Rusia vendos të dëbojë 6 diplomatë britanikë. Shërbimi Federal i Sigurisë i Rusisë akuzoi diplomatët për spiunazh dhe akte sabotimi.

Televizioni shtetëror rus tha në një raport se gjashtë diplomatët ishin takuar me media të pavarura dhe grupe të të drejtave që janë shpallur “agjentë të huaj”, një emërtim që autoritetet ruse e kanë përdorur në mënyrë aktive kundër organizatave dhe individëve kritikë ndaj Kremlinit. Shërbimi Federal i Sigurisë paralajmëroi për veprime të mëtejshme nëse zbulohen veprime të ngjashme nga punonjësit e misionit diplomatik britanik.

Vendimi për dëbimin e diplomatëve britanikë vjen pasi kryeministri Keir Starmer viziton Uashingtonin për bisedime me Presidentin Joe Biden. Ai do të diskutojë me Kreun e Shtëpisë së Bardhë kërkesën e Ukrainës për të përdorur armë të furnizuara nga perëndimi kundër objektivave brenda Rusisë.

Dëbimi i diplomatëve perëndimorë që punojnë në Rusi dhe anasjelltas janë bërë një fenomen gjithnjë e më shumë i zakonshëm që kur Rusia  sulmoi Ukrainën në Shkurt 2022.

Benjamin Spencer, i dënuar padrejtësisht nga një gjykatë në Teksas, çka bëri që ai të kalonte 34 vite burg për një vrasje në vitet 1980, u shpall të enjten, i pafajshëm. Ai tha se megjithëse nuk mund ta kthente kohën pas, ishte i lumtur e do të bënte përpara. “Jam i emocionuar që më në fund kjo ditë erdhi”, tha zoti Spencer, tashmë 59 vjeç. Një gjykatës i qarkut të Dallasit miratoi një mocion nga zyra e prokurorit të qarkut për të hedhur poshtë një akuzë kundër zotit Spencer, për grabitje të rëndë. Ai u dënua fillimisht për vrasjen e Jeffrey Young në vitin 1987, gjatë grabitjes së makinës së tij.

“Është një ditë e mirë”, tha avokatja mbrojtëse, Cheryl Wattley, e cila ka punuar me çështjen e zotit Spencer prej më shumë se 20 vitesh. “Po përpiqem shumë të mos qaj”, tha ajo më tej. Zonja Wattley vlerësoi Prokurorin e Qarkut Dallas, John Creuzot, që e trajtoi çështjen me seriozitet. Zoti Creuzot tha se ai ishte “i lehtësuar dhe se kishte vepruar me përulësi për të ndihmuar në korrigjimin e kësaj padrejtësie”, siç tha ai.

Dëshmitarët e prokurorisë, përfshirë një informator që ndodhej në burg e që po kërkonte ulje dënimi, kishin dhënë dëshmi të rreme, tha zoti Creuzot. Ai shtoi se prokurorët në atë kohë nuk i kishin dhënë mbrojtjes prova që e përjashtonin zotin Spencer nga krimi, përfshirë gjurmë gishtërinjsh. Ndihmësprokurorja e qarkut, Cynthia Garza, e cila drejton Njësinë e Integritetit të Dënimit tha se: “nuk ekziston asnjë provë e besueshme ose fizike që ai të ishte përfshirë në ndonjë mënyrë në kryerjen e krimit”.

Një burrë nga Massachusetts fitoi një xhekpot prej 2.64 milionë dollarësh në lotari pasi përdori të njëjtin grup numrash – ish-numrin e telefonit të gruas së tij – për të luajtur Megabucks për 30 vjet.

Banori i Leicester, Kevin Connor u tha zyrtarëve të Lotarisë Shtetërore të Massachusetts se bileta e Megabucks që ai bleu për shortin e së shtunës mbante të njëjtat numra që ai ka luajtur për 30 vjet.

Ai tha se disa nga shifrat ishin numri fiks i gruas së tij kur ata filluan të takoheshin, raporton upi.com.

Connor tha se mësoi për fatin e tij gjatë vizitës në Maine me familjen e tij.

“U zgjova të dielën në mëngjes, mora telefonin tim, shkova menjëherë te aplikacioni. Pasi u kyça pash që kisha fituar, por nuk besova deri sa u sigurova”, tha ai.

Advertisement

Connor tha se fitimet do të shkojnë drejt arsimimit të fëmijëve të tij ndërsa për vete do të blen çorape të reja.