Connect with us

Lajme nga vendi

Pas debatit në komision ribalanci i buxhetit shkon në seancë plenare

Published

on

Ribalanci i buxhetit e kaloi Komisionin kuvendor për financim dhe buxhet, pas çka duhet të marrë mbështetje në seancë plenare, e cila mund të zgjasë më së shumti tri ditë. Debati i përgjithshëm në Komision për ribalancin zgjati tri ditë, ndërsa ai për amandamentet përfundoi dje.

Për ribalancin deputetët parashtruan gjithsej 58 amandamente, një pjesë të tyre i tërhoqën, të tjerët ishin refuzuar. U pranuan vetëm dy amandamente – për pagesë të administratorëve dhe për reklamim politik të cilët ishin përfshirë në zbatimin e zgjedhjeve të këtij viti, të cilët i parashtruan deputetët Bojan Stojanoski dhe Dafina Stojanoska nga VMRO-DPMNE pak para përfundimit të seancës.

Stojanoski me amandamentin kërkoi 318 milionë denarë për administratën e zgjedhjeve, ndërsa Stojanoska 32,169 milionë denarë për reklamim të paguar politik.

Zëvendësministri i Financave, Nikollçe Jankullovski tha se dy amandamente janë të pranueshme, sepse, sqaroi, bëhet fjalë për pagesë të detyrimeve ligjore.

Sipas deputetëve të Frontit Evropian ribalanci i buxhetit është jolegjitim, joreal, selektues dhe populist, për çka paralajmëruan se nuk do ta mbështesin.

Advertisement

Grupi parlamentar i VMRO-DPMNE-së planifikon që ribalanci i buxhetit për vitin 2024 të miratohet në javën e dytë të gushtit, pas çka, siç thotë deputeti Boban Stojanovski, do të fillojë konsolidimi i situatave të gjetura.

Ministrja e Financave, Gordana Dimitrovska – Koçoska duke e sqaruar ribalancin e Komisionit në kuvend, theksoi se është krijuar në bazë të gjendjes së gjetur në Buxhet. Siç tha Dimitrievska – Koçoska, janë siguruar mjete për gjithçka që duhet të paguhet në bazë të ligjit.

Me Propozimin për ndryshimin dhe plotësimin e Buxhetit për vitin 2024 të ardhurat e përgjithshme janë planifikuar në 318,2 miliardë denarë, shpenzimet në 362,8 miliardë denarë. Rritja e PBB-së është projektuar në 2,1 për qind, inflacioni në nivel prej 3,5 për qind, ndërsa deficiti i buxhetit në 4,9 për qind.

Advertisement

Lajme nga vendi

“Drejtoria e Doganave në Maqedoni ka nevojë për punësime të reja, sidomos të kuadrit me shkollë të mesme”

Published

on

-Unë dua të mbështetem te përvoja e të moshuarve, por te energjia e të rinjve, tha në Daily Click në TV21 drejtori i Doganave, Boban Nikollovski. Ai thotë se Drejtoria e Doganave ka nevojë për punësime të reja, sidomos të kuadrit me shkollë të mesme.

“Realisht kemi nevojë. Besoni ose jo, kemi nevojë. Besoni ose jo, kemi nevojë për kuadër me shkollë të mesme. Janë të nevojshëm në sektorë të caktuar, ta mbushim. “IKTS” sektori duhet të mbushet, laboratori duhet të mbushet me kuadro, sepse diku 47 vjet është mesatarja në Doganë”, tha mes tjerash në TV21 drejtori Boban Nikollovski.

Continue Reading

Lajme nga vendi

Andonovski: Sulme hibride do të ketë, me rëndësi është si do të përgjigjen institucionet

Published

on

Ministri i Transformimit Digjital, Stefan Andonovski deklaroi se janë kërcënime hibride porositë përmes postës elektronike që të premten i morën shkollat me paralajmërime për mjete të vendosura shpërthyese, për të cilat u konstatua se janë paraqitje të rrejshme pas kontrolleve nga policia.

“Dallimi nga më parë është që menjëherë, që në mëngjes, u dëgjuam me ministren (e Arsimit), organizuam me ministrin e Punëve të Brendshme në grup pune ad hok i cili i shqyrtoi problemet me të cilat përballet sistemi, zhvilluam disa metodologji të cilat duhet të ndiqen në periudhën e ardhshme për preventivë në afat më të gjatë”, deklaroi Andonovski gjatë vizitës në SHF “Dimitar Makedonski” me rastin e shënimit të Ditës së internetit të sigurt.

Theksoi se MPB, MASH dhe komunat vepruan “në mënyrë shumë adekuate gjatë ditës”, se janë zgjidhur pasojat dhe se tani po punohet edhe në shkaqet “përse po na ndodhë kjo”.

“Sulme hibride do të ketë, sulme ndaj infrastrukturës sonë kibernetike do të vazhdojnë, por është shumë me rëndësi se si institucionet do të prëgjigjen, ndrësa tani prëgjigjen në mënyrë sistematike edhe në bashkëpunim me njëra-tjetrën. Qëndrojmë në dispozicion për t’u ndihmuar Ministrisë së Arsimit dhe Shkencës dhe të gjitha institucioneve të tjera nëse edhe më tej paraqiten probleme të këtilla”, tha Andonovski duke u përjgigjur në pyetje të gazetarëve.

Continue Reading

Lajme nga vendi

Interpelancë kundër anëtarëve të Këshillit Gjyqësor, seanca mund të mbahet në fillim të muajit mars

Published

on

Pasi të premten grupi i deputetëve të VMRO-DPMNE-së, VLEN dhe ZNAM dorëzuan interpelancë kundër anëtarëve të Këshillit Gjyqësor, kryetari i Kuvendit Afrim Gashi duhet t’i informojë për procedurën. Në afat prej 10 ditëve duhet të merr përgjigje nëse do të duan të prononcohen lidhur me interpelancën. Më pas Gashi do të duhet të caktojë seancë ku do të diskutohet për këto pika. Pritshmëritë janë se seanca mund të mbahet diku në fillim të muajit mars. Por edhe nëse interpelancat votohen, pesë anëtarët nuk do të thotë se do të shkarkohen. Largimi i tyre varet nga vullneti i tyre. Bëhet fjalë për Vesna Damevën, Pavlina Crvenkovska, Selim Ademi, Milazim Mustafa dhe Tanja Çaçarova-Ilievska. Për Arben Taravarin nga VLEN, reformat në gjyqësor janë të domosdoshme nëse duam rritje të besueshmërisë.

“Përderisa ka besueshmëri në gjykatë prej 2-3% , nënkupton automatikisht se kemi nevojë për reforma në gjykatë dhe prokurori. Këto ndryshime, pa i bërë reformat në Këshillin Gjyqësor dhe të Prokurorisë, nuk mund të bëhen. Prandaj mendoj se është e domosdoshme, nëse duam reforma. Nëse e duam status quo-n atëherë rrimë kështu dhe nuk ndryshojmë asgjë, por nëse nuk ndryshojmë asgjë, besueshmëria nuk do të rritet. Problemi kryesor i funksionimit të gjykatave dhe Prokurorisë, unë mendoj se është në këshillat e prokurorisë dhe gjykatave”, deklaroi Arben Taravari – ASH/VLEN. /Alsat.mk

Continue Reading

Më të lexuarat