Ministri i Transformimit Digjital, Stefan Andonovski deklaroi se janë kërcënime hibride porositë përmes postës elektronike që të premten i morën shkollat me paralajmërime për mjete të vendosura shpërthyese, për të cilat u konstatua se janë paraqitje të rrejshme pas kontrolleve nga policia.

“Dallimi nga më parë është që menjëherë, që në mëngjes, u dëgjuam me ministren (e Arsimit), organizuam me ministrin e Punëve të Brendshme në grup pune ad hok i cili i shqyrtoi problemet me të cilat përballet sistemi, zhvilluam disa metodologji të cilat duhet të ndiqen në periudhën e ardhshme për preventivë në afat më të gjatë”, deklaroi Andonovski gjatë vizitës në SHF “Dimitar Makedonski” me rastin e shënimit të Ditës së internetit të sigurt.

Theksoi se MPB, MASH dhe komunat vepruan “në mënyrë shumë adekuate gjatë ditës”, se janë zgjidhur pasojat dhe se tani po punohet edhe në shkaqet “përse po na ndodhë kjo”.

“Sulme hibride do të ketë, sulme ndaj infrastrukturës sonë kibernetike do të vazhdojnë, por është shumë me rëndësi se si institucionet do të prëgjigjen, ndrësa tani prëgjigjen në mënyrë sistematike edhe në bashkëpunim me njëra-tjetrën. Qëndrojmë në dispozicion për t’u ndihmuar Ministrisë së Arsimit dhe Shkencës dhe të gjitha institucioneve të tjera nëse edhe më tej paraqiten probleme të këtilla”, tha Andonovski duke u përjgigjur në pyetje të gazetarëve.

Pasi të premten grupi i deputetëve të VMRO-DPMNE-së, VLEN dhe ZNAM dorëzuan interpelancë kundër anëtarëve të Këshillit Gjyqësor, kryetari i Kuvendit Afrim Gashi duhet t’i informojë për procedurën. Në afat prej 10 ditëve duhet të merr përgjigje nëse do të duan të prononcohen lidhur me interpelancën. Më pas Gashi do të duhet të caktojë seancë ku do të diskutohet për këto pika. Pritshmëritë janë se seanca mund të mbahet diku në fillim të muajit mars. Por edhe nëse interpelancat votohen, pesë anëtarët nuk do të thotë se do të shkarkohen. Largimi i tyre varet nga vullneti i tyre. Bëhet fjalë për Vesna Damevën, Pavlina Crvenkovska, Selim Ademi, Milazim Mustafa dhe Tanja Çaçarova-Ilievska. Për Arben Taravarin nga VLEN, reformat në gjyqësor janë të domosdoshme nëse duam rritje të besueshmërisë.

“Përderisa ka besueshmëri në gjykatë prej 2-3% , nënkupton automatikisht se kemi nevojë për reforma në gjykatë dhe prokurori. Këto ndryshime, pa i bërë reformat në Këshillin Gjyqësor dhe të Prokurorisë, nuk mund të bëhen. Prandaj mendoj se është e domosdoshme, nëse duam reforma. Nëse e duam status quo-n atëherë rrimë kështu dhe nuk ndryshojmë asgjë, por nëse nuk ndryshojmë asgjë, besueshmëria nuk do të rritet. Problemi kryesor i funksionimit të gjykatave dhe Prokurorisë, unë mendoj se është në këshillat e prokurorisë dhe gjykatave”, deklaroi Arben Taravari – ASH/VLEN. /Alsat.mk

Ministria e Mjedisit Jetësor dhe Planifikimit Hapësinor bën informon se Bashkimi Evropian ka miratuar një Rregullore të re (BE) 2024/1157 të Parlamentit Evropian dhe të Këshillit të datës 11 Prill 2024 për dërgesat e mbeturinave (importi, eksporti dhe tranziti i mbeturinave), e cila ka hyrë në fuqi më 20 maj 2024 dhe e cila ndryshon Rregulloren (BE) Nr. 1257/2013 dhe (BE) 2020/1056 dhe shfuqizon Rregulloren (EC) Nr. 1013/2006.

Qëllimi i Rregullores së re është të përforcojë zbatimin e legjislacionit në drejtim të parandalimit të eksporteve të paligjshme të mbeturinave nga shtetet anëtare të BE-së dhe në vendet e treta, si dhe për të siguruar menaxhim të shëndoshë ekologjik të dërgesave të mbeturinave brenda dhe jashtë BE-së.

Rregullorja vendos rregulla të reja për import/eksport/transit të mbeturinave edhe për vendet që nuk janë anëtare të Organizatës për Bashkëpunim Ekonomik dhe Zhvillim (OECD), grupit të cilit i përket Republika e Maqedonisë së Veriut.

Duke filluar nga data 21 maj 2027, Bashkimi Evropian prezanton rregulla më të rrepta për eksportin e mbeturinave jo të rrezikshme. Gjegjësisht, eksporti i mbeturinave jo të rrezikshme, ose të njohura si mbeturinat e “listës së gjelbër”, përgjithësisht do të ndalohet në vendet që nuk janë anëtare të OECD. Përjashtim nga ky rregull do të bënin vendet që, megjithëse nuk janë anëtare të OECD-së, kanë kapacitete që plotësojnë kërkesat e mbrojtjes së mjedisit për përpunimin e këtyre mbeturinave. Përkatësisht, të gjitha vendet që dëshirojnë të importojnë mbeturina jo të rrezikshme nga BE-ja, duhet të njoftojnë Komisionin Evropian për gatishmërinë e tyre dhe të konfirmojnë aftësinë e tyre për të menaxhuar mbeturinat në një mënyrë të shëndoshë ekologjike në përputhje me rregullat e legjislacionit të BE-së.

Megjithëse Rregullorja e re ka hyrë në fuqi më 20 maj 2024, shumica e dispozitave do të zbatohen nga 21 maj 2026 dhe shumica e rregullave të eksportit do të zbatohen nga 21 maj 2027.

Advertisement

Sipas rregullores, duke filluar nga 21 nëntor 2026, do të ndalohet plotësisht eksporti i mbeturinave plastike deri më 21 maj 2029, duke përfshirë mbeturinat plastike jo të rrezikshme (B3011). B3011 është një kod specifik mbeturinash sipas Konventës së Bazelit që klasifikon lloje të caktuara të mbeturinave plastike për riciklim [2].

Pas kësaj periudhe (21 maj 2029), vendet jo anëtare të OECD-së të interesuara për importimin e meturinave plastike do të ftohen të njoftojnë Komisionin Evropian dhe të demonstrojnë kapacitetin e tyre për të menaxhuar këto meturina në një mënyrë të shëndoshë ekologjike, në mënyrë që të përfshihen në listën e vendeve jo anëtare të OECD-së në të cilat meturinat plastike mund të eksportohen nga BE-ja. Kjo Kërkesë për Import të Meturinave Plastike nga BE-ja do të jetë në gjendje të mbulojë vetëm meturinat plastike jo të rrezikshme (B3011).

Në kuadër të asaj që u cek më sipër, në përputhje me Rregulloren e re, për të mundësuar importimin e mbeturinave nga BE-ja, Ministria e Mjedisit Jetësor dhe Planifikimit Hapësinor e Republikës së Maqedonisë së Veriut, si organ kompetent për importin, eksportin dhe transitin e mbeturinave, e ka plotësuar Kërkesën që është pjesë e Shtojcës 8, e cila është pjesë përbërëse e Rregullores së re, në bashkëpunim me Inspektoratin Shtetëror të Mjedisit, Drejtorinë doganore të Republikës së Maqedonisë së Veriut dhe Ministrinë e Ekonomisë dhe Punës dhe përgatitet (përmes procedurës së Qeverisë) që ta dorëzojnë në Komisionin Evropian jo më vonë se 20 shkurt 2025 (siç kërkohet nga Komisioni Evropian). Në bazë të kësaj kërkese, Komisioni Evropian do të vendos nëse Republika e Maqedonisë së Veriut i plotëson kushtet për menaxhimin e mbeturinave dhe në varësi të kësaj do të vendos nëse vendi do të jetë pjesë e Listës së vendeve që do të mund të importojnë mbeturina nga BE-ja.

Llojet e mbeturinave jo të rrezikshme për të cilat Republika e Maqedonisë së Veriut do të kërkojë që të lejohet importi nga BE-ja janë dhënë në tabelën 1. Tabela është përgatitur në bazë të të dhënave për importet e mbeturinave në vend për vitet e kaluara, të disponueshme për Ministrinë e Mjedisit Jetësor dhe Planifikimit Hapësinor.

Таbela 1. Lista e mbeturinave të mbuluara nga kërkesa

Advertisement

Përshkrimi i mbeturinave jo të rrezikshme ose përzierjeve të mbeturinave jo të rrezikshme	Kodi i identifikimit të mbeturinave *
Për mbeturinat nuk duhet të zbatohet procedura për njoftim paraprak me shkrim dhe leje, ndërsa pëlqimi për import do të lëshohet i shoqëruar me Shtojcën 7 të Rregullores për import, eksport dhe transit të mbeturinave (“Gazeta Zyrtare e Republikës së Maqedonisë” nr. 107/16).
Mbeturinat nga gdhendja dhe dhe bluarja e metaleve me ngjyra	12 01 01 Advertisement
Mbeturinat nga gdhendja dhe dhe bluarja e metaleve me ngjyra	12 01 02
Metalet pa ngjyra	16 01 17
Alumini Advertisement	17 04 02
Plumbi	17 04 03
Zinku	17 04 04 Advertisement
Hekuri dhe çeliku	17 04 05
Kallaj	17 04 06
Mbeturinat prej hekuri dhe çeliku Advertisement	19 10 01
Mbeturinat e metaleve pa ngjyra	19 10 02
Mbeturinat e metaleve me ngjyra	19 12 01  Advertisement
Metalet pa ngjyra	19 12 02
Metalet me ngjyra	19 12 03
Metalet Advertisement	20 01 40
Paketim letre dhe kartoni	15 01 01
Yndyrë dhe vaj gatimi	20 01 25 Advertisement
Qelqi	20 01 02
Paketimi nga metali	15 01 04

Advertisement