Është konfirmuar rasti i parë në Kosovë me virusin “Ethet e Nilit”.
Kështu ka konfirmuar Drejtori i Klinikës Infektive në QKUK, Arben Vishaj, i cili nuk dha shume detaje për këtë rast.
“E kemi një rast ama nuk është diçka shqetësuese. Është një rast që e kemi konfirmuar me virusin VNP”, i tha Vishaj lajmi.net.
Ndërkaq Ethet e Nilit Perëndimor është një sëmundje infektive që shkaktohet nga virusi i Nilit Perëndimor, i cili përhapet kryesisht përmes pickimeve të mushkonjave të infektuara.
Ky virus në Shqipëri është rikthyer pas 13 viteve dhe deri më tani bilanci i të vdekurve ka shkuar në tre persona.
Ministrja e Shëndetësisë, Albana Koçiu, ka reaguar për situatën e krijuar në Shqipëri për shkak të përhapjes së virusit të “Nilit Perëndimor”.
Madje nga kjo Ministri kanë treguar edhe simptomat që shfaqen në rast të infektimit me “Ethet e Nilit”.
Duhet përkujtuar që viruse të ngjashme kanë ndikim tejet të madh në gjithë vendin. E ngjashme ishte edhe situata e virusit COVID-19 që si fillim ishte përhapur si një virus i thjesht, por më pas u aktivizua në një pandemi tejet shqetësuese e të rrezikshme për gjithë botën.
Në lidhje me virusin e njohur si “Ethet e Nilit”, lajmi.net ka kontaktuar edhe Institutin Kombëtar të Shëndetësisë Publike, por këta të fundit nuk janë përgjigjur për të dhënë detaje shtesë.
Simptomat:
80% e njerëzve të infektuar nuk shfaqin simptoma fare.
20% e rasteve shfaqin simptoma të lehta deri mesatare, të ngjashme me gripin, si:
Ethe,Dhimbje koke,Lodhje,Dhimbje trupi,Dhimbje të kyçeve,Vjellje,Dhimbje në sy
Rrash (skuqje e lëkurës) Rreth 1% e rasteve zhvillojnë forma të rënda të sëmundjes, që mund të përfshijnë: Encefalit (inflamacion i trurit) Meningjit (inflamacion i membranave rreth trurit dhe palcës kurrizore) Paralizë
Disa raste mund të jenë fatale, sidomos tek personat e moshuar apo ata me sistem imunitar të dobësuar.
Parandalimi i sëmundjes përfshin shmangien e pickimeve nga mushkonjat përmes përdorimit të repelentëve, mbajtjes së rrobave mbrojtëse dhe eliminimit të vendeve ku mushkonjat mund të shumohen (ujëra të ndenjur).
Ethet e Nilit Perëndimor janë të zakonshme në rajone të ndryshme të botës, përfshirë Afrikën, Evropën, Lindjen e Mesme dhe Amerikën e Veriut.
Presidentja e Kosovës, Vjosa Osmani, ka pranuar dje çmimin M100 Media Award, çmim që u jepet personaliteteve që janë të përkushtuar për forcimin e demokracisë, sundimin e ligjit, lirisë së shprehjes, lirisë së shtypit dhe mbrojtjes së vlerave europiane.
Për këtë çmim, Rohde ka shkruar se i thekson pritshmëritë e forta për angazhim të vazhdueshëm në ruajtjen e lirisë së medias.
Policia e Kosovës ka konfirmuar nisjen e një hetimi lidhur me pamfletet kërcënuese të shpërndara në veri të vendit.
Sipas konfirmimit të zëvendësdrejtorit të policisë për veriun, Veton Elshani, pamfletet kanë përmbajtje urrejtjeje dhe janë identifikuar në disa lokacione në veri.
Rasti është iniciuar nga Prokuroria Speciale si “Nxitje e urrejtjes dhe përçarjes”.
Elshani për Dukagjinin, ka theksuar se, për momentin, nuk ka të dyshuar ose të arrestuar në lidhje me këtë rast.
Këto pamflete me mbishkrime kërcënuese raportohet se janë shfaqur mbrëmjen e së enjtes në veri të vendit, një ditë pas aktakuzës së Prokurorisë Speciale për rastin e Banjskës.
“Të gjithë jemi Milana dhe vëllezër nga Banjska, ju okupatorë në ne zgjoni egërsinë, ju presim në veri”, thuhet në pamfletet e vendosura në veri sipas raportimeve.
Përveç kësaj, krahas fotografive të publikuara bëhet thirrje edhe që ushtria serbe të kthehet në Kosovë.
Fotografitë ku shihen pamflete të tilla janë postuar në rrjetin social Telegram, nga kanali serb “Koridor”.
Po ashtu, këto pamflete vijnë edhe pas paralajmërimeve të presidentit të Serbisë, Aleksandër Vuçiq për “masa serioze” ndaj Kosovës brenda 72-orësh.
Prokuroria Speciale dy ditë më parë ka ngritur aktakuzë ndaj rastit terrorist të Banjskës. Në këtë rast të përfshirë janë 45 serbë, në mesin e tyre kryekrimineli Millan Radojoçiq.
Policia e Kosovës ka kërkuar ndihmën e qytetarëve për arrestimin e një gruaje.
Në kërkesën e Policisë nuk tregohet emri i saj e as vepra për të cilën është shpallur në kërkim.
“Policia e Kosovës, respektivisht stacioni policor Qendra në Prishtinë, paraqet para jush fotografinë e të dyshuarës së shpallur në kërkim.
I bëjmë thirrje kujtdo që ka informacion për vendndodhjen e kësaj të dyshuare, të kontaktojë menjëherë Policinë e Kosovës ose të raportoj në mënyrë anonime përmes aplikacionit lajmëro policinë.
Bashkëpunimi juaj është thelbësor për të na ndihmuar të garantojmë sigurinë brenda komunitetit tonë për një shoqëri pa krim”, thuhet në njoftim.
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
