Connect with us

Lajme nga vendi

Deputetët e partisë E majta kanë dorëzuar interpelancë për punën e kryetarit të Kuvendit, Gashi

Published

on

Grupi parlamentar i partisë E majta sot në Parlament dorëzoi interpelancë për punën e kryetarit të Kuvendit, Afrim Gashi për shkak se “po vendos politika joparimore në Kuvend”.

Bazohet në shtatë pika, të sqaruara në dhjetë faqe. Kryetari i partisë E majta, Dimitar Apasiev në konferencë për media tha se pret që kryetari i Kuvendit, Gashi, ta vendosë në rend dite në seancë pas pushimit veror, gjegjësisht në fillim të shtatorit, në mbledhjen e parë të ardhshme pasi të kalojnë 10 ditë pune.

Dy pikat e para kanë të bëjnë me shkeljen e laicitetit të shtetit me lutjen grupore në Kuvend të cilën e ka bërë Gashi dhe shkeljen e rregullave diplomatike për sigurimin e personaliteteve VIP me incidentin në Aeroportin e Shkupit para pesë ditëve në të cilën mori pjesë shefi i sigurimit të Gashit.

Lidhur me lutjen grupore Apasievi tha se është “diçka pa precedent në historinë e Kuvendit maqedonas”, është shkelur neni 19 dhe amandamenti 7 i Kushtetutës së Republikës së Maqedonisë, është shkelur praktika gjyqësore e Gjykatës Kushtetuese dhe ligji i veçantë për pozitën juridike të kishës, bashkësisë fetare dhe grupit religjioz.

“Baza e dytë mbi të cilën parashtrojmë interpelancën është shkelje e rregullave diplomatike për sigurimin e personaliteteve VIP, ndërsa ai është rasti aktual kur shefi i sigurimit të kryetarit të Kuvendit të Maqedonisë ka marrë pjesë në një skandal praktikisht diplomatik në Aeroportin Ndërkombëtar në Shkup dhe kryeparlamentari Gashi pranoi publikisht se ai personalisht ka dhënë urdhër për ndërhyrjen e tij në një zonë të palejuar”, tha Apasiev.

Advertisement

Arsyet e kërkesës për shkarkimin e Gashit nga funksioni i tij, sipas partisë E majta, janë edhe shkelje e përdorimit të gjuhës maqedonase sepse Gashi, siç tha Apasievi, “me vetëdije e shtyp gjuhën maqedonase dhe shkrimin e saj cirilik dhe fut dygjuhësi të paligjshme edhe për deputetët të cilët janë maqedonas”, pastaj shkelje e rregullave për përdorimin e shenjave shtetërore me faktin se në sallën plenare, në kundërshtim me ligjin, “ilegalisht qëndrojnë dy flamuj të tjerë, d.m.th. flamuri i NATO-s dhe flamuri i BE-së ku ne nuk jemi ende anëtarë”.

Është shkelur, tha, edhe parimi i papajtueshmërisë së funksioneve, gjegjësisht i bëjnë thirrje për përgjegjësi politike Gashit sepse nuk ka konstatuar ndërprerje të mandatit të deputetit të sapozgjedhur Talat Xhaferi “i cili ilegalisht i kryente funksionet kryeministër dhe deputet”.

“Baza e gjashtë është shkelje e dispozitave ligjore dhe etike për antinepotizmin. Besojmë se me faktin që bashkëshortja e Gashit ka udhëtuar me të në Uashington është shkelur Ligji për Parandalimin e Korrupsionit dhe është bërë shkelje e rëndë disiplinore e kodit të etikës për deputetët…dhe baza e fundit është shkelje e një serie të dispozitave procedurale për punën normale të deputetëve për shkak se nuk respektohen afatet imperative për caktimin e seancave, sepse praktika e keqe e ligjeve të kontrabandës me procedura të shkurtuara vazhdon dhe për shkak se nuk janë siguruar një sërë garancish operacionale për funksionimin normal të deputetëve”, njoftoi Apasiev.

Lideri i partisë E majta tha se pret që deputetët ta votojnë interpelancën e tyre për punën e Gashit me atë që do ta thirrnin në përgjegjësi politike.

“Edhe një herë e themi thirrjen tonë publike ndaj DPMNE-së se qëndrojmë në dispozicion për zgjedhjen e njeriut të ri nga grupi i tyre parlamentar, mbështetje blanko, vetëm që të ndërrohet spikeri Gashi i cili vendos politika joparimore në Kuvend”, tha Apasiev.koha.mk

Advertisement
Advertisement

Lajme nga vendi

Snopçe apel BDI-së: pastroni rrugën tuaj është në interesin e të gjithëve 

Published

on

Deputeti i koalicionit VLEN, nga radhët e ASH-së, sot nga foltorja e Kuvendit ka drejtuar një apel partisë opozitare shqiptare, BDI-së, nga ku ka kërkuar që të vazhdojnë me reformim. Sipas Snopçes reformimi i BDI-së është në interesin e përgjithshëm. “Apeli im ndaj BDI-së për tu reformuar. Vetëm reformimi prej së vërteti është në interes të popullit. Vërtetë që keni pasur shumë goditje kohët e fundit. Goditjet do të vazhdojnë sepse duhet dhënë llogari edhe për të bëmat, por edhe për të pabëmat që duhej të kishit bërë. Duhet të dini se të gjithë rufetë nuk të godasin për të prishur jetën. Disa prej tyre të godasin edhe për të ta pastruar rrugën. Prandaj bëj apel, pastroni rrugën tuaj gjë që është në interesin e përgjithshëm”, ka deklaruar deputeti i VLEN, Halil Snopçe. Ai gjithashtu shtoi se përmirësimi i gabime është i natyrshëm dhe duhet të ndodhë. Sipas tij kur nuk përmirësohen gabimet kjo bënë problem të vërtetë. „Nëse bënë gabim nuk e korrigjon gabimin ky është gabimi i vërtetë, prandaj edhe lapi ka gomën se kush shkruan mund të gabojë“, përfundoi deputeti Snopçe
.https://www.facebook.com/share/v/1FMsJDg5bh/

Continue Reading

Lajme nga vendi

Janev për alarmet për bomba në shkolla: Gjendja e sigurisë është stabile, kemi gjurmë se nga vijnë kërcënimet

Published

on

Drejtori i Byrosë për Siguri Publike Aleksandar Janev, sot nga Tetova ka folur në lidhje me alarmet për vendosje të bombave nëpër shkolla. Janev tha se gjendja e sigurisë është stabile dhe kërkoi nga qytetarët të jenë të qetë.

Ai tha se autoritetet kanë gjurmë se prej nga vijnë këto alarme, por tha se nuk do të jep informacione të detajuara.

“Gjendja e sigurisë është stabile, nuk ka nevojë për panik, të gjithë qytetarët, prindërit dhe nxënësit duhet të jenë të qetë. Bëhet fjalë për alarme të rrejshme. Jemi duke hetuar qëllimin e këtyre alarmeve, së bashku me Interpolin dhe Europolin”.

“Kemi disa gjurmë, gjithashtu komunikojmë me kolegët tanë nga Kroacia dhe Hungaria, të cilat para disa ditësh po ashtu kanë pasur raste të njëjta. Autoritetet policore kanë kryer kontrolle aty ku është dashur. Kemi protokolle se si duhet të veprojmë në këto raste. Jemi të gatshëm për t’u përgjigjur ndaj të gjitha sfidave dhe do të jemi pranë qytetarëve. Kërcënime ka pasur dhe do të do ketë”, tha Janev.

Ndryshe, sot në mëngjes në shkolla të disa qyteteve në vend në adresat elektronike është dërguar kërcënim për vendosje të mjeteve shpërthyese, ndërsa këto kanë shkaktuar panik tek nxënësit, të cilët janë evakuuar nga objektet shkollore.

Advertisement
Continue Reading

Lajme nga vendi

KRRE: EVN Home t’i korrigjojë faturat e rrymës dhe të bëjë shpërndarje adekuate në blloqe

Published

on

Komisioni Rregullator për Energjetikë, Shërbime Ujore dhe Shërbime për Menaxhim me Mbeturina Komunale të Republikës së Maqedonisë së Veriut (KRRE) informon se (në bazë të Sistemit tarifor për shitje të energjisë elektrike të konsumatorëve të cilët i furnizon furnizuesi universal në afat të fundit, neni 10 paragrafi 8), të gjitha amvisëritë të cilat kanë marrë fatura për energji elektrike dhe kanë për herë të parë konsum të faturuar në bllokun e katërt, EVN Home është e detyruar t’i korrigjojë faturat për energji elektrike dhe të bëjë shpërndarje adekuate për energjinë elektrike dhe të bëjë shpërndarje adekuate në blloqe sipas historisë të konsumit mesatar të amvisërisë gjatë tri periudhave të fundit llogaritëse.

Konsumatorët të cilët janë të pakënaqur nga llogaritja e energjisë së shpenzuar dhe vlerës së faturës, (sipas nenit 37 nga Ligji për energjetikë, Rregullat për furnizim të energjisë elektrike dhe Rregullave për parashtrimin e ankesave dhe zgjidhjen e kontesteve, konsumatorët për çdo faturë), shtohet në kumtesë, kanë të drejtë të bëjnë ankesë për furnizuesin universal EVN HOME.

“Nëse konsumatori nuk është i kënaqur me përgjigjen e marrë ose nuk merr përgjigje brenda afatit të përcaktuar me ligj (8 ditë), ka të drejtë të paraqesë ankesë pranë KRRE-së si organ i shkallës së dytë. Nuk ka ndonjë formë/formular specifik të paraparë për ankesën në KRRE dhe ata duhet t’i bashkëngjisin asaj: një kopje të ankesës së paraqitur në EVN HOME, përgjigjen nga EVN HOME dhe një kopje të faturës për të cilën ankohen. Ankesa mund të dorëzohet në arkivin e KRRE -së ose në mënyrë elektronike me email në erc@erc.org.mk dhe potrosuvaci@erc.org.mk”, sqaron KRRE-ja dhe shton se pala e pakënaqur mund të iniciojë kontest administrativ kundër vendimeve të KRRE-së.

Nga 1 janari i vitit 2025 çmimi i rrymës për konsum mesatar në të gjitha katër blloqet është rritur për më pak se një për qind (0,92 %). Konkretisht në bllokun e parë çmimi është rritur për 0,68%, përderisa në bllokun e dytë çmimi është rritur për 0,90 %.

Komisioni Rregullator për Energjetikë, Shërbime Ujore dhe Shërbime për Menaxhim me Mbeturina Komunale, nënvizohet në kumtesë, ju bën thirrje partive politike të mos i politizojnë vendimet e KRRE-së i cili është organ i pavarur.

Advertisement
Continue Reading

Më të lexuarat