si organ kompetent për importin, eksportin dhe transitin e mbeturinave, e ka plotësuar Kërkesën që është pjesë e Shtojcës 8, e cila është pjesë përbërëse e Rregullores së re, në bashkëpunim me Inspektoratin Shtetëror të Mjedisit, Drejtorinë doganore të Republikës së Maqedonisë së Veriut dhe Ministrinë e Ekonomisë dhe Punës dhe përgatitet (përmes procedurës së Qeverisë) që ta dorëzojnë në Komisionin Evropian jo më vonë se 20 shkurt 2025 (siç kërkohet nga Komisioni Evropian). Në bazë të kësaj kërkese, Komisioni Evropian do të vendos nëse Republika e Maqedonisë së Veriut i plotëson kushtet për menaxhimin e mbeturinave dhe në varësi të kësaj do të vendos nëse vendi do të jetë pjesë e Listës së vendeve që do të mund të importojnë mbeturina nga BE-ja.
Llojet e mbeturinave jo të rrezikshme për të cilat Republika e Maqedonisë së Veriut do të kërkojë që të lejohet importi nga BE-ja janë dhënë në tabelën 1. Tabela është përgatitur në bazë të të dhënave për importet e mbeturinave në vend për vitet e kaluara, të disponueshme për Ministrinë e Mjedisit Jetësor dhe Planifikimit Hapësinor.
Таbela 1. Lista e mbeturinave të mbuluara nga kërkesa
Përshkrimi i mbeturinave jo të rrezikshme ose përzierjeve të mbeturinave jo të rrezikshme |
Kodi i identifikimit të mbeturinave *
|
Për mbeturinat nuk duhet të zbatohet procedura për njoftim paraprak me shkrim dhe leje, ndërsa pëlqimi për import do të lëshohet i shoqëruar me Shtojcën 7 të Rregullores për import, eksport dhe transit të mbeturinave (“Gazeta Zyrtare e Republikës së Maqedonisë” nr. 107/16). |
|
Mbeturinat nga gdhendja dhe dhe bluarja e metaleve me ngjyra |
12 01 01 |
Mbeturinat nga gdhendja dhe dhe bluarja e metaleve me ngjyra |
12 01 02 |
Metalet pa ngjyra |
16 01 17 |
Alumini |
17 04 02 |
Plumbi |
17 04 03 |
Zinku |
17 04 04 |
Hekuri dhe çeliku |
17 04 05 |
Kallaj |
17 04 06 |
Mbeturinat prej hekuri dhe çeliku |
19 10 01 |
Mbeturinat e metaleve pa ngjyra |
19 10 02 |
Mbeturinat e metaleve me ngjyra |
19 12 01 |
Metalet pa ngjyra |
19 12 02 |
Metalet me ngjyra |
19 12 03 |
Metalet |
20 01 40 |
Paketim letre dhe kartoni |
15 01 01 |
Yndyrë dhe vaj gatimi |
20 01 25 |
Qelqi |
20 01 02 |
Paketimi nga metali |
15 01 04 |
Lajme nga vendi
Sfida në “TikTok” me paracetamol, Taravari: Nuk kam informacione që ka raste në Maqedoni, çdo ilaç ka efekte anësore

Për sfidën në “Tiktok” ku të rinjtë përdorin paracetamol, ministri i Shëndetësisë, Arben Taravari tha se nuk ka informacione të tilla nga Toksikologjia. Taravari tha se duhet të ndërpriten ilaçet se përveç se ndihmojnë, ata kanë edhe efekte anësore.
“Deri tash prej klinikës së Toksikologjisë nuk kam informatë të tillë. Mendoj se duhet të ndërpritet se çdo ilaç është toksik, përveç që ndihmon ka edhe efekte anësore, nuk kam informata se është paraqitur ndonjë rast prej këtyre të rinjve që përdorin doza të paracetamolit”, tha Taravari.
Taravari foli edhe për stacionin e kompresorit në Qendrën Klinike “Nënë Tereza”, nga i cili varen të gjitha operacionet në klinikat kirurgjikale, i cili zëvendësuar me një të ri pas 9 muajsh prishje. Vetëm një kompani ka aplikuar për tender dhe ka përfunduar punën brenda afatit të përcaktuar.
Ministri i Shëndetësisë Arben Taravari thotë se stacioni i kompresorit tashmë është në funksion, ka 3 kompresorë të rinj, një instalim të ri dhe kompresori i vjetër do të jetë ende në përdorim për zëvendësim, nëse do të krijohet ndonjë situatë e pafavorshme.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve